,
საქართველო-სომხეთი - "დინამო არენაზე" ერთა ლიგის პლეი ოფის საპასუხო მატჩი ანგარიშით 6:1 საქართველოს გამარჯვებით დასრულდა.
სომხეთის კარში 5 გოლი საქართველოს ნაკრებმა პირველივე ტაიმში გაიტანა, მეორე ტაიმის დასაწყისშივე სხვაობა სომხეთის ნაკრების ფეხბურთელმა ერთით შეამცირა, თუმცა საბოლოო ჯამში, საქართველო-სომხეთის ნაკრებების მატჩი დღეს "ჯვაროსნების" გამარჯვებით 6:1 დასრულდა.
დღესვე უნდა გახდეს ცნობილი, ვისთან მოუწევს ერთა ლიგის პლეი ოფის მორიგი შეხვედრა საქართველოს ფეხბურთელთა ნაკრებს, ეს ნიდერლანდებისა და ესპანეთის ნაკრებების დაპირისპირების შედეგზეა დამოკიდებული.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
