,
საფრანგეთში დააკავეს იტალიური მაფიის ბოსი მარკო რადუანო, რომელიც სარდინიის ციხიდან ზეწრების საშუალებით გაიქცა.
40 წლის მარკო რადუანო, რომელიც სარდინიის ციხიდან გასული წლის თებერვალში გაიქცა და ევროპოლის მიერ იძებნებოდა, კუნძულ კორსიკაზე დააკავეს.
მას ნარკოტიკებით ვაჭრობისა და სხვა დანაშაულებისთვის 24-წლიანი პატიმრობა აქვს მისჯილი.იტალიური პოლიციის ცნობით, ესპანეთის ქალაქ გრანადაში ასევე დააკავეს რადუანოს „მარჯვენა ხელი“ ჯანლუიჯი ტროიანო.
რადუანო ფოჯას კრიმინალური სინდიკატის მეთაურად ითვლება, რომელსაც სიძლიერით მეოთხე იტალიურ მაფიას უწოდებენ - სიცილიური, კალაბრიული და ნეაპოლიტანური მაფიის შემდეგ.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
