,
საქართველოს ეროვნული ნაკრები წლის პირველ შეხვედრას მართავს. ვილი სანიოლის გუნდი თბილისში, „მიხეილ მესხი“ არენაზე ისრაელის ეროვნულ გუნდს უპირისპირდება. შეხვედრა წუთიერი დუმილით დაიწყო, სადაც პატრიარქ ილია მეორის ხსოვნას პატივი მიაგეს.
საქართველოს ნაკრები წლის პირველი ამხანაგური მატჩით იწყებს ერთა ლიგის შეხვედრებისთვის მზადებას, რომელიც 2026 წელს „ჯვაროსნებისთვის“ ყველაზე მნიშვნელოვანი ტურნირი იქნება.
ვილი სანიოლს გუნდის შეთამაშება სურს, განსაკუთრებით უკანა ხაზში, რადგან გურამ კაშიამ სანაკრებო კარიერის დასრულება გამოაცხადა – ნაკრების ახალი კაპიტანი კი ხვიჩა კვარაცხელია იქნება.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
