,
„საბავშვო ევროვიზიის“ კვირეულის გახსნის აღსანიშნავ საზეიმო მიღებას კონკურსის მონაწილე ქვეყნების დელეგაციები დაესწრნენ. სტუმრებს სიტყვით მიმართა საქართველოს კულტურის მინისტრმა.
13 დეკემბერს ჩვენი ქვეყანა „საბავშვო ევროვიზიას“ მეორედ უმასპინძლებს, კონკურსი თბილისში პირველად 2017 წელს გაიმართა. ღონისძიებაში ევროპის სხვადასხვა ქვეყნიდან 9-დან 14-წლამდე ასაკის შემსრულებლები მიიღებენ მონაწილეობას. მუსიკალური ნომრებით 18 ქვეყნის დელეგაცია იქნება წარმოდგენილი. ჩვენ ქვეყანას „საბავშვო ევროვიზია 2025“-ზე ანიტა აბგარიანი წარადგენს.
საქართველო კონკურსის ისტორიაში ყველაზე წარმატებული მონაწილეა – ქვეყანას ოთხი გამარჯვება აქვს მოპოვებული. „საბავშვო ევროვიზია” თბილისის ოლიმპიურ სოფელში, ტანვარჯიშის არენაზე გაიმართება.
თურქეთის პარლამენტმა ბოლო მოსმენით მიიღო კანონი, რომლის თანახმადაც 15 წელს მიუღწეველ მოზარდებს სოციალურ ქსელებსა და ონლაინ პლატფორმებზე რეგისტრაცია აეკრძალებათ. ინფორმაციას Associated Press-ი ავრცელებს.
როგორც სააგენტო იუწყება, კანონი მიიღეს მას შემდეგ, რაც ერთი კვირის წინ 14 წლის მოზარდმა თურქეთის ქალაქ კაჰრამანმარაშის სკოლაში ცეცხლის გახსნა და ცხრა მოსწავლე და ერთი მასწავლებელი მოკლა.
ახალი კანონი სოციალურ ქსელებს დაავალდებულებს ასაკის შემოწმების სისტემა დანერგონ და მშობლის კონტროლი დააწესონ, აგრეთვე ოპერატიული რეაგირება მოახდინონ იმ კონტენტზე, რომელიც სახიფათოდ იქნება მიჩნეული.
სიახლე გულისხმობს იმას, რომ ისეთმა პლატფორმებმა, როგორებიცაა YouTube, TikTok, Facebook, Instagram და ა.შ., 15 წლამდე მოზარდებს რეგისტრაცია აუკრძალონ და შექმნან მშობლის კონტროლი.
