,
რეგიონული პოლიტიკისა და თვითმმართველობის კომიტეტმა დაჩქარებული წესით განხილვისთვის მოთხოვნილ „ადგილობრივი მოსაკრებლების შესახებ“ საქართველოს კანონში ცვლილების შეტანის თაობაზე“ კანონპროექტს და მისგან გამომდინარე კანონპროექტებს პირველი მოსმენით მხარი დაუჭირა. საკითხი დეპუტატებს კანონპროექტის ერთ-ერთმა ინიციატორმა, პარლამენტის წევრმა გიორგი ხახუბიამ გააცნო. ამის შესახებ ინფორმაციას პარლამენტის პრესსამსახური ავრცელებს.
მომხსენებლის ინფორმაციით, ცვლილებების მომზადების მიზანს საპორტო ქალაქებისთვის საკონტეინერო მოსაკრებლის შემოღება წარმოადგენს, რომელიც მუნიციპალიტეტებს საშუალებას მისცემს მოაწყოს შესაბამისი ინფრასტრუქტურა და კიდევ უფრო ეფექტურად განახორციელოს საერთაშორისო საკონტეინერო მომსახურება. მისივე თქმით, წარმოდგენილი ცვლილებებით, საკონტეინერო მოსაკრებლის ოდენობა დგინდება, რომლის ზედა ზღვარი ერთი კონტეინერისათვის 30 ლარს შეადგენს.
სხდომის წამყვანის, კომიტეტის თავმჯდომარის პირველი მოადგილის ირაკლი ზარქუას შეფასებით, საკანონმდებლო ცვლილებები დეცენტრალიზაციის კუთხით მნიშვნელოვანი ნაბიჯია, რადგან საკონტეინერო მომსახურებიდან მიღებული ფინანსური რესურსი პირდაპირ ადგილობრივ მუნიციპალიტეტებში მიემართება.
თურქეთის პარლამენტმა ბოლო მოსმენით მიიღო კანონი, რომლის თანახმადაც 15 წელს მიუღწეველ მოზარდებს სოციალურ ქსელებსა და ონლაინ პლატფორმებზე რეგისტრაცია აეკრძალებათ. ინფორმაციას Associated Press-ი ავრცელებს.
როგორც სააგენტო იუწყება, კანონი მიიღეს მას შემდეგ, რაც ერთი კვირის წინ 14 წლის მოზარდმა თურქეთის ქალაქ კაჰრამანმარაშის სკოლაში ცეცხლის გახსნა და ცხრა მოსწავლე და ერთი მასწავლებელი მოკლა.
ახალი კანონი სოციალურ ქსელებს დაავალდებულებს ასაკის შემოწმების სისტემა დანერგონ და მშობლის კონტროლი დააწესონ, აგრეთვე ოპერატიული რეაგირება მოახდინონ იმ კონტენტზე, რომელიც სახიფათოდ იქნება მიჩნეული.
სიახლე გულისხმობს იმას, რომ ისეთმა პლატფორმებმა, როგორებიცაა YouTube, TikTok, Facebook, Instagram და ა.შ., 15 წლამდე მოზარდებს რეგისტრაცია აუკრძალონ და შექმნან მშობლის კონტროლი.
