,
რომის პაპმა ფრანცისკემ მორწმუნეებს მიმართა და შობის მოკრძალებულად აღნიშვნისკენ მოუწოდა.
„ნუ შეგვეშლება აღნიშვნა კონსუმერიზმთან. ვიზეიმოთ შობა მოკრძალებულად, მათთან გაზიარებით, ვისაც ურთიერთობა აკლია“, - განაცხადა მან.
მან ასევე აღნიშნა, რომ არავინ უნდა დაივიწყოს ისინი, ვინც ომის სიმძიმეს საკუთარ თავზე განიცდის.
„შობას ახლოს ვართ ძმებსა და დებთან, რომლებიც ომის გამო იტანჯებიან. ვფიქრობთ პალესტინაზე, ისრაელზე, უკრაინაზე. ვფიქრობთ ყველა მათგანზე, ვინც განიცდის შიმშილსა და მონობას“, - აღნიშნა პონტიფექსმა.
ბოლოს, ფრანცისკემ მორწმუნეებს სთხოვა მისთვისაც ელოცა და ყველას დამდეგი შობა მიულოცა. გვიან საღამოს რომის პაპი წმინდა პეტრეს ბაზილიკაში შობის დღესასწაულთან დაკავშირებით საშობაო მსახურებას აღავლენს. კათოლიკური სამყარო შობას 25 დეკემბერს აღნიშნავს.
18-თვიანი მოლაპარაკებების შემდეგ დამასკომ და მოსკოვმა ხელი მოაწერეს მემორანდუმს სირიაში რუსეთის ყოფნის რეორგანიზაციის შესახებ. შეთანხმების მიხედვით სამოქალაქო ობიექტები, მათ შორის ჰამეიმიმის აეროპორტი და ტარტუსის პორტის ნავმისადგომი, სირიის მართვაში გადავა, ხოლო სამხედრო ბაზები ერთობლივ საწვრთნელ ცენტრებად გარდაიქმნება.
შეთანხმება ძალაში სამი თვის განმავლობაში შევა.
