,
აშშ გლობალური სამხრეთისა და აღმოსავლეთის ქვეყნებზე ზეწოლას გააგრძელებს, - ამის შესახებ რუსეთის საგარეო საქმეთა მინისტრმა, სერგეი ლავროვმა განაცხადა.
„მუქარა ტარიფების გაზრდისა და მათი დასჯის შესახებ, ვინც დოლარს არ გამოიყენებს, ჩვენ არ გვაკვირვებს. კონკურენტებზე ზეწოლა და ცალმხრივი სარგებლის მიღება აშშ-ის პოლიტიკას ყოველთვის ახასიათებდა და ეს ახალი არ არის. სუვერენული სახელმწიფოების საშინაო საქმეებში ჩარევა დიდი ხანია რაც ვაშინგტონის მეთოდებს წარმოადგენს, ამიტომ ის, რა თქმა უნდა, გაგრძელდება. ჩვენ ამისთვის მზად უნდა ვიყოთ“, - განაცხადა სერგეი ლავროვმა.
ამასთან, მისი თქმით, დროა, აშშ-მა თავის დიქტატორულ მიდგომებს გადახედოს.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
