,
იუსტიციის მინისტრობის კანდიდატი რატი ბრეგაძე მოსახლეობას ე.წ. გონიერი კონტრაქტების სისტემის ამოქმედებას ჰპირდება. ამის შესახებ მან პარლამენტში 2024 წლის უწყების სამოქმედო გეგმის წარდგენისას განაცხადა.
მისი თქმით, ეს მოაწესრიგებს სამართლებრივ ურთიერთობას ბინის გაყიდვის დროს და აღმოფხვრის პრობლემას, ჯერ ტრანზაქცია უნდა მოხდეს, თუ ჯერ, თანხა უნდა გადაირიცხოს.
"ამოქმედდება ე.წ. გონიერი კონტრაქტები, რის შედეგადაც მომხმარებელი როგორც ადგილზე, ასევე დისტანციურად ერთდროულად დაარეგისტრირებს ქონებას და გადარიცხავს თანხას ტრანზაქციით. ამით, მოქალაქეების კარგად ნაცნობი პრობლემა, როგორიცაა მაგალითად ბინის ნასყიდობის გაფორმების დროს დილემა ჯერ გადარიცხოს თანხა, თუ ჯერ გაფორმდეს კონტაქტი ერთხელ და სამუდამოდ აღმოიფხვრება", - განაცხადა ბრეგაძემ.
მინისტრობის კანდიდატმა ასევე გასცა დაპირება, რომ დასრულდება მიწის სისტემური რეგისტრაციის პროცესი.
ამერიკის შეერთებული შტატების გარეშე ნატო ქაღალდის ვეფხვია, - ამის შესახებ აშშ-ის პრეზიდენტი, დონალდ ტრამპი სოციალურ ქსელში წერს.
„შეერთებული შტატების გარეშე ნატო ქაღალდის ვეფხვია! მათ არ უნდოდათ ბრძოლაში ჩართვა ბირთვულად შეიარაღებული ირანის შესაჩერებლად. ახლა, როდესაც ბრძოლა სამხედრო ძალებით მოგებულია, მათთვის ძალიან მცირე საფრთხით, ისინი ნავთობის მაღალ ფასებზე წუწუნებენ, რომლის გადახდაც უწევთ, მაგრამ არ სურთ ჰორმუზის სრუტის გახსნაში დახმარება, მარტივ სამხედრო მანევრში, რაც ნავთობზე მაღალი ფასების ერთადერთი მიზეზია.
რამდენად მარტივია მათთვის ამის გაკეთება, ასეთი მცირე რისკით. ლაჩრები, და ჩვენ დავიმახსოვრებთ!” - წერს ტრამპი.
