იოანე შავთელი საუბრობს თამარის ლაშქრის მიერ დამარცხებულ ერთ-ერთ ფრანგ სარდალზე - ჰონორიუს დუკაზე (ონორის დუქსი) ძალიან იდუმალი და დამაინტრიგებელი ჩანაწერია...
შავთელის ცნობით, დავით სოსლანმა ჰონორიუს დუკას ,,პირი ავად შეუქნა", მყისიერად და მსწრაფლად.
შემდეგ აღწერილია დიდი ბრძოლის პერიპეტიები, რომელიც ბასიანის ბრძოლის დეტალებს ჩამოჰგავს.
ცნობილია, რომ რუმის სასულთნოში ძალიან მაღალი იყო ფრანგი სამხედრო მოქირავნეების რაოდენობა, შესაძლოა ჰონორიუს დუკა რუქნ ად დინის სამხედრო სამსახურში მყოფი ფრანგი მოქირავნეების მეთაური ყოფილიყო.
რუმის სულთნები ფრანგებს, როგორც საუკეთესო სამხედრო ძალას ავანგარდში აყენებდნენ, სწორედ ეს ჩანს შავთელის ცნობიდანაც, ჰონორიუს დუკა ავანგარდის მცველია, რომელსაც დავით სოსლანმა ,,დროშა ნუქარდინისი" აართვა:
,,ონორის დუქსა, პირს ავად უქსა, მყის შერისხვითა, მსწრაფლ სიმკვირცხლენით.
დროშა მოიგდო, დრო შამაიგდო, მტერნი დახოცნის აოხრებითა.
ბუკ-ტაბლაკობით, საარაკობით, მედგრად იბრძოდის, გამწყაზვრებითა.
გაცბუვნებულნი, გაწბილებულნი, უღონოდ შექმნის აბჯართ ახდითა.
გამეხებული, გამარჯვებული, იყო, იშვებდა ფუფუნებითა".
წყარო: - ბექა ჭიჭინაძე
