USD 3.0967
EUR 3.4931
RUB 4.1048
თბილისი
საქართველოში სუნელ-სანელებლების ტყვიით დაბინძურების ინდიკატორული კვლევები ჩატარდა
თარიღი : 10.21.2021 19:31  304

საქართველოში  ტყვიით დაბინძურების პოტენციური წყაროების განსაზღვრის მიზნით, ქვეყნის მასშტაბით სუნელ-სანელებლების ინდიკატორული კვლევები ჩატარდა. კვლევა  ორგანიზაცია Pure Earth-ის ინიციატივით და UNICEF/Cralios ის ფინანსური მხარდაჭერით 5 ქვეყანაში, მათ შორის, საქართველოში,  2020 წლის მეორე ნახევრიდან ხორციელდება.  პროექტის - „დავიცვათ თითოეული ბავშვის შესაძლებლობები“ –  მიზანია, ტყვიით დაბინძურების წყაროების კვლევა. დადგენილია, რომ ტყვიის უსაფრთხო ნორმა ადამიანის ორგანიზმისთვის - არ არსებობს!

საქართველოში ტყვიის შემცველობაზე  ინდიკატორული კვევები „Pure Earth“-ის ადგილობრივი წარმომადგენლების მიერ ჩატრდა. 2020 წლის ზაფხულიდან დღემდე  სამეგრელოს,  იმერეთის, გურიის, აჭარის, სამცხე-ჯავახეთის, ქვემო ქართლისა და შიდა ქართლის რეგიონებში, ასევე  თბილისში სუნელ-სანელებლების მონიტორინგი მიმდინარეობდა. არსებული პრაქტიკის მიხედვით, მსოფლიოში, მათ შორის საქართველოშიც, ტყვიით დაბინძურების ძირითად წყაროდ სუნელ-სანელებლები სახელდება, ამიტომაც განისაზღვრა საწყის ეტაპზე მათი ინდიკატორული კვლევა.

„Pure Earth“-ის ადგილობრივი წარმომადგენლების მიერ ჩამოთვლილ რეგიონებში კარდაკარ შემოვლის პრინციპით შესწავლილ იქნა ადგილობრივი წარმოება. გლეხურ-ფერმერულ მეურნეობებში სუნელების პირველად მწარმოებლებთან პირისპირ გამოკითხის მეთოდით მოხდა ვითარების შესწავლა. თუ როგორ, რა პერიოდულობით, როგორ ნიადგაზე მოჰყავთ ნედლეული, რომელ შხამ-ქიმიკატებს იყენებენ, სად აშრობენ, რა პირობებში ხდება  ნედლეულის დაფქვა/შეფუთვა/დაფასოება;

პარალელურ რეჟიმში მიმდინარეობდა ადგილობრივი ბაზრების მონიტორინგი, სადაც სუნელ-სანელებლების წარმომავლობასთან ერთად, გამოკვლეულ იქნა, რა პირობებში ხდება მისი რეალიზაცია; დადგინდა, უშუალოდ რეალიზაციის დროს, ნედლეულის ტყვიით დაბინძურების რა რისკები არსებობს; რა შესაფუთ მასალას იყენებენ, ან სად იფქვება და ა.შ.

გამოიკითხა სუნელ-სანელებლების რეალიზატორები, დაზუსტდა ინფორმაცია საბითუმო საწყობებზე, საიდანაც იღებენ რეალიზატორები იმპორტირებულ თუ ადგილობრივ ნედლეულს. აღსანიშნავია, რომ ბაზრის უდიდესი წილი იმპორტირებულ სანელებლებს უჭირავს. ადგილობრივი წარმოება ძალიან მცირეა.

გამოიკვეთა ერთი მნიშნველოვანი საკითხი: ადგილობრივი რეალიზატორები მცირე დაბებისა და რაიონების ბაზრებში აცხადებენ, რომ თავად მოჰყავთ ნედლეული საკუთარ საკარმიდამო ნაკვეთებში და სწორედ საკუთარი ნაწარმის რეალიზებას ახდენენ. მათი უმრავლესობის საკარმიდამო ნაკვეთის ინსპექტირებით დადგინდა, რომ ამ რაოდენობით ნედლეული  არც ერთ რეალიზატორს არ მოჰყავს და  უფრო მარკეტინგულად მოგებაზე გათვლილი ხრიკია. ზოგ შემთხვევაში, აღმოჩნდა, რომ საერთოდ არ მოჰყავთ და მხოლოდ იმპორტირებული სანელებლებით ვაჭრობას აქვს ადგილი.

გამოვლენილი კვლევის შედეგების მიხედვით, ეტაპობრივად ჩატარდა სუნელ-სანელებლების მსხვილი იმპორტიორების მონიტორინგი როგორც საწარმოში, სადაც სარეალიზაციოს გამზადება დაფქვა-დაფასოება ხდება, ასევე სასაწყობე მეურნეობებში, საიდანაც მარაგდება დასავლეთ და აღმოსავლეთ საქართველოს მსხვილი და მცირე ბაზრები.

