რუსეთის სასამართლომ კომპანია Twitter-ი 3.2 მილიონი რუბლით (დაახლოებით 42 000 აშშ დოლარი) დააჯარიმა, - ამის შესახებ ინფორმაციას Reuters-ი ავრცელებს.
სასამართლოს განმარტებით, მათ Twitter-ი დამნაშავედ იმის გამო ცნეს, რომ კომპანიამ უარი განაცხადა საკუთარი პლატფორმიდან აკრძალული კონტენტი წაეშალა. Twitter-ს აღნიშნულ ფაქტზე ჯერჯერობით კომენტარი არ გაუკეთებია. თუმცა კომპანიაში მანამდე განაცხადეს, რომ შეშფოთებულები არიან რუსეთის მოქმედებით, რომელიც თავისუფალ სიტყვაზე ზეგავლენის მოხდენისკენაა მიმართული.
შეგახსენებთ, გასულ თვეში რუსეთის კომუნიკაციების მარეგულირებელმა ორგანომ Twitter-ის სერვისის სიჩქარე შეამცირა, 16 მარტს კი დაიმუქრა, რომ თუკი კომპანია საკუთარი პლატფორმიდან აკრძალული შინაარსის პოსტებს არ წაშლიდა ერთ თვეში მას საერთოდ დაბლოკავდა.