,
საბერძნეთში რეკორდული სიცხე გრძელდება. ერთ-ერთ რაიონში ტემპერატურამ +46 გრადუსს გადააჭარბა. ინფორმაციას Ekathimerini ავრცელებს.
ქალაქ მაკრაკომში მეტეოროლოგიურმა სადგურმა +46.3 გრადუსი დააფიქსირა.
ათენის ეროვნული ობსერვატორიის სადგურების ქსელის ცნობით, 143 სადგურზე ტემპერატურამ +40 გრადუსს გადააჭარბა, 22 სადგურზე კი +43 დაფიქსირდა.
ათენში ჰაერის ტემპერატურა შუაღამისას +33 გრადუსი იყო.
რამდენიმე არქეოლოგიურმა ძეგლმა მუშაობის შეჩერების შესახებ განკარგულება მიიღო, რათა სიცხისგან პერსონალი და ვიზიტორები დაეცვა,
ამასთან, ცხელმა ამინდმა, შესაძლოა, ტყის ხანძრებთან დაკავშირებული ვითარება გააუარესოს.
დონალდ ტრამპის განცხადებით, აშშ ირანში ხიდებსა და ელექტროსადგურებს გაანადგურებს, თუ ირანი ჰორმუზის სრუტეში გემებს თავს დაესხმება.
„ამ მომენტიდან ყოველ ჯერზე, როდესაც ირანის ისლამური რესპუბლიკა რაკეტით, დრონით ან სხვა იარაღით ჰორმუზის სრუტეში გემს დაარტყამს, ამერიკის შეერთებული შტატები დაბომბავს და გაანადგურებს ერთ ხიდს ან ელექტროსადგურს“, - წერს ტრამპი Truth Social-ზე.
ტრამპის თქმით, აშშ ირანის დედაქალაქ თეირანში და მის სიახლოვეს მდებარე ხიდებსა და ელექტროსადგურებსაც დაარტყამს.