პირველ ეტაპზე ჩატარებული კვევის შედეგები ასე გამოიყურება:

  • შემოწმდა სუნელ-სანელებლების 77 გამყიდველი;
  • 300-მდე ერთეულ სუნელს ტესტირება ჩაუტარდა;
  • შეფასდა 20-მდე ობიექტი;
  • ჩატარდა ინტერვიუები სუნელების ადგილობრივ მწარმოებლებთან და რეალიზატორებთან;
  • ინტერვიეუები სახელმწიფო უწყების წარმომადგენლებთან.

300-მდე სუნელის ნიმუშისა და 77 გამყიდველის შეფასების კვლევით დადგინდა, რომ

  • 20 მდე სუნელი შეიცავდა ტყვიის მაღალ კონცენტრაციას -1000 ppm და ზემოთ;
  • მიღებული კვლევის შედეგად დადგინდა საწარმოო ჯაჭვი, საიდანაც ხვდება სრულად ბაზარზე მიწოდება;
  • გამოიკვეთა, რომ, ძირითადად, ორგანიზებულ ბაზრებში ხდება რეალიზაცია.

სუნელ-სანელებლების ინდიკატორული კვევის შედეგები ეცნობდა დაინტერესებულ მხარეებს, რომლებიც ჩართული არიან პროექტის განხორციელებაში. აღნიშნული კვლევა მნიშვნელოვანია ტყვიით დაბინძურების წყროების გამოვლენისთვის და შემდგომი ქმედითი ნაბიჯების განსახორციელებლად.

აღნიშნული ინდიკატორული კვლევის შედეგების მიხედვით დაიგეგმა შემდგომი ქმედითი ღონისძიებები, რომლის შესახებაც პერიოდულად ეცნობება საზოგადოებას.

ბიზნესი
ვირების ფერმა „სახედარი"- მოთხოვნა გაიზარდა, ექიმები პირდაპირ უნიშნავენ პაციენტებს ვირის რძეს

ბოლო პერიოდში საქართველოში ვირის რძეზე მოთხოვნა 40%-ით გაიზარდა, - საკითხზე ვირების ფერმა „სახედარის“ დამფუძნებელმა და ხელმძღვანელმა, თემურ ლომიძემ BM.GE-სთან ისაუბრა.

მისი თქმით, რეალიზაციის გაზრდილი მაჩვენებლების პარალელურად, კომპანიის ფინანსური მაჩვენებლებიც შეიცვალა და „სახედარი“ დღეს არსებული ხარჯის გასტუმრებას არსებული შემოსავლებით ახერხებს.

რაც შეეხება წარმოებას, როგორც თემურ ლომიძემ განმარტა, ფერმაში საშუალოდ, თვში 130 ლიტრი რძე იწარმოება.

“გასული წლის ანალოგიურ პერიოდთან შედარებით მოთხოვნა დაახლოებით 40%-ით გაიზარდა. მიუხედავად ამისა, 1 ლიტრი რძის ფასი არ გაგვიზრდია, რადგან არ გვინდა ადგილობრივებისთვის ეს მიუწვდომელი პროდუქტი იყოს. მოთხოვნისა და რეალიზაციის ზრდის შესაბამისად, კომპანია დღეს არსებული შემოსავლით ხარჯების დაფარვას ახერხებს. ჯერ მოგებაზე არ გავსულვართ, თუმცა ფინანსური მაჩვენებლები მნიშვნელოვნად გაგვიუმჯობესდა“, - აცხადებს თემურ ლომიძე და დასძენს, რომ საქართველოში ვირის რძის ცნობადობა მნიშვნელოვნად გაიზარდა.

„პანდემიის პერიოდში ქვეყანაში ვირის რძის პროდუქტის ცნობადობა მნიშვნელოვნად გაიზარდა და შესაბამისად, გაიზარდა მოთხოვნაც. ძალიან ბევრი ექიმი პაციენტებს ვირის რძეს, მისი სასარგებლო თვისებებიდან გამომდინარე, პოსტ-კოვიდურ პერიოდში პირდაპირ უნიშნავს“, - განაცხადა მან.

ვირების ფერმა „სახედარი“ ადგილობრივი ბაზრის გარდა, ვირის რძეს და მისგან ნაწარმოებ რძის ფხვნილს, ასევე კოსმეტიკურ პროდუქტებს - ტუჩსაცხს, სახის საცხსა და საპონს აშშ-ში ყიდის და მომავალში საექსპორტო ბაზრების გაფართოებაზეც მუშაობს.

სრულად
გამოკითხვა
თქვენი აზრით ხელისუფლება კარგად მართავს კოვიდ სიტუაციას თუ არა?
ხმის მიცემა
სხვათა შორის

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.