,
გურჯაანში, სოფელ ვაჩნაძიანში კომპანია "ჯიდი ჯგუფმა" ღვინის ახალი ქარხანა Wine Era გახსნა. საწარმოს ოფიციალური გახსნის ღონისძიებას "ოცნების" მთავრობის პრემიერ-მინისტრი, გარემოს დაცვისა და სოფლის მეურნეობის მინისტრი და პარლამენტის თავმჯდომარე ესწრებოდნენ.
სიტყვით გამოსვლისას ირაკლი კობახიძემ განაცხადა, რომ მეღვინეობა "ვაინ ერას" ქარხანაში ღვინო ძველი ტრადიციებით და ევროპული ტექნოლოგიებით შეიქმნება და ორიენტირებული იქნება მსოფლიო სტანდარტებზე. თუმცა არც პრემიერს, არც სოფლის მეურნეობის მინისტრს და არც კომპანიის დამფუძნებელს გოჩა დარჩიაშვილს ქარხანაში განხორციელებული ინვესტიციების, წარმადობისა და დასაქმებულთა რაოდენობის შესახებ არ უსაუბრიათ.
ირაკლი კობახიძემ ისიც თქვა, რომ მნიშვნელოვანია ამ ინიციატივის სოციალური ეფექტი - ქარხანაში ათეულობით ადგილობრივი დასაქმდება, რაც ხელს შეუწყობს ამ ადამიანების კეთილდღეობის დონის გაუმჯობესებას.
„ვაჩნაძიანში ვხედავთ, რომ ერთმანეთს ერწყმის ჩვენი უძველესი მეღვინეობის ტრადიციები და ახალი ტექნოლოგიები და ამისათვის ბატონ გოჩას განსაკუთრებული მადლობა მინდა გადავუხადო. ღვინო ამ ქარხანაში ძველი ტრადიციებით და ევროპული ტექნოლოგიებით შეიქმნება, რაც იქნება ორიენტირებული მსოფლიო სტანდარტებზე. ეს მიდგომა არის მისასალმებელი - მეცნიერულ ანალიზზე დაფუძნებული მიდგომა. სწორედ მეცნიერული ანალიზით შეირჩევა საძირეები, წვეთოვანი სარწყავი სისტემა, მიწისქვეშა მარანი ტემპერატურის კონტროლისთვის -ეს ტექნოლოგიები უზრუნველყოფს მაქსიმალური ხარისხის მიღწევას“, - განაცხადა პრემიერმა.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
