USD 2.7084
EUR 2.9337
RUB 2.9233
თბილისი
საქართველოს ტექნიკური უნივერსიტეტის მოსწავლეთა გუნდმა ათასწლეულის ინოვაციის კონკურსში პირველი ადგილი და NASA-ს საგზური მოიპოვა
თარიღი:  510

საქართველოს ტექნიკური უნივერსიტეტის ინფორმატიკისა და მართვის სიტემების ფაკულტეტის საინჟინრო ფიზიკის დეპარტამენტთან არსებული მოსწავლეთა გუნდი „ელფები“ (Elves) ათასწლეულის ინოვაციის რიგით მე-7 კონკურსის (Millennium Innovations Award) გამარჯვებული და პირველი ადგილის მფლობელი გახდა.

გამარჯვებული გუნდი ამერიკის შეერთებულ შტატებში გაემგზავრება და NASA-ს კოსმოსური ცენტრის უნივერსიტეტის სასწავლო პროგრამასა და საზაფხულო ბანაკში მიიღებს მონაწილეობას.

 საქართველოს ტექნიკური უნივერსიტეტის საინჟინრო ფიზიკის დეპარტამენტთან არსებული მოსწავლეთა გუნდის - „ელფების“ წევრები სხვადასხვა სკოლის მოსწავლეები არიან: ანასტასია ჩალაგაშვილი (მე-6 საავტორო სკოლა, თბილისი), პანტელეიმონ კობახიძე, მარიამ მიქაძე, თამარ მაღრაძე (აია-GESS, თბილისი), გეგა ხაჩიძე (კომაროვის სახ. #199 საჯარო სკოლა, თბილისი). მოსწავლეთა გუნდს სამეცნიერო ხელმძღვანელობასა და მენტორობას საქართველოს ტექნიკური უნივერსიტეტის საინჟინრო ფიზიკის დეპარტამენტის პროფესორი თემურ ჩიჩუა უწევდა.

 სტუ-ის მოსწავლეთა გუნდ „ელფების“ საკონკურსო პროექტი - „კარბონის ნანობოჭკოების გამოყენებით დაბალ ძაბვაზე ფუნქციონირებადი ჰაერის იონიზატორის კონსტრუირება" (Desing of a Low Voltage Operating Air Ionizer Using Carbon Nanofibers) - ჟიურის გადაწყვეტილებით, კონკურსში მონაწილე თერთმეტი ფინალისტი გუნდის მიერ შექმნილ პროექტებს შორის საუკეთესოდ დასახელდა.

 მოსწავლეთა ფინალში გასულმა გუნდებმა წარადგინეს პროექტები საბუნებისმეტყველო, საინჟინრო და ტექნოლოგიური დარგების ისეთ მიმართულებებში, როგორიცაა: კოსმოსი და ავიაცია; რობოტექნიკა; მობილური ტექნოლოგიები და აპლიკაციები; გარემოს დაცვა; ჯანდაცვა და კვება.

 2021 წლის ათასწლეულის ინოვაციის კონკურსის გამარჯვებულთა დაჯილდოების გალა ცერემონია, რომელიც ფეისბუქ-ლაივით გადაიცა, „ათასწლეულის გამოწვევის ფონდი - საქართველოს“ აღმასრულებელმა დირექტორმა, მაგდა მაღრაძემ გახსნა:

 „მოხარული ვართ, რომ შვიდი წლის მანძილზე 2000-ზე მეტ ახალგაზრდას მიეცა საშუალება, კონკურსში ძალიან საინტერესო და ინოვაციური პროექტები წარმოედგინა. კონკურსი ემსახურება ახალგაზრდებში საბუნებისმეტყველო, საინჟინრო, STEM დარგებისადმი დაინტერესების გაზრდას და ინოვაციების შექმნის წახალისებას. დიდი მადლობა მინდა გადავუხადო აშშ-ის საელჩოს, რომელიც 2014 წლიდან ფინანსურ მხარდაჭერას უწევს აღნიშნულ კონკურსს და დიდი მადლობა მინდა გადავუხადო საქართველოს მთავრობას ამ ინიციატივის მხარდაჭერისთვის“, - განაცხადა მაგდა მაღრაძემ.

