USD 3.0825
EUR 3.4980
RUB 4.0305
თბილისი
საქართველოს რკინიგზა - თბილისის შემოვლითი რკინიგზის პროექტის ოპტიმალური გადაწყვეტა დღემდე ვერ ვნახეთ
თარიღი : 12.26.2021 10:21  139

თბილისის შემოვლითი რკინიგზის პროექტი ისევ დაპაუზებულია. მთავრობამ და "საქართველოს რკინიგზას" ვერ გადაწყვიტეს, გადავა თუ არა თბილისის ცენტრიდან რკინიგზის სატვირთო ნაწილი და ამასთან, თუ 2010 წელს დაწყებული პროექტი არაეფექტიანი იყო, რა დატვირთვა ექნება უკვე აშენებულ ინფრასტრუქტურას.

"შემოვლითი რკინიგზის პროექტი სესხის ფარგლებში დაიწყო, რომლის ჯამური თანხა 500 მილიონი დოლარია. აქედან ნახევარი რკინიგზის მოდერნიზაციის პროექტში წავიდა, ნახევარი მიწაში ჩაიდო, უკუგების გარეშე და 7 წელია ეს (შემოვლითი რკინიგზის პროექტი) კომპანიას მხრებზე აწვება. ამ სესხის პროცენტს კომპანია, ჩვენი მენეჯმენტი იხდის, ჩვენი რესურსებიდან გამომდინარე და დღემდე ვერ ვნახეთ ერთობლივად – ვერც ეკონომიკურ გუნდთან და ვერც რკინიგზაში მისი ოპტიმალური გადაწყვეტა. ანუ როგორც რკინიგზა, ის ვერ განვითარდება.

თუ არ არსებობს ტექნიკურ–ეკონომიკური დასაბუთება, პროექტის დაწყება არაა მიზანშეწონილი. ეს ჩემი სუბიექტური და ობიექტური აზრია და მეორე საკითხი, რომელსაც ხაზს არავინ უსმევს – თბილისის შემოვლითი რკინიგზა გადის ახლო დისტანციაზე თბილისის ზღვასთან და საკმაოდ ჩვეულებრივი მოვლენაა ნებისმიერი ავარია რკინიგზაზე. შესაბამისად, ერთი ცისტერნის ავარიის შემთხვევაშიც კი შეიძლება თბილისის ზღვა რამდენიმე ათეული წლით დაბინძურდეს. საკმაოდ სარისკო პროექტი აღმოჩნდა და მეორე – ყველაზე მნიშვნელოვანი, ერთი თანხა, ერთი ტრანში გადამისამართდა რომ გამტარუნარიანობა გაიზარდოს (მოდერნიზაციის პროექტის მიხედვით) და მეორე – ვიწრო ყელი ჩნდებოდა თბილისის შემოვლით რკინიგზაზე, ანუ ორი ურთიერთსაწინააღმდეგო პროექტი დაიბადა ერთი ფინანსური წყაროდან", – განაცხადა "საქართველოს რკინიგზის" გენერალურმა დირექტორმა დავით ფერაძემ.

მისივე თქმით, წლების წინ, გადაწყვეტილების მიმღები პირი თავად რომ ყოფილიყო, ამ 500 მილიონი აშშ დოლარის მოცულობის სესხს არ აიღება.

"500 მილიონ აშშ დოლარს ევროობლიგაციების სახით არ განვათავსებდი და გამოვიტანდი 250-300 მლნ დოლარს. ამ წყაროდან შემოვლითი რკინიგზა ნამდვილად არ დაფინანსდებოდა. ამას არც დავიწყებდი", – აღნიშნა მან.

თბილისის შემოვლითი რკინიგზის პროექტის განვითარებაზე 2013 წლამდე $230 მილიონი დოლარი დაიხარჯა, თუმცა "ქართული ოცნების" ხელისუფლებაში მოსვლის შემდეგ მთავრობამ დაასკვნა, რომ პროექტი წამგებიანი იყო და მისი განვითარება შეჩერდა, სანახევროდ აშენებული ინფრასტრუქტურა კი დაკონსერვდა.

"საპარტნიორო ფონდის" გენერალურმა დირექტორმა დავით საგანელიძემ განაცხადა, რომ შემოვლითი რკინიგზის საფუძველზე, შესაძლოა თბილისის შემოვლითი ავტომაგისტრალი აშენდეს. პროექტი კერძო ინვესტორმა უნდა განახორციელოს, რომლის დაინტერესების მიზნითაც დავით საგანელიძეს აქვს ინიციატივა, რომ იმავე კომპანიას გადაეცეს შემოვლითი მაგისტრალის მიმდებარედ გარკვეული უძრავი ქონება, სადაც საცხოვრებელი სახლები აშენდება.

ბიზნესი
კომპანია „ენდორფინი“ სახელმწიფოს „რიყის დოქების“ 1 ლარად გადაცემას სთხოვს

საცხობი „ენდორფინი“ ადგილზე საკუთარი ფილიალის გახსნას და უფუნქციოდ დარჩენილი შენობისთვის სიცოცხლის დაბრუნებას გეგმავს. ამისთვის კი, ცნობილი კვების ობიექტი ეკონომიკის სამინისტროს თხოვნით მიმართავს და უძრავი ქონების 1 ლარად გადაცემას ითხოვს.

მათი თქმით, იმედი აქვთ, გადაწყვეტილება არ იქნება ნაჩქარევი და მიღებული იქნება სახელმწიფო სტრატეგიული ინტერესიდან გამომდინარე, რაც მათთვის, შენობის 1 ლარად გადაცემას გულისხმობს.

განცხადება ეკონომიკის მინისტრის სახელზე უკვე შეტანილია. ტექტს და ფესბუქ პოსტს ,,ბიზნესპრესნიუსი" უცვლელად გთავაზობთ:

,,მეგობრებო, ვისაც გსურთ რომ “რიყის დოქებში” გაიხსნას ენდორფინი, შემოვიდეს ორჯერ მეტი ტურისტი, რაც თავისთავად აამუშავებს რესტორნებს, სასტუმროებს, მაღაზიებს, საკურორტე ადგილებს, ტაქსებს და ზოგადად გააცოცხლებს ყველაფერს და ააგუგუნებს ეკონომიკას, გთხოვთ დაგვიჭიროთ მხარი და თქვენს ფეისბუქ გვერდზე დათაგოთ ეკონომიკის სამინისტრო (ეკონომიკისა და მდგრადი განვითარების სამინისტრო ) და მიაწეროთ - “ რიყის დოქები 1 ლარად ენდორფინს”

მადლობა და იმედია გიმასპინძლებთ “რიყის დოქებში” მალე”, - ნათქვამია საცხობის მიერ გავრცელებულ მიმართვაში.

სრულად
გამოკითხვა
თქვენი აზრით ხელისუფლება კარგად მართავს კოვიდ სიტუაციას თუ არა?
ხმის მიცემა
სხვათა შორის

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.