,
ყოფილი პოლიტპატიმარი, ჯემალ გუნდიშვილი, რომელიც ოჯახთან ერთად ემიგრაციაში იმყოფება შვეიცარიაში, საკუთარ ფეისბუკ გვერდზე კორონავირუსთან მისი ბრძოლის გამოცდილების შესახებ წერს და რეკომენდაციას აძლევს ყველა მსურველს. როგორც ბ-ნი ჯემალი აღნიშნავს, ძირტკბილას ფესვის ნაყენი ამ შემთხვევაში უებარი წამალი აღმოჩნდა.
"გამარჯობათ მეგობრებო.
ბევრი ვიფიქრე ეს პოსტი დამეწერა თუ არა, რადგან ძნელია შესთავაზო ადამიანებს რაღაც, რაც შეიძლება პანაცეად მოინათლოს დღევანდელი სიტუაციიდან გამომდინარე.
საქმე ეხება ავად სახსენებელი კორონა ვირუსს.
ამჟამად ვიმყოფები შვეიცარიაში ოჯახთან ერთად. აქაურმა ხელისუფლებამ, როგორც ჩანს ბრიტანულ მკურნალობის პროტოკოლს მიანიჭა უპირატესობა, ანუ პროცესი მიუშვა და ვირუსის შესაკავებლად ბევრს არაფერს აკეთებს.
ბევრი ფიქრის და სხვადასხვა, საუკუნობით გამოცდილი და თანამედროვე კვლევებზე დაყრდნობით, მონაცემთა შეჯერების შემდეგ ავარჩიეთ რეცეპტი, რომელსაც წარმოგიდგენთ.
წინასწარ მინდა გითხრათ, რომ ამ რეცეპტის მიხედვით დამზადებული წამალი ვიხმარეთ ჯერ მთელმა ოჯახმა---- მე, ჩემმა მეუღლემ, რომელსაც ამაში ლომის წვლილი მიუძღვის და ჩვენმა ექვსმა შვილმა. გარკვეულ პერიოდში ყველას გვქონდა ვირუსისათვის დამახასიათებელი სიმპტომები---- ყელის სიმშრალე და ტკივილი, რომელიც ყურში გადაეცემოდა, სიცხე, დაღლილობისა და ენერგიიისაგან დაცლის შეგრძნება, ზოგ შემთხვევაში სუნისა და გემოს შეგრძნების დაქვეითება ან სრულიად დაკარგვა.
ჩვენივე რჩევით წამალი იხმარეს თბილისშიც, ქუთაისშიც და საქართველოს სხვა დასახლებულ ადგილებში. ასევე აქ შვეიცარიაში, ჰოლანდიაში, უკრაინაში, საბერძნეთში, იტალიაში. ეს რეცეპტი ასევე ურჩია თავის ნაცნობებსა და მათი საშუალებით სხვებსაც ექიმმა, რომელმაც გარკვეული მიმართულებით მუშაობა ურჩია ჩემს მეუღლეს.
აქვე მინდა აღვნიშნო რომ მე მაქვს თირკმლების უკმარისობა, ცეროზი, გადატანილი მაქვს ჰეპატიტიC და B.
მაქვს ქრონიკული ოსტიომიელიტი და ვარ ჰიპერტონიკი.
ასევე შვეიცარიაში წამალი მიიღო ადამიანმა, რომელიც არის ონკოლოგიური და გენეტიკური დაავადების მქონე მწოლიარე მდგომარეობაში, მისმა მეუღლემ, რომელიც ცხოვრობს მასთან ერთად ერთ ოთახში და ორივეს ტესტით დაუდგინეს კორონა ვირუსი, მთელი ის საერთო საცხოვრებელი, სადაც ეს ხალხი ცხოვრობს, გადაყვანილია კარანტინში, რადგან მის მაცხოვრებელთა ნაწილს ტესტით დაუდგინდა ვირუსით დასნებოვნება.
მოკლედ, თავი რომ არ შეგაწყინოთ, უკლებლივ ყველა შემთხვევაში დადებითი შედეგი იქნა მიღწეული ერთი დღე-ღამის განმავლობაში.
ყველას მოეხსნა ის პრობლემა და სიმპტომი, რაც აწუხებდა.
იყო ეს სიცხე, ყელის და ყურის ტკივილი, ხველა, ძილიანობა და დაღლილობის შეგრძნება და რა ვიცი კიდევ რა.
მე არა მაქვს ოფიციალური მონაცემები, მაგრამ ვინც მიცნობს და მენდობა, უმორჩილესად გთხოვთ იხმარეთ ეს წამალი როგორც პრევენციის მიზნით, ასევე დაავადების გართულების შემთხვევაშიც.
იმ დაახლოებით ორმოცდაათამდე შემთხვევიდან გამომდინარე, რომელზეც მიგვიწვდა ხელი თვალყური გვედევნებინა წამლის შედეგებისათვის, ყველა შემთხვევაში და დარწმუნებული ვარ რაოდენობა ბევრად მეტია, უმორჩილესად გთხოვთ გამოიყენეთ და იცოცხლეთ, ასევე აცოცხლეთ სხვებიც.
რეცეპტი
12 გრამი ძირტკბილას ფესვი.
12 გრამი ვარდის ფურცელი. (შესაძლოა მხოლოდ ძირტკბილა და ქინძის თესლი)
9. გრამი ქინძის თესლი.
დაასხით 2,5 (ორნახევარი) ლიტრი წყალი.
ადუღეთ საშუალო ცეცხლზე ვიდრე შიგთავსი არ განახევრდება.
გააცივეთ და გადმოწურეთ ისე, რომ ნალექი არ გადმოჰყვეს.
გამოივლეთ ყელში ღარღარით დილას უზმოზე და საღამოს ძილის წინ.
შეგიძლიათ მეტჯერაც.
გამოვლების შემდეგ ცოტა (ერთი ყლუპი ) დალიეთ.
ყველას გისურვებთ ჯანმრთელობას და კარგად ყოფნას.
იცოცხლეთ და იბედნიერეთ.
P.S. იმ შემთხვევაში თუ ვარდის ფურცელს ვერ იშოვით, წამალი დაამზადეთ მის გარეშე.
ეფექტი მაინც ექნება."
18-თვიანი მოლაპარაკებების შემდეგ დამასკომ და მოსკოვმა ხელი მოაწერეს მემორანდუმს სირიაში რუსეთის ყოფნის რეორგანიზაციის შესახებ. შეთანხმების მიხედვით სამოქალაქო ობიექტები, მათ შორის ჰამეიმიმის აეროპორტი და ტარტუსის პორტის ნავმისადგომი, სირიის მართვაში გადავა, ხოლო სამხედრო ბაზები ერთობლივ საწვრთნელ ცენტრებად გარდაიქმნება.
შეთანხმება ძალაში სამი თვის განმავლობაში შევა.
