,
მთავრობის მიერ შეზღუდვების მოხსნის ეტაპობრივი გეგმის მიხედვით ღია ტიპის ბაზრობები, სავაჭრო ობიექტები, რომელთაც შესასვლელი ქუჩის მხრიდან აქვთ, 25 მაისს უნდა გახსნილიყო. თუმცა, ამ დრომდე დაკეტილი რჩება ისეთი მნიშვნელოვანი ობიექტები, როგორიცაა ლილოს ბაზრობა, ელიავას ბაზრობა და არაერთი ბიზნესი, რომელიც ამ კრიტერიუმებს აკმაყოფილებს.
საქართველოს ბიზნეს ასოციაციის აღმასრულებელი დირექტორი ლევან ვეფხვაძე აცხადებს, რომ ახლა უნდა მოხდეს ეპიდემიოლოგების და სხვა ადამიანების შრომის შედეგების კაპიტალიზაცია და კომპანიებს უნდა მიეცეს მუშაობის შესაძლებლობა, ადამიანის უსაფრთხოებისთვის დაწესებული სტანდარტებით.
ის ამბობს, რომ „ლილო მოლმა“ შეიძინა თერმოსკრინინგის აპარატურა, მანქანების სადეზინფექციო ხსნარები, შესაბამისი ტექნიკა, თუმცა ეს ობიექტი არ გაიხსნა.
„ვსაუბრობთ არა მხოლოდ მოლებზე, არამედ სხვა დახურული ტიპის სავაჭრო ობიექტებზე, ესენია ღია ობიექტები, რომლებიც 25 მაისიდან უნდა გახსნილიყვნენ, მაგრამ ვერ გაიხსნენ. ასევე არის ობიექტები, რომლებიც მოლებშია განთავსებული, მაგრამ აქვთ ცალკე შესასვლელები. მაგალითად „გალერიში“ არის ასეთი H&M, ასევე „ელიტ ელექტრონიქსის“ მაღაზიები. ასეთი ტიპის მაღაზიებს, ამ კომპანიებს ვერ ვუხსნით რატომ არ აქვთ მუშაობის შესაძლებლობა. ანუ, გამოდის, რომ ფორმალურად, მხოლოდ იმიტომ, რომ ამ დაწესებულებებს მოლები ჰქვიათ, არ იხსნებიან. მაგალითად, „ისთ ფოინთში“, ვერ ვუხსნით „ელიტ ელექტრონიქსს“, რატომ არის დახურული, როცა მის მომიჯნავედ არსებული „დომინო“ და „კარფური“ ღიაა. საღი აზრი მოითხოვს, რომ ეს კომპანიები ამ კონკრეტულ ობიექტებზე უნდა მუშაობდნენ“, - განაცხადა ლევან ვეფხვაძემ.
ის განმარტავს, რომ საკითხზე ესაუბრა ბიზნესომბუდსმენს და პოზიცია არის ერთი - უნდა მოხდეს აღნიშნული დინამიკის შენარჩუნება, რომ მერე მოხდეს უფრო ინტენსიური გახსნა.
„მიდგომა არის ასეთი, რომ უნდა გაიხსნას მთლიანად სექტორი და მხოლოდ ერთი ბაზრობა ვერ გაიხსნება. ძირითადი მიზეზი არის რეგიონთან დაკავშირებული საფრთხეები ანუ ის, რაც მეზობელ ქვეყნებში ხდება. ჩვენი მიზანი, როგორც ბიზნეს ასოციაციის არის ის, რომ არსებული ეპიდემიოლოგიური სიტუაციის გათვალისწინებით მაქსიმალურად მოხდეს მხარდაჭერა ბიზნესის, რომ ზიანი იყოს ნაკლები, რათა წელს თუ - არა, მომავალ წელს, პოზიტიურ ნიშნულზე გავიდნენ კომპანიები. ზოგადად, დაგეგმილზე ადრე ვხსნიდით ხოლმე ყველაფერს და ამ შემთხვევაში პირიქით მოხდა, 25-ში უნდა გახსნილიყო ობიექტები და გადავდეთ. ვფიქრობ, ეს უკან გადადგმული ნაბიჯია და მეტი მუშაობა გვმართებს, რომ მათ პრობლემა არ შეექმნათ“, - განაცხადა ლევან ვეფხვაძემ.
