USD 2.7084
EUR 2.9337
RUB 2.9233
თბილისი
საპატრიარქო ტახტის მოსაყდრის, სენაკისა და ჩხოროწყუს მიტროპოლიტ შიოს (მუჯირი) ქადაგება ამაღლების დღესასწაულზე
თარიღი:  284

,,გავმხნევდეთ და ნურაფრის შეგვეშინდება... უფალი იესო ქრისტე მუდამჟამს იყო, არის და იქნება ჩვენთან, ოღონდაც ჩვენ გული გავუხსნათ სულიწმიდის მოსვლას, ოღონდაც ჩვენ ვიქონიოთ იესო ქრისტეს მიერ დაარსებული ეკლესიის რწმენა და სიყვარული და მაშინ, მართლაც, ვის შეუძლია ვნებად ჩვენდა, ვისა გვეშინოდეს?!"

სახელითა მამისათა და ძისათა და სულისა წმინდისათა.
 ქრისტეს მიერ საყვარელნო მამანო, ძმანო და დანო, გილოცავთ ამაღლების დიდებულ დღესასწაულს.
 
გადმოგცემთ სრულიად საქართველოს კათოლიკოს-პატრიარქ ილია II-ის მოლოცვას და ლოცვა-კურთხევას.
 
 უფალი ჩვენი იესო ქრისტე ჯერ კიდევ საიდუმლო სერობაზე ეუბნებოდა თავის მოწაფეებს, რომ იგი მამა ზეციერთან მიდის, იმისთვის, რომ მათ განუმზადოს ადგილი და მოუვლინოს სულიწმიდა. „უმჯობესია თქვენთვის, რომ წავიდე, რადგან თუ არ წავალ, ნუგეშისმცემელი ვერ მოვა თქვენთან, ხოლო თუ წავალ, მე მოგივლენთ მას“, - ამბობს უფალი სულიწმიდის შესახებ.
 
 იმჟამად მოციქულებისთვის ეს რთულად გასაგები იყო. მათ ვერ გაიგეს კიდეც ეს სიტყვები სათანადოდ, მაგრამ როგორც იცით, ჯვარცმისა და მკვდრეთით აღდგომის შემდეგ უფალი იესო ქრისტე 40 დღის განმავლობაში იყო მოციქულებთან. ეცხადებოდა მათ, მოძღვრავდა და საღვთო განგებულების საიდუმლოებებს განუმარტავდა. სწორედ ამიტომ, როდესაც ისინი მიდიან ელეონის მთაზე, ბევრად მეტი იციან კაცობრიობის გამოხსნის საიდუმლოების შესახებ. და აი, ისინი ემშვიდობებიან მაცხოვარს და იესო ქრისტე ზეცად მაღლდება მათ თვალწინ.
 
რა არის ზეცად ამაღლების მნიშვნელობა ჩვენი სულის გადარჩენისთვის? პირველ რიგში, ეს არის ადამიანის ბუნების განდიდება, რომ კაცობრივი ბუნება მკვდრეთით აღდგომილი და ზეცად ამაღლებული, ყოვლადწმინდა სამების წიაღში მაღლდება და ჯდება მარჯვენით მამისა. აი, ასეთი დიდი საიდუმლოებაა.
 
 თქვენ გახსოვთ უფალი იესო ქრისტეს სიტყვები, როდესაც იგი მამა ღმერთს მიმართავს: „დიდება, რომელიც შენ მომეცი, მე მათ მივეცი, ჩემს მოწაფეებს და მიმდევრებს. მამაო, სადაც მე ვიქნები, მსურს, იქვე იყვნენ ისინიც“. იქ იმყოფება უფალი იესო ქრისტეს საღვთო ბუნება და ადამიანური ბუნებაც, რომელსაც ჩვენ ვეზიარებით ეკლესიაში სულიწმიდის მადლით.
 
 კიდევ ერთი მნიშვნელობა ზეცად ამაღლებისა გახლავთ ის, რომ ამაღლებით გზა გაეხსნა ყოვლადწმინდა სამების მესამე ჰიპოსტასს ამ სამყაროში მოსასვლელად. ამაზეც ამბობს უფალი იესო ქრისტე: „მე მოგივლენთ თქვენ სულიწმიდას და როდესაც მოვა ნუგეშისმცემელი, იგი წაგიძღვებათ თქვენ ყოველი ჭეშმარიტებისკენ“. ჩვენ ვიცით, რომ მართლაც, სულიწმიდა მოევლინა სამყაროს, გარდამოვიდა მოციქულებზე იმისთვის, რომ განწმინდოს და აკურთხოს ჩვენი ცხოვრება, აცხონოს ჩვენი სულები სულიწმიდის იმ ნიჭებით, რომლებიც გვეძლევა ჩვენ ეკლესიაში.
 
 დღეს ჩვენ სამოციქულოში ასევე მოვისმინეთ, რომ წმინდა ანგელოზები ეტყვიან მოციქულებს, რომლებიც უცქერენ ზეცად აღმავალ იესო ქრისტეს, რომ იმავე გზით მოვა იგი მეორედ ზეციდან დიდებით. ამაზეც არსებობს უფალი იესო ქრისტეს წინასწარმეტყველება. იგი ამბობს წმინდა იოანე ღვთისმეტყველის გამოცხადებაში: „აჰა, მოვალ მალე და საქმეთაებრ მივაგებ ყოველივეს“. ე.ი. იგი მეორედ მოვა ადამიანთა განსჯისთვის, რომ განსაჯოს, თუ რამდენად მივიღეთ ჩვენ ყოველივე ის სიკეთე, რომელიც მან გვიბოძა ჩვენ თავისი განკაცებითა და სულიწმიდის მოვლინებით.
 