ათასწლეულის ინოვაციის კონკურსის გამარჯვებულთა დაჯილდოების გალა ცერემონიაზე მისასალმებელი სიტყვით წარსდგნენ საქართველოს პარლამენტის თავმჯდომარე შალვა პაპუაშვილი, ამერიკის შეერთებული შტატების ელჩი საქართველოში, მისი აღმატებულება კელი დეგნანი, საქართველოს განათლებისა და მეცნიერების მინისტრი მიხეილ ჩხენკელი.

„ძვირფასო მოსწავლეებო, გამომგონებლებო, გილოცავთ გამარჯვებას! ჩემთვის, როგორც მინისტრისთვის და როგორც პროფესორისთვის, ორმაგად სასიხარულოა, რომ ვხედავ ამდენ ახალგაზრდას, რომლებიც დაინტერესებულნი არიან მეცნიერებით. სწორედ თქვენთან ერთად და თქვენი მხარდაჭერით არის შესაძლებელი საქართველოში კონკურენტუნარიანი ახალი პროდუქტების, აპლიკაციების, საინჟინრო და ტექნოლოგიური გადაწყვეტილებების შექმნა. ინოვაციების და ტექნოლოგიების განვითარება კიდევ უფრო გვაახლოვებს თანამედროვე მსოფლიოსთან და ხელს უწყობს ახალი თაობის გამომგონებლების, ინჟინრებისა და სტარტაპერების გაძლიერებას. მთავრობისა და ჩვენი სამინისტროს ერთ-ერთი პრიორიტეტი სწორედ რომ საბუნებისმეტყველო მეცნიერებებისა და ტექნოლოგიების სფეროს განვითარებაა“, - აღნიშნა მინისტრმა მიხეილ ჩხენკელმა გამოსვლისას.

 სტუ საინჟინრო ფიზიკის დეპარტამენტთან არსებულ მოსწავლეთა გუნდს ღირსეულ გამარჯვება საქართველოს ტექნიკური უნივერსიტეტის რექტორმა, პროფესორმა დავით გურგენიძემ მიულოცა.

 „არაჩვეულებრივ და ნიჭიერ ახალგაზრდებს, უკვე გამომგონებლებს, მეცნიერების ურთულეს გზაზე გადადგმულ პირველ წარმატებულ ნაბიჯს ვულოცავთ. საქართველოს ტექნიკური უნივერსიტეტის მოსწავლეთა ჯგუფის გამარჯვება, პანდემიით გამოწვეული სირთულეების ფონზე, ორმაგად სასიხარულოა. მათ დაისახეს მიზანი, შესძლეს ინოვაციური იდეების განხორციელება, რაშიც დიდი წვლილი საქართველოს ტექნიკურ უნივერსიტეტსა და მის პროფესორს, „ელფების“ სამეცნიერო ხელმძღვანელს თემურ ჩიჩუას მიუძღვით. დარწმუნებული ვარ, ჩვენი მოსწავლეები კიდევ არაერთი წარმატებით გაგვახარებენ“, - აღნიშნა რექტორმა დავით გურგენიძემ.