ბრიტანულ „დეილი ტელეგრაფში“ (The Daily Telegraph) გამოქვეყნებულია სტატია სათაურით „ტრამპმა პუტინისათვის დრო ისე გამოთვალა, რომ სანქციებით მაქსიმალურ შედეგს მიაღწიოს“ (ავტორი – კონ კოფლინი). პუბლიკაციაში განხილულია აშშ-ის პრეზიდენტის მიერ რუსეთის წინააღმდეგ მიმართული მეორადი სანქციების ათდღიანი ვადა და მოცემულია მათი სავარაუდო შედეგები.
გთავაზობთ სტატიას შემოკლებით:
დონალდ ტრამპმა, ალბათ, ყველაზე საუკეთესო და შესაფერისი დრო შეარჩია თავისი მეორადი ეკონომიკური სანქციების ახალი ვადის გამოცხადებისათვის, რომ რუსეთს ნავთობისა და გაზის გაყიდვით მიღებული შემოსავლები შეუმცირდეს და უკრაინაში ომი შეწყვიტოს.
დონალდ ტრამპს სამჯერ ეგონა, რომ ვლადიმერ პუტინი სამშვიდობო მოლაპარაკების აუცილებლობაში დაარწმუნა, მაგრამ სამჯერვე, როგორც კი სატელეფონო საუბარი მთავრდებოდა, რუსეთის არმია უკრაინული ქალაქების დასაბომბად რაკეტებსა და დრონებს უშვებდა.
აშშ-ის პრეზიდენტის მხრიდან იმის დაგვიანებული აღიარება, რომ „პუტინი მას თურმე ათამაშებდა და ომის გასაგრძელებლად დროს იგებდა“, იმას ნიშნავს, რომ როგორც იქნა, „ტრამპი აბობოქრდა“ და თავის რუს კოლეგას ათდღიანი ვადა დაუწესა ცეცხლის შესაწყვეტად. თუ კრემლი თეთრი სახლის მოთხოვნას არ დაეთანხმება, ძალაში შევა ახალი მომატებული საბაჟო ტარიფები იმ ქვეყნების მიმართ, რომლებიც რუსეთისაგან ნავთობს ყიდულობენ. სანქციის მიზანი და განხორციელების პროცედურა ასეთია: აშშ რუსული იაფი ნავთობისა და გაზის მოყვარული ქვეყნების – ინდოეთის, ჩინეთის (და ალბათ, თურქეთის და სხვების) მიერ წარმოებულ იმპორტირებულ პროდუქციაზე მომატებულ საბაჟო ტარიფებს დააწესებს. მათი ფასი იმდენად გაძვირდება, რომ ამერიკაში მყიდველი აღარ ეყოლება, ანუ ინდური და ჩინური კომპანიები დაზარალდებიან. ზარალის თავიდან ასაცილებლად იგივე ქვეყნები იძულებულნი გახდებიან, რომ რუსეთისაგან ნავთობისა და გაზის შესყიდვა შეწყვიტონ, რის შედეგადაც რუსეთს შემოსავლები შეუმცირდება, ანუ კრემლს აღარ ექნება თანხები უკრაინასთან ომის გასაგრძელებლად. რუსეთი ცეცხლს შეწყვეტს და სამშვიდობო მოლაპარაკებაზე დათანხმდება.
კონგრესში ზოგიერთი დეპუტატი უფრო რადიკალურად არის განწყობილი, რომლებიც 500%-იან სანქციების დაწესებას მოითხოვენ.
უეჭველია, რომ დონალდ ტრამპი სერიოზულად არის განწყობილი. თუ გავითვალისწინებთ იმ ფაქტს, რომ მან იძულებული გახადა იაპონია და ევროკავშირი სავაჭრო ხელშეკრულებების დადებისას აშშ-ის მოთხოვნებზე დათანხმებულიყვნენ, განა თეთრი სახლი კრემლის წინაშე უკან დაიხევს?
