,
ის მიწები, სადაც რუსეთი შეიჭრა, უკრაინას დაუბრუნდება, - განაცხადა თურქეთის პრეზიდენტმა, რეჯეფ თაიფ ერდოღანმა PBS-თან ინტერვიუში.
კითხვაზე, უნდა მიეცეს თუ არა რუსეთს უფლება შეინარჩუნოს ტერიტორიის ნაწილი, რომელიც უკრაინას წაართვა მას შემდეგ, რაც თებერვალში შეიჭრა და უნდა იყოს თუ არა ეს კონფლიქტის გადაწყვეტის ნაწილი, თურქეთის პრეზიდენტმა უპასუხა:
"არა და უდავოდ არა. როდესაც ვსაუბრობთ ურთიერთშეთანხმებაზე, სწორედ ამას ვგულისხმობთ. თუკი უკრაინაში მშვიდობა დამყარდება, რა თქმა უნდა, ტერიტორიის დაბრუნება ნამდვილად მნიშვნელოვანი გახდება. ეს არის ის, რაც მოსალოდნელია. ეს არის ის, რაც სასურველია. პუტინმა გარკვეული ნაბიჯები გადადგა. ჩვენ გარკვეული ნაბიჯები გადავდგით. ის მიწები, სადაც რუსეთი შეიჭრა, უკრაინას დაუბრუნდება."
18-თვიანი მოლაპარაკებების შემდეგ დამასკომ და მოსკოვმა ხელი მოაწერეს მემორანდუმს სირიაში რუსეთის ყოფნის რეორგანიზაციის შესახებ. შეთანხმების მიხედვით სამოქალაქო ობიექტები, მათ შორის ჰამეიმიმის აეროპორტი და ტარტუსის პორტის ნავმისადგომი, სირიის მართვაში გადავა, ხოლო სამხედრო ბაზები ერთობლივ საწვრთნელ ცენტრებად გარდაიქმნება.
შეთანხმება ძალაში სამი თვის განმავლობაში შევა.
