,
თურქეთის პრეზიდენტის, რეჯეფ თაიფ ერდოღანის თქმით, უკრაინა იმსახურებს იყოს NATO-ს წევრი.
ამის შესახებ ერდოღანმა უკრაინის პრეზიდენტ ვოლოდიმირ ზელენსკისთან შეხვედრის შემდეგ გამართულ ერთობლივ ბრიფინგზე განაცხადა.
"უკრაინა იმსახურებს NATO-ს წევრობას. კიდევ ერთხელ თქვენი თანდასწრებით მინდა ხაზგასმით აღვნიშნო, არავინ წააგებს სამართლიანი მშვიდობით", - თქვა ერდოღანმა.
როგორც ერდოღანმა აღნიშნა, თურქეთი უკრაინას "ფეხზე წამოდგომაში" დაეხმარება.
"ჩვენი სამშენებლო კომპანიები, რომლებიც უკრაინაში ბაზრის ლიდერები არიან, დაეხმარებიან ჩვენს უკრაინელ მეგობრებს ქვეყნის აღდგენაში", - თქვა ერდოღანმა.შეგახსენებთ, ვილნიუსში NATO-ს სამიტამდე, 7 ივლისს, უკრაინის პრეზიდენტი ვოლოდიმირ ზელენსკი თურქეთში ჩავიდა, სადაც რეჯეფ თაიფ ერდოღანს შეხვდა. მოლაპარაკებების მთავარი საკითხი NATO-ს მომავალი სამიტი, უკრაინის მშვიდობის ფორმულა, უსაფრთხოების გარანტიები, მარცვლეულის ინიციატივა და უკრაინულ-თურქულ კომპანიებს შორის თავდაცვის კონტრაქტები იყო.
18-თვიანი მოლაპარაკებების შემდეგ დამასკომ და მოსკოვმა ხელი მოაწერეს მემორანდუმს სირიაში რუსეთის ყოფნის რეორგანიზაციის შესახებ. შეთანხმების მიხედვით სამოქალაქო ობიექტები, მათ შორის ჰამეიმიმის აეროპორტი და ტარტუსის პორტის ნავმისადგომი, სირიის მართვაში გადავა, ხოლო სამხედრო ბაზები ერთობლივ საწვრთნელ ცენტრებად გარდაიქმნება.
შეთანხმება ძალაში სამი თვის განმავლობაში შევა.
