დოკუმენტში აღნიშნულია:
ყველა სირიელს, მათი რელიგიური ან ეთნიკური კუთვნილების მიუხედავად, უნდა ჰქონდეს გარანტირებული უფლება იყვნენ წარმოდგენილი სახელმწიფო დაწესებულებებში და მონაწილეობდნენ პოლიტიკურ პროცესებში მათი კომპეტენციის საფუძველზე.
ქურთული თემი სირიული საზოგადოების მნიშვნელოვანი ნაწილია, და სირია მათი ყველა სამოქალაქო და საკონსტიტუციო უფლებების გარანტორია.
სირიის მთელ ტერიტორიაზე უნდა იქნას უზრუნველყოფილი ცეცხლის შეწყვეტა.
ჩრდილოეთ-აღმოსავლეთ სირიაში არსებული ყველა სამოქალაქო და სამხედრო ობიექტი, მათ შორის სასაზღვრო გამშვები პუნქტები, აეროპორტები, ასევე ნავთობისა და გაზის საბადოები, უნდა იყოს ინტეგრირებული სირიის სახელმწიფო მმართველობის სისტემაში.
სირიის სახელმწიფომ უნდა უზრუნველყოს სირიელი ლტოლვილების უსაფრთხოება და გარანტირებული უნდა იყოს მათი დაბრუნება საკუთარ სოფლებში და ქალაქებში.
სირიის სახელმწიფომ უნდა მიიღოს ქურთების მხარდაჭერა ყოფილი პრეზიდენტის ბაშარ ალ-ასადის რეჟიმის ნარჩენებთან ბრძოლის საქმეში და ყველა იმ საფრთხის წინააღმდეგ, რომელიც ქვეყნის ერთობას საფრთხეს უქმნის.
აღმასრულებელი კომიტეტები ამ შეთანხმების განხორციელებაზე მიმდინარე წლის ბოლომდე იმუშავებენ.
ხელშეკრულებია გაფორმების შემდეგ სირიის ჩრდილოეთისა და აღმოსავლეთის რაიონების მოსახლეობა, მათ შორის რაკის, ალეპოს, ჰასაკას და დეირ-ეზ-ზორის პროვინციების მცხოვრებნი, გამოვიდნენ ქუჩებში, რათა იზეიმონ სირიის მთავრობისა და ქურთული ძალებს (SDF) შორის მიღწეული შეთანხმება.
