კვიპროსში გამართულ ევროპის თასზე სამბოში საქართველოს ნაკრებმა დაიკავა გუნდური პირველი ადგილი - 4 ოქრო, 3 ვერცხლი და 2 ბრინჯაო, - ამის შესახებ ინფორმაციას საქართველოს სამბოს ფედერაცია ავრცელებს.

64 კგ წონითი კატეგორიაში ოქროს მედალი მოიპოვა ავთანდილ მუკბანიანმა, ვერცხლი - გიორგი ნასყიდაშვილმა.

71 კგ წონითი კატეგორიაში ვერცხლის მედალი მოიპოვა გიორგი ლურსმანაშვილმა, ბრინჯაო - მინდია ლილუაშვილმა.

79 კგ წონითი კატეგორიაში ოქროს მედალი მოიპოვა ომარ ნიაზაშვილმა.

88 კგ წონითი კატეგორიაში ოქროს მედალი მოიპოვა მიშიკო ნოზაძემ, ვერცხლი - შმაგი დადუნაშვილმა, ბრინჯაო - ონისე ხურციხემ.

მძიმე წონით კატეგორიაში ოქროს მედალი მოიპოვა გიორგი ქავთარაძემ.