,
აბერძნეთის კუნძულ როდოსზე სახლებიდან და სასტუმროებიდან ათასობით ადამიანის ევაკუაცია განხორციელდა, მას შემდეგ, რაც კუნძულის დიდი ნაწილი ტყის ხანძრებმა მოიცვა, - ინფორმაციას BBC-ი ავრცელებს.
ადგილობრივი ხელისუფლების მონაცემებით, ზღვისა და ხმელეთის საშუალებით 3500-ზე მეტი ადამიანი უსაფრთხო ადგილებში გადაიყვანეს.
საბერძნეთის კლიმატის კრიზისისა და სამოქალაქო დაცვის სამინისტროს ცნობით, ხანძრის შედეგად არავინ დაშავებულა.
ხანძრის სალიკვდაციო სამუშაოებში ხუთი ვერტმფრენი და 173 მეხანძრეა ჩართული, კიოტარის რაიონში სამი სასტუმრო დაზიანდა. დაზარალდა ლაერმას, ლარდოსის და ასკლიპიოს რაიონებიც.
კუნძულის აღმოსავლეთით მდებარე პლაჟებიდან ადამიანების ევაკუაციის პროცესში საბერძნეთის სანაპირო დაცვის სამსახურს კერძო ნავებიც ეხმარებიან. ტერიტორიისკენ მიემართებიან საბერძნეთის სამხედრო-საზღვაო ძალების გემებიც.
შეგახსენებთ, საბერძნეთში ძლიერი სიცხის ტალღისგან გამოწვეულ ტყის ხანძრებს რამდენიმე დღეა ებრძვიან. ყველაზე მეტად დაზარალდა ათენის დასავლეთით მდებარე ტერიტორია, ასევე ლაკონიას რეგიონი სამხრეთ პელოპონესშ და კუნძული როდოსი.
საბერძნეთის ხელისუფლება ახალი ხანძრების გაჩენის ძალიან მაღალ რისკზე საუბრობს, რადგან ჰაერის ტემპერატურა კიდევ უფრო მატულობს.
მაშინ, როდესაც უკრაინაში კონფლიქტი ესკალაციის ახალ ფაზაში შევიდა, კვლავ გააქტიურდა დისკუსიები უკრაინის ტერიტორიაზე დასავლური ჯარებისა და კერძო თავდაცვითი კომპანიების გაგზავნის შესახებ, - წერს ფრანგული გაზეთი Le Monde-ი წყაროებზე დაყრდნობით.
„დიდ ბრიტანეთსა და საფრანგეთს შორის მიმდინარეობს დისკუსიები თავდაცვის სფეროში თანამშრომლობასთან დაკავშირებით, განსაკუთრებით ევროპაში მოკავშირეთა ძირითადი ჯგუფის შექმნის მიზნით, რომელიც ორიენტირებულია უკრაინასა და უფრო ფართო ევროპულ უსაფრთხოებაზე“, - განუცხადა Le Monde-ს ბრიტანულმა სამხედრო წყარომ.
ფრანგული გაზეთი აღნიშნავს, რომ უკრაინაში დასავლური ჯარების ან კერძო კომპანიების გაგზავნის შესახებ დისკუსიები 2023 წლის ბოლოდან შორ მანძილზე მოქმედი იარაღის მიწოდების გაზრდის ფონზე განახლდა.
წყაროების განცხადებით, უკრაინელებს არ შეუძლიათ ამ ტიპის რაკეტების გამოყენება ადგილზე დასავლური მხარდაჭერის გარეშე.
