,
საქართველო და მოლდოვა შეერთებული შტატების მნიშვნელოვანი პარტნიორები არიან. ჩვენ მათი სუვერენიტეტის, დამოუკიდებლობისა და ტერიტორიული მთლიანობის მიმართ ერთგულები ვართ და ამ ერთგულებას სხვადასხვა გზით წარმოვაჩენთ, - ამის შესახებ სახელმწიფო დეპარტამენტის პრესსპიკერმა, ნედ პრაისმა განაცხადა.
კითხვაზე, იგეგმება თუ არა ქართულ მხარესთან რაიმე მოლაპარაკებები რეგიონში განვითარებულ მოვლენებსა და რუსეთის აგრესიასთან დაკავშირებით, ნედ პრაისმა უპასუხა, რომ ვაშინგტონი ყოველთვის კავშირზეა რეგიონში თავის პარტნიორებთან.
„ჩვენ ყოველთვის კავშირზე ვართ რეგიონში ჩვენს პარტნიორებთან იქ ჩვენი საელჩოს, დეპარტამენტის საშუალებით. მათ შორის, რა თქმა უნდა, ჩვენს კოლეგებთან თბილისში. ეს დისკუსიები მიმდინარეობს. ჩვენ ვიცით, რომ ვლადიმირ პუტინს შესაძლოა, ჰქონდეს მისწრაფებები აგრესიისკენ რეგიონის სხვა ქვეყნების წინააღმდეგ. ვფიქრობ, საპასუხოდ ჩვენ ვახდენთ დემონსტრირებას, თუ როგორ უზრუნველვყოფთ ჩვენს უკრაინელ პარტნიორებს იმით, რაც მათ სჭირდებათ, რომ იყვნენ ეფექტური ამ გარემოების წინაშე, რუსული აგრესიის ამ საშინელი შემთხვევის წინააღმდეგ. ჩვენ ვაჩვენებთ, რომ შეერთებული შტატები, ჩვენი მოკავშირეები და პარტნიორები მხარს არ დაუჭერენ ამ ტიპის ქმედებას“, - განაცხადა ნედ პრაისმა.
18-თვიანი მოლაპარაკებების შემდეგ დამასკომ და მოსკოვმა ხელი მოაწერეს მემორანდუმს სირიაში რუსეთის ყოფნის რეორგანიზაციის შესახებ. შეთანხმების მიხედვით სამოქალაქო ობიექტები, მათ შორის ჰამეიმიმის აეროპორტი და ტარტუსის პორტის ნავმისადგომი, სირიის მართვაში გადავა, ხოლო სამხედრო ბაზები ერთობლივ საწვრთნელ ცენტრებად გარდაიქმნება.
შეთანხმება ძალაში სამი თვის განმავლობაში შევა.
