,
საქართველოში გამაფრთხილებელი გაფიცვა მიმდინარეობს. საყოველთაო გაფიცვას უერთდებიან როგორც კომპანიები, ასევე ცალკეული თანამშრომლები - სააფთიაქო ქსელები, სუპერ მარკეტები, სილამაზის სალონები, კვების ობიექტები, სკოლები, უნივერსიტეტები, ბაღები, ბანკების თანამშრომლები და ა.შ.
დღევანდელი პროტესტის - "გაიფიცე საქართველოსთვის" მონაწილეები ახალი არჩევნების დანიშვნას და რეჟიმის პატიმრების გათავისუფლებას ითხოვენ.
საყოველთაო გაფიცვას უერთდება საქართველოს მეხუთე პრეზიდენტი სალომე ზურაბიშვილი, რომელიც მიესალმება პროტესტის ამ ფორმას.
გამაფრთხილებელი გაფიცვა 15:00-დან 18:00 საათამდე გაგრძელდება და დედაქალაქის გარდა, ქვეყნის მასშტაბით მოქმედ სხვადასხვა ტიპის და სიდიდის ბიზნესებს მოიცავს.
კომპანია Meta-მ დაასრულა მრავალფეროვნების, თანასწორობისა და ჩართულობის (DEI) პროგრამები. ინფორმაციას ამის შესახებ Fox News-ი ავრცელებს.
კომპანიამ თანამშრომლებს განუცხადა, რომ „სამართლებრივი და პოლიტიკის ლანდშაფტი მრავალფეროვნების, თანასწორობისა და ჩართულობის ძალისხმევის გარშემო იცვლება“.
მანამდე უმსხვილესმა ამერიკულმა კვების კომპანია „მაკდონალდსმა“ ოთხი წლის შემდეგ მრავალფეროვნების პოლიტიკის გაგრძელებაზე უარი განაცხადა.
როგორც „მაკდონალდსის“ მიერ გავრცელებულ განცხადებაშია აღნიშნული, ის მრავალფეროვნების პოპულარიზაციაზე უარს იტყვის კომპანიის უმაღლესი რგოლის დონეზე. ეს პროგრამა შეჩერდება კვების ობიექტების მიმწოდებლებისთვისაც, რომლებსაც ადრე კომპანია უმცირესობების დასაქმებისკენ მოუწოდებდა.