 სახარებაში ნათქვამია, რომ მოციქულები დიდი სიხარულით ბრუნდებიან იერუსალიმში. თითქოს, განშორება მოხდა საყვარელ მოძღვართან, სად არის აქ სიხარულის საბაბი, მაგრამ, აი, რაზეც მე მოგახსენეთ ახლა, სწორედ ეს იყო მიზეზი მათი დიდი სიხარულისა. იმიტომ რომ, მათ უწყოდნენ - ეს განშორება არ არის სამუდამო, არამედ დროებითია, ვინაიდან მათ ახსოვდათ უფალი იესო ქრისტეს კიდევ ერთი დანაპირები: „არ დაგტოვებთ თქვენ ობლად, მე თქვენთან ვარ ვიდრე აღსასრულამდე სოფლისა. ვინ შემძლებელ არს ვნებად თქვენდა,,“ - ასეთი სიტყვებია დღესასწაულის კონდაკში, ე.ი. ვის შეუძლია, რომ თქვენ გავნოს?!
 
ღმერთმა დაგლოცოთ, ძვირფასო ძმებო და დებო. კიდევ ერთხელ გილოცავთ ამ დიდებულ დღესასწაულს და, მართლაც, გავმხნევდეთ და ნურაფრის შეგვეშინდება, იმიტომ რომ უფალი იესო ქრისტე მუდამჟამს იყო, არის და იქნება ჩვენთან, ოღონდაც ჩვენ გული გავუხსნათ სულიწმიდის მოსვლას, ოღონდაც ჩვენ ვიქონიოთ იესო ქრისტეს მიერ დაარსებული ეკლესიის რწმენა და სიყვარული და მაშინ, მართლაც, ვის შეუძლია ვნებად ჩვენდა, ვისა გვეშინოდეს?!
 
ღმერთმა გაგახაროთ და დაგლოცოთ.
 
 მინდა, დღევანდელი დღე განსაკუთრებით სიყვარულით მივულოცო სრულიად საქართველოს კათოლიკოს-პატრიარქ ილია II-ს და მადლობა გადავუხადო მისი დიდი ღვაწლისთვის, ვინაიდან მან მთელი თავისი ცხოვრება და მოღვაწეობა უძღვნა სწორედ ჩვენი ერის სულიერ ამაღლებას.
 
 ღმერთმა დაგლოცოთ, გაგაძლიეროთ, გაგახაროთ და აღგამაღლოთ უფალმა თქვენ და სრულიად საქართველო, ამინ!
 
თბილისის ყოვლადწმინდა სამების სახელობის საპატრიარქო ტაძარი
 
25 მაისი, 2023 წელი
სპორტი
კახა კალაძე: ეს არ არის უბრალოდ გამარჯვება, ეს თარიღი საქართველოს უახლეს ისტორიაში ოქროს ასოებით იწერება

საქართველოს ფეხბურთელთა ეროვნული ნაკრების გამარჯვების შემდეგ, საქართველოს პრემიერ-მინისტრი ირაკლი კობახიძე, თბილისის მერი კახა კალაძე და ნაკრების წევრები პირველი რესპუბლიკის მოედანზე შეკრებილ გულშემატკივრებს შეუერთდნენ და გამარჯვება მათთან ერთად აღნიშნეს.

კახა კალაძემ მადლობა გადაუხადა ეროვნულ ნაკრებს და და კიდევ ერთხელ ხაზი გაუსვა პლეიოფის ფინალში გამარჯვების განსაკუთრებულ მნიშვნელობას.

„გილოცავთ! რთულია, ვისაუბრო იმაზე, თუ რამხელა გამარჯვება მოიპოვა ჩვენმა ქვეყანამ. ეს არის ის, რასაც ათეულობით წელი ველოდებოდით. ეს არ არის უბრალოდ გამარჯვება, ეს არის ისტორიის დაწერა. საქართველოს უახლეს ისტორიაში 2024 წლის 26 მარტი ოქროს ასოებით იწერება, იმიტომ, რომ ჩვენი ეროვნული ნაკრები ითამაშებს ევროპის ჩემპიონატზე“, - განაცხადა კახა კალაძემ.

დედაქალაქის მერმა მადლობა გადაუხადა ეროვნული ნაკრების გულშემატკივარსაც.

„მადლობა ყველას, ვინც მოედანზე იმყოფებოდა, ვინც სახლიდან უყურებდა ამ თამაშს. ყოველთვის, როცა ჭირდებოდა საქართველოს ეროვნულ ნაკრებს, იდექით მის გვერდში. იყო უამრავი წაგება, იყო რთული პერიოდი, მაგრამ ყოველთვის იდექით იქ, სადაც ჭირდებოდა ქართულ ფეხბურთს, ქართულ სპორტს და ამისთვის მინდა მადლობა გითხრათ თითოეულ თქვენგანს“, - მიმართა გულშემატკივრებს კახა კალაძემ.

სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.