USD 2.7084
EUR 2.9337
RUB 2.9233
თბილისი
საქართველოს ეროვნული ბოტანიკური ბაღი - 60 წლის მეგობრობა თანამშრომლებს შორის
თარიღი:  362
პირველი ფოტოს გადაღებიდან ბევრმა წელმა ჩაიარა. ჩაიარა და თან წაიღო უამრავი აღტაცება და გულისწყვეტა, ტკივილი და სიხარული. ჩაიარა და დატოვა თბილი მოგონება, მეგობრობა და სიყვარული.
საკუთარი შრომის ნაყოფის ხილვის ბედნიერება და გასული წლების მონატრება. წლების, როცა ჯერ კიდევ პატარა გოგონები ბოტანიკურ ბაღში პირველად შეხვდნენ ერთმანეთს და მეგობრობას საფუძველი ჩაუყარეს. მეგობრობას, რომელიც მრავალი წელია გრძელდება.
ნანა ყუბანეიშვილი, რომელიც გახლავთ ტროპიკულ მცენარეთა კოლექციის კურატორი და ლია მეტრეველი აგრონომი. ქალბატონები რომლებმაც თავისი წვლილი შეიტანეს ბაღის ისტორიის შექმნაში.
ქალბატონმა ნანა ყუბანეიშვილმა განვლილი გზა გაიხსენა: - ''ბაღში მუშის პოზიციაზე მოვედი. შემდეგ აგრონომად და ლაბორანტად ვმუშაობდი. მეცნიერ-მუშაკად დაწინაურებამ დიდი პერსპექტივების წინაშე დამაყენა და ტროპიკული ორანჟერეა ჩამაბარეს. ძალიან დიდი პასუხისმგებლობა გვქონდა. ვსაზღვრავდით არსებულ საჭიროებებს და გამოწვევებს, რაც ბუნებრივია ჩვენი ენერგიის სრულ მობილიზებას და ცოდნის კიდევ უფრო გაღრმავების ყოველდღიურ საჭიროებას მოითხოვდა.
პრინციპში სხვაგვარად არც შეიძლებოდა, რადგან სკოლის მერხიდან პირდაპირ ბოტანიკურ ბაღში მოვედით, სადაც ჩვენი მნიშვნელობა დავინახეთ. შეგვიყვარდა ჩვენი საქმე და ახლაც, ამდენი წლის შემდეგ ვერ წარმოგვიდგენია რომ სხვა ცხოვრება გაგვევლო.
ამ შრომით შეიქმნა ტროპიკული მცენარეების შესახებ საკმაოდ მოცულობითი წიგნი, რომელშიც არა მხოლოდ ფოტომასალა, არამედ ყველა მცენარის დეტალური აღწერაა მოცემული.
ბოლოს კი მინდა ვთქვა, ბოტანიკურ ბაღში დაწყებული მეგობრობა მთელი ცხოვრება გაგრძელდა და ერთად ბევრი რამ გავიარეთ, ერთმანეთს ვაძლიერებდით. ყველაზე ძვირფასი, რაც მე და ლიას და ბაღის სხვა თანამშრომლებს დღეს გვაქვს - ეს ის ახალგაზრდები არიან, რომლებიც ჩვენთან მოვიდნენ და სიყვარულით ჩაერთვნენ ბაღის მოვლისა და განვითარების საქმეში. ვხედავთ, რომ ისინი ღირსეულად, თავდადებულად შრომობენ და ყოველდღე იმაღლებენ ცოდნას''.
ქალბატონი ლია მეტრეველი: - ''ბაღში მუშის პოზიციაზე მოვედი და ნანაც მაშინ გავიცანი. შემდეგ ლაბორანტი, აგრონომი და ბოლოს მეცნიერ-თანამშრომელი გავხდი. ჩვენი ცხოვრება ერთმანეთს გადაეჯაჭვა. სამუშაო ადგილის ნებისმიერ ცვლილებას, ერთად ვხვდებოდით. ერთმანეთს დავყვებოდით თუნდაც იმ მიზეზის გამო, რომ ერთმანეთის ყველაფერი ვიცოდით. მცენარის მოვლის რომელი მიმართულება იყო ჩვენთვის ძლიერი მხარე. ერთმანეთს ვავსებდით და უმთავრესი, რაც გვაერთიანებდა ბაღის სიყვარული იყო''.
დიახ, ნამდვილად საამაყოა, რომ თბილისის ამ ულამაზეს ადგილს ასეთი შრომისმოყვარე და ნიჭიერი ხალხი უვლის და მუდმივად მის განვითარებაზე ფიქრობს
სპორტი
კახა კალაძე: ეს არ არის უბრალოდ გამარჯვება, ეს თარიღი საქართველოს უახლეს ისტორიაში ოქროს ასოებით იწერება

საქართველოს ფეხბურთელთა ეროვნული ნაკრების გამარჯვების შემდეგ, საქართველოს პრემიერ-მინისტრი ირაკლი კობახიძე, თბილისის მერი კახა კალაძე და ნაკრების წევრები პირველი რესპუბლიკის მოედანზე შეკრებილ გულშემატკივრებს შეუერთდნენ და გამარჯვება მათთან ერთად აღნიშნეს.

კახა კალაძემ მადლობა გადაუხადა ეროვნულ ნაკრებს და და კიდევ ერთხელ ხაზი გაუსვა პლეიოფის ფინალში გამარჯვების განსაკუთრებულ მნიშვნელობას.

„გილოცავთ! რთულია, ვისაუბრო იმაზე, თუ რამხელა გამარჯვება მოიპოვა ჩვენმა ქვეყანამ. ეს არის ის, რასაც ათეულობით წელი ველოდებოდით. ეს არ არის უბრალოდ გამარჯვება, ეს არის ისტორიის დაწერა. საქართველოს უახლეს ისტორიაში 2024 წლის 26 მარტი ოქროს ასოებით იწერება, იმიტომ, რომ ჩვენი ეროვნული ნაკრები ითამაშებს ევროპის ჩემპიონატზე“, - განაცხადა კახა კალაძემ.

დედაქალაქის მერმა მადლობა გადაუხადა ეროვნული ნაკრების გულშემატკივარსაც.

„მადლობა ყველას, ვინც მოედანზე იმყოფებოდა, ვინც სახლიდან უყურებდა ამ თამაშს. ყოველთვის, როცა ჭირდებოდა საქართველოს ეროვნულ ნაკრებს, იდექით მის გვერდში. იყო უამრავი წაგება, იყო რთული პერიოდი, მაგრამ ყოველთვის იდექით იქ, სადაც ჭირდებოდა ქართულ ფეხბურთს, ქართულ სპორტს და ამისთვის მინდა მადლობა გითხრათ თითოეულ თქვენგანს“, - მიმართა გულშემატკივრებს კახა კალაძემ.

სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.