,
საქართველოში მოქმედი ბანკების მოგება 2026 წლის პირველ კვარტალში 894 მილიონ ლარამდე გაიზარდა - ამის შესახებ ბანკების მიერ ეროვნულ ბანკისთვის წარდგენილი 2026 წლის იანვარ-მარტის ფინანსური მაჩვენებლებიდან ირკვევა.
მოგება წლიურ ჭრილში 146 მილიონი ლარით, ანუ 19.5%-ით არის გაზრდილი. ამასთან, 19 ბანკიდან 15 მოგებაზეა, 4 კი ზარალზე.
ბანკებიდან ყველაზე მაღალი - 447.5 მილიონი ლარის მოგება "საქართველოს ბანკს" აქვს, რაც წლიურად 15%-ით არის გაზრდილი. მეორე ადგილზეა "თიბისი ბანკი" 330 მილიონი ლარით (+12% წინა წელთან შედარებით), მესამე პოზიციას კი კვლავ "ლიბერთი ბანკი" იკავებს 32.4 მილიონი ლარის მოგებით (+9% მატება წინა წელთან). ამასთან, 2026 წლის აპრილში "ბაზისბანკმა" ლიბერთი ბანკის შესყიდვის შეთანხმება გააფორმა და ერთი წლის ვადაში ბანკების სრული შერწყმა უნდა განხორციელდეს. თავად ბაზისბანკის მოგება 2026 წლის 3 თვეში 28.2 მილიონ ლარს შეადგენდა.
რაც შეეხება ზარალიან ბანკებს, მათ შორის არიან - პეისერა ბანკი; ჰეშბანკი; სილქ ბანკი და ვითიბი ბანკი საქართველო. ყველაზე დიდი - 6.2 მილიონი ლარის ზარალი 2026 წლის იანვარ-მარტში სწორედ სილქ ბანკს ჰქონდა.
| # | ბანკი | მოგება 2026 წლის პირველ კვარტლაში მლნ ლარი |
მოგების ზრდა/კლება წინა წელთან |
| 1 | საქართველოს ბანკი | 447.5 მლნ ლარი; | 15% |
| 2 | თი–ბი–სი ბანკი | 330.3 მლნ ლარი; | 12% |
| 3 | ლიბერთი ბანკი | 32.4 მლნ ლარი; | 9% |
| 4 | ბაზის ბანკი | 28.2 მლნ ლარი; | 21% |
| 5 | კრედო ბანკი | 20.9 მლნ ლარი; | -5% |
| 6 | პროკრედიტ ბანკი | 9.6 მლნ ლარი; | 73% |
| 7 | ტერა ბანკი | 8.0 მლნ ლარი; | 24% |
| 8 | ხალიკ ბანკი | 6.1 მლნ ლარი; | 57% |
| 9 | ქართუ ბანკი | 6.0 მლნ ლარი; | -20% |
| 10 | მიკრობანკი კრისტალი | 4.9 მლნ ლარი; | 36% |
| 11 | პაშაბანკი | 4.1 მლნ ლარი; | -545% |
| 12 | იშ ბანკ | 4.0 მლნ ლარი; | 7% |
| 13 | პეივბანკი | 2.6 მლნ ლარი; | ბანკი წინა წელს 0.2 მლნ-ის ზარალზე იყო; |
| 14 | ზირაათ ბანკი | 1.7 მლნ ლარი; | -5% |
| 15 | მიკრობანკი ემბისი | 1.0 მლნ ლარი; | 40% |
| 16 | პეისერა | -0.5 მლნ ლარი; | ბანკი წინა წელს 0.04 მლნ-ის ზარალზე იყო; |
| 17 | ჰეშბანკი | -2.7 მლნ ლარი; | ბანკი წინა წელს 2 მლნ-ის ზარალზე იყო; |
| 18 | ვი–თი–ბი ბანკი | -3.3 მლნ ლარი; | ბანკი წინა წელს 33.5 მლნ-ის ზარალზე იყო; |
| 19 | სილქ ბანკი | -6.2 მლნ ლარი. | ბანკი წინა წელს 5.3 მლნ-ის ზარალზე იყო; |
თურქეთის პარლამენტმა ბოლო მოსმენით მიიღო კანონი, რომლის თანახმადაც 15 წელს მიუღწეველ მოზარდებს სოციალურ ქსელებსა და ონლაინ პლატფორმებზე რეგისტრაცია აეკრძალებათ. ინფორმაციას Associated Press-ი ავრცელებს.
როგორც სააგენტო იუწყება, კანონი მიიღეს მას შემდეგ, რაც ერთი კვირის წინ 14 წლის მოზარდმა თურქეთის ქალაქ კაჰრამანმარაშის სკოლაში ცეცხლის გახსნა და ცხრა მოსწავლე და ერთი მასწავლებელი მოკლა.
ახალი კანონი სოციალურ ქსელებს დაავალდებულებს ასაკის შემოწმების სისტემა დანერგონ და მშობლის კონტროლი დააწესონ, აგრეთვე ოპერატიული რეაგირება მოახდინონ იმ კონტენტზე, რომელიც სახიფათოდ იქნება მიჩნეული.
სიახლე გულისხმობს იმას, რომ ისეთმა პლატფორმებმა, როგორებიცაა YouTube, TikTok, Facebook, Instagram და ა.შ., 15 წლამდე მოზარდებს რეგისტრაცია აუკრძალონ და შექმნან მშობლის კონტროლი.
