დიდუბის რაიონის გამგეობამ სამტრედიის ქუჩის N2-ში მოსასვენებელი სივრცის რეაბილიტაცია დაასრულა.
ტერიტორიაზე მოეწყო ბილიკები, დამონტაჟდა განათების სისტემა, დაიდგა საპარკე სკამები და ურნები, ასევე დაირგა სხვადასხვა სახის ხე-მცენარე.
პროექტის ღირებულებამ 268 391 ლარი შეადგინა.
დასრულებულ სამუშაოებს დიდუბის რაიონის გამგებელი დავით გელოვანი დედაქალაქის საკრებულოს დიდუბის მაჟორიტარ დეპუტატ გივი ჩხარტიშვილთან ერთად გაეცნო და ადგილობრივ მოსახლეობას შეხვდა.