 როგორც სტუ-ის გამარჯვებული გუნდის, „ელფების“ წევრებმა განაცხადეს, „ბოლო პერიოდში, კოვიდპანდემიის გამო, ძალიან აქტუალური გახდა იონიზატორის მოწყობილობები. ჩვენ გამოვიკვლიეთ და ძიებამ გვაჩვენა, რომ უკვე არსებულ იონიზატორებს აქვთ რამდენიმე ნაკლი და გადავწყვიტეთ ამ მიმართულებით გვემუშავა. ჩვენი იონიზატორი კომპაქტური და არსებულზე ბევრად უფრო ეფექტურია. მოწყობილობის მაქსიმალური ეფექტიანობის უზრუნველყოფა კი კარბონის ნანოძაფების დახმარებით შევძელით. ეს ჩვენი გუნდის პირველი სერიოზული გამარჯვებაა, რამაც უდიდესი სიხარული მოგვანიჭა და მოტივაციაც გავიასმაგა. ამ გამარჯვებას საქართველოს ტექნიკური უნივერსიტეტის 100 წლის იუბილეს ვუძღვნით, რომელიც წელს საზეიმოდ აღინიშნება“.

 ცნობისთვის, ათასწლეულის ინოვაციის კონკურსი, აშშ-ის საელჩოს დაფინანსებითა და სხვადასხვა პარტნიორი ორგანიზაციების მხარდაჭერით, 2014 წლიდან იმართება და უფროსკლასელებში ინოვაციური პროექტებისა და ახალი ტექნოლოგიების შექმნის წახალისებას ისახავს მიზნად. 2021 წლის კონკურსში მონაწილეობა 300-მდე მოსწავლემ მიიღო. კონკურსის პირველ ეტაპზე წარმოდგენილი იყო 64 განაცხადი: 45% - თბილისის, ხოლო 55% - საქართველოს რეგიონების საჯარო სკოლების მოსწავლეებისგან. ათასწლეულის ინოვაციის კონკურსის ფინალურ ეტაპზე გადავიდა თერთმეტი გუნდი - თბილისის, გარდაბნის, გორის, რუსთავის, მესტიის, ქუთაისისა და სენაკის საჯარო სკოლებიდან.

სპორტი
კახა კალაძე: ეს არ არის უბრალოდ გამარჯვება, ეს თარიღი საქართველოს უახლეს ისტორიაში ოქროს ასოებით იწერება

საქართველოს ფეხბურთელთა ეროვნული ნაკრების გამარჯვების შემდეგ, საქართველოს პრემიერ-მინისტრი ირაკლი კობახიძე, თბილისის მერი კახა კალაძე და ნაკრების წევრები პირველი რესპუბლიკის მოედანზე შეკრებილ გულშემატკივრებს შეუერთდნენ და გამარჯვება მათთან ერთად აღნიშნეს.

კახა კალაძემ მადლობა გადაუხადა ეროვნულ ნაკრებს და და კიდევ ერთხელ ხაზი გაუსვა პლეიოფის ფინალში გამარჯვების განსაკუთრებულ მნიშვნელობას.

„გილოცავთ! რთულია, ვისაუბრო იმაზე, თუ რამხელა გამარჯვება მოიპოვა ჩვენმა ქვეყანამ. ეს არის ის, რასაც ათეულობით წელი ველოდებოდით. ეს არ არის უბრალოდ გამარჯვება, ეს არის ისტორიის დაწერა. საქართველოს უახლეს ისტორიაში 2024 წლის 26 მარტი ოქროს ასოებით იწერება, იმიტომ, რომ ჩვენი ეროვნული ნაკრები ითამაშებს ევროპის ჩემპიონატზე“, - განაცხადა კახა კალაძემ.

დედაქალაქის მერმა მადლობა გადაუხადა ეროვნული ნაკრების გულშემატკივარსაც.

„მადლობა ყველას, ვინც მოედანზე იმყოფებოდა, ვინც სახლიდან უყურებდა ამ თამაშს. ყოველთვის, როცა ჭირდებოდა საქართველოს ეროვნულ ნაკრებს, იდექით მის გვერდში. იყო უამრავი წაგება, იყო რთული პერიოდი, მაგრამ ყოველთვის იდექით იქ, სადაც ჭირდებოდა ქართულ ფეხბურთს, ქართულ სპორტს და ამისთვის მინდა მადლობა გითხრათ თითოეულ თქვენგანს“, - მიმართა გულშემატკივრებს კახა კალაძემ.

სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.