,
სამედიცინო მომსახურების ბაზარი საქართველოს კონკურენციის სააგენტოს ყურადღების ცენტრში მოექცა. ბაზრის მონიტორინგის ფარგლებში უწყებამ უნდა დაადგინოს, რატომ ძვირდება ქვეყანაში სამედიცინო მომსახურება.
კონკურენციის სააგენტოს ყურადღება საქსტატის მიერ მიმდინარე კვირაში გამოქვეყნებულმა ინფლაციის მაჩვენებლებმა მიიქცია, რომლის მიხედვითაც ჩანს, რომ სურსათის შემდეგ ბოლო ერთ წელიწადში ფასები ყველაზე მეტად ჯანდაცვის ჯგუფში გაიზარდა.
კერძოდ, თუ აგვისტოს თვის ოფიციალურ მაჩვენებლებს შევხედავთ, ბოლო ერთ წელიწადში მოქალაქეებისთვის ყველაზე მეტად - 26%-ით საავადმყოფოს მომსახურებაა გაძვირებული, ამ გაძვირებაში მაღალი წილი აქვს ზოგიერთი დასახელების მედიკამენტებზე ფასების ზრდას, გარდა ამისა გაზრდილია როგორც ექიმთან კონსულტაციის, ისე ამბულატორიული მომსახურების ფასი.
საქართველოს ჯანდაცვის ასოციაციის ხელმძღვანელი, სამედიცინო მომსახურების გაძვირებას რამდენიმე ფაქტორით ხსნის. მაია მახარაშვილი იმასაც განმარტავს, რომ ამ ზრდაში წამყვანი ვერ იქნება ის სტაციონარული სერვისები, რომელსაც სახელმწიფო აფინანსებს და ძირითადად იმ მიმართულებებს მოიცავს, რომელიც არცერთ პროგრამაში არ მონაწილეობს და სადაც ფასი თავისუფალი საბაზრო პრინციპებით დგება.
“რამდენიმე მიზეზია. ერთი, არარეზიდენტების მომსახურება ანუ სამედიცინო ტურიზმის მიმართულება, ასევე ის სერვისები, რომელიც არ ფინანსდება საყოველთაო ჯანდაცვის პროგრამით, არც კერძო დაზღვევის და სრულად ჯიბიდან გადახდებით ფინანსდება, აქაც თავისუფალი საბაზრო ეკონომიკა მუშაობს და არჩევანზეა დამოკიდებული. ამბულატორიულ სექტორშიც იქნება ეს ზრდა, ოღონდ ადამიანების იმ ჯგუფზე, რომელიც არ მონაწილეობს კერძო სადაზღვევო სქემებში, არც სახელმწიფოს დაფინანსებულ სქემებში, ან უბრალოდ ადამიანი არჩევანს აკეთებს და ჯიბიდან იხდის.
ამის გარდა ფაქტორი იქნება სახარჯი მასალების ფასი. მაგალითად,ლაბორატორიებში. კლინიკური ლაბორატორია სრულად დამოკიდებულია დღეს უკვე აპარატურაზე, რადგან ტექნოლოგიური წინსვლაა და ის რეაქტივები, რომლის შეძენაც ხდება თავის თავად ხდება იმპორტირებული საქონლის და ის ფასი, რა ფასითაც ხდება შესყიდვა სახარჯი მასალის აისახება ავტომატურად სერვისის ღირებულებაზე.
ამას ემატება კიდევ დამატებით ხელფასები. ვიცით, რომ მინიმალური ხელფასები სახელმწიფოს მიერ არის დარეგულირებული. მომსახურების სერვისი შედგება სახარჯი მასალისგან, ხელფასისგან და თავისთავადია, რომ ამ ნაწილშიც სახელფასო პოლიტიკაც განაპირობებს თვითღირებულების ზრდას”,-განმარტავს მაია მახარაშვილი.
ირანისკენ კიდევ ერთი მშვენიერი არმადა მიემართება, - ამის შესახებ აშშ-ის პრეზიდენტმა, დონალდ ტრამპმა აიოვას შტატში, მხარდამჭერების წინაშე სიტყვით გამოსვლისას განაცხადა.
„ივნისში, ირანის ბირთვული პოტენციალი გავანადგურეთ. ამას ხალხი 22 წელი ელოდა. მათ ბირთვულ იარაღამდე დაახლოებით ერთი თვე აშორებდათ. ეს უნდა გაგვეკეთებინა“, - განაცხადა ტრამპმა.
დონალდ ტრამპმა იმედი გამოთქვა, რომ ირანი აშშ-სთან შეთანხმებას გააფორმებს.
„ახლა ირანისკენ კიდევ ერთი მშვენიერი არმადა მიემართება. დიდი იმედი მაქვს, რომ შეთანხმებას გააფორმებენ. შეთანხმება პირველივე ჯერზე უნდა გაეფორმებინათ“, - აღნიშნა აშშ-ის პრეზიდენტმა.
ცნობისთვის, ავიამზიდ „აბრაამ ლინკოლნის“ დამრტყმელი ჯგუფი ახლო აღმოსავლეთში ორშაბათს ჩავიდა. აშშ-ის ცენტრალურმა სარდლობამ განაცხადა, რომ დამრტყმელი ჯგუფი სამხედრო მზადყოფნის შემოწმების მიზნით წვრთნებს ჩაატარებს.
ინფორმაციისთვის, აშშ-ის პრეზიდენტის, დონალდ ტრამპის განცხადებით, ირანმა აშშ-სთან ახალი ბირთვული შეთანხმება უნდა დადოს, რომლის ფარგლებშიც თეირანი ურანის გამდიდრებას ვეღარ შეძლებს. 2025 წლის გაზაფხულზე აშშ-ის პრეზიდენტმა ირანის უზენაეს ლიდერს, აიათოლა ალი ხამენეის წერილი გაუგზავნა და მოლაპარაკებებისკენ მოუწოდა. წერილის თანახმად, დონალდ ტრამპმა ირანს ორი თვე მისცა, რათა ბირთვული პროგრამა შეეჩერებინა. 2025 წლის აპრილში, ომანში აშშ-ისა და ირანის დელეგაციებს შორის მოლაპარაკებები დაიწყო, რომელიც ივნისამდე გაგრძელდა. ირანმა ბირთვული პროგრამის შეჩერების შესახებ აშშ-ის მოთხოვნას მიუღებელი უწოდა და განაცხადა, რომ აშშ-ს ახალ წინადადებას წარუდგენდა. გასული წლის 13 ივნისს ისრაელმა ირანში რამდენიმე სამხედრო ობიექტს დაარტყა, ხოლო ისრაელის იერიშების დაწყებიდან ერთი კვირის შემდეგ, აშშ-მა ირანში ბირთვული ობიექტები დაბომბა.