როგორც კი ინდოეთი და ჩინეთი მტკივნუულ დარტყმას იგრძნობენ ამერიკასაგან, ისინი იძულებულნი გახდებიან რუსეთისაგან ნავთობ-გაზის შესყიდვა შეამცირონ (ან საერთოდ შეწყვიტონ). ამით დაინგრევა ვლადიმერ პუტინის გენერალური გეგმა რუსეთის იმპერიული ძლიერების აღდგენის შესახებ.
რუსეთი უკრაინის ფრონტზე წარუმატებლობას განიცდის. მართალია, კრემლმა დრონებითა და რაკეტებით უკრაინული ქალაქების დაბომბვა გააძლიერა, მაგრამ ფაქტია, რომ მაისში დაწყებულ შეტევას რუსეთის არმიისათვის რაიმე მნიშვნელოვანი წარმატება არ მოუტანია. ვლადიმერ პუტინი ბოლო დროს მუდმივად ცდილობს რომელიმე მსხვილი უკრაინული ქალაქის დაპყრობას, მაგრამ უშედეგოდ – პოკროვსკს და კონსტანტინოვკას ისევ უკრაინელები აკონტროლებენ. უკრაინელები მამაცურად იბრძვიან, რუსები უამრავ ჯარისკაცს კარგავს – კრემლის ზარალმა უკვე მილიონს მიაღწია დაღუპულებისა და დაჭრილების სახით. ეს ნიშნავს ყოველდღიურად 1080 რუსი მებრძოლის დაღუპვა-დასახიჩრებას.
ასევე ნაკლებად სავარაუდოა, რომ რუსეთი ათასკილომეტრიან ფრონტის ხაზზე რაიმე წარმატებას მიაღწევს მას შემდეგ, რაც დონალდ ტრამპი უკრაინას მეტ იარაღს მიაწვდის. უკრაინელებს თუ იარაღი საკმარისი რაოდენობით ექნებათ, ისინი რუსებს უკან დაახევინებენ და საეჭვოა პუტინმა ის ტერიტორია შეინარჩუნოს, რაც ბოლო დროს დაიპყრო. კრემლს ირანის იმედიც აღარ ექნება, რადგან თეირანი მნიშვნელოვნად არის დასუსტებული ისრაელთან (და აშშ-სთან) ამასწინანდელი საჰაერო შეტაკების გამო.
არის იმის ნიშნებიც, რომ თვითონ ვლადიმერ პუტინს მისსავე გარემოცვაში ბევრი არ ეთანხმება, რასაც მოსკოვში მიმდინარე საკადრო წმენდა მოწმობს. ზოგიერთი მაღალჩინოსანი ჩინოვნიკი სიცოცხლეს თვითმკვლელობით ამთავრებს, ცნობილი ოლიგარქები კი ქვეყნიდან გაქცევის დროს იქნენ დაკავებულები. ზოგიერთი მაღალჩინოსანი ოფიცერი, რომლებსაც ყოფილ თავდაცვის მინისტრთან სერგეი შოიგუსთან ახლო ურთიერთობა ჰქონდათ, დაპატიმრებულები იქნენ კორუფციის ბრალდებით.
იმ სიძნელეების მასშტაბს, რასაც ვლადიმერ პუტინი შეეჯახა ომის გამო, მოწმობს ის ფაქტი, რომ იგი იძულებული გახდა გასულ კვირას ყოველწლიური სამხედრო-საზღვაო აღლუმის ჩატარება გაეუქმებინა – უკრაინაში განცდილი დიდი დანაკარგების გამო.
ამრიგად, დონალდ ტრამპის გადაწყვეტილება ვადების შემცირების თაობაზე დროულია – ის იმ დროს იქნა მიღებული, როცა ვლადიმერ პუტინს, ყოყოჩობის მიუხედავად, ე.წ. „სპეციალური სამხედრო ოპერაციის“ გაგრძელების ვარიანტები უმთავრდება.
თუ რუსეთის პრეზიდენტი გამოფხიზლდება და მიხვდება, რომ მას უკრაინაში ომის მოგების შანსი არ აქვს, მას სხვა არჩევანი არ ექნება იმის გარდა, რომ დონალდ ტრამპის მოთხოვნას დათანხმდეს – ცეცხლი შეწყვიტოს და სამშვიდობო მოლაპარაკება დაიწყოს.
