,
გასულ წელს საავტომობილო გადაზიდვებიდან მიღებულმა შემოსავალმა, 100 მილიონს გადააჭარბა.
2022 წლის 11 თვეში საქართველოს ბიუჯეტში გზათსარგებლობიდან მიღებულმა შემოსავალმა 112.10 მლნ ლარი შეადგინა, ეს მაჩვენებელი 2021 წლის ჯამურ მონაცემზე თითქმის 1.7-ჯერ მეტია.
მხოლოდ ნოემბერში საქართველოს დერეფანში 38 792 ტრაილერმა გაიარა, ბიუჯეტში შენატანი კი 13 577 160 ლარი იყო.
2022 წლის ნოემბრის მონაცემს თუ შევადარებთ, დერეფანში ტრაილერების რაოდენობა 57.5% ანუ 14 177 ერთეულით იყო გაზრდილი.
გზათსარგებლობიდან მიღებული შემოსავალი:
• 2022 წლის 11 თვე - 112.1 მლნ ლარი
• 2021 წლის 11 თვე - 60.5 მლნ ლარი
გზათსარგებლობიდან შემოსავლების ზრდა ორმა ფაქტორმა განაპირობა - საქართველოს დერეფანში გაიზარდა სატვირთო გადაზიდვები, ასევე 2022 წლიდან გაძვირდა გზათსარგებლობის საფასური. თუ საქართველოს გზებზე მოძრავი თითოეული ტრაილერი გზათსარგებლობისთვის 2022 წლის 20 ივნისამდე 200 ლარს იხდიდა, 20 ივნისის შემდეგ გადასახადი 350 ლარამდე გაიზარდა.
თურქეთის პარლამენტმა ბოლო მოსმენით მიიღო კანონი, რომლის თანახმადაც 15 წელს მიუღწეველ მოზარდებს სოციალურ ქსელებსა და ონლაინ პლატფორმებზე რეგისტრაცია აეკრძალებათ. ინფორმაციას Associated Press-ი ავრცელებს.
როგორც სააგენტო იუწყება, კანონი მიიღეს მას შემდეგ, რაც ერთი კვირის წინ 14 წლის მოზარდმა თურქეთის ქალაქ კაჰრამანმარაშის სკოლაში ცეცხლის გახსნა და ცხრა მოსწავლე და ერთი მასწავლებელი მოკლა.
ახალი კანონი სოციალურ ქსელებს დაავალდებულებს ასაკის შემოწმების სისტემა დანერგონ და მშობლის კონტროლი დააწესონ, აგრეთვე ოპერატიული რეაგირება მოახდინონ იმ კონტენტზე, რომელიც სახიფათოდ იქნება მიჩნეული.
სიახლე გულისხმობს იმას, რომ ისეთმა პლატფორმებმა, როგორებიცაა YouTube, TikTok, Facebook, Instagram და ა.შ., 15 წლამდე მოზარდებს რეგისტრაცია აუკრძალონ და შექმნან მშობლის კონტროლი.
