ვერძი (21 მარტი - 20 აპრილი)

ამ დღეს უცნობ ადამიანებთან ურთიერთობაში შეიძლება სირთულეები წარმოიშვას - საუბარი სწრაფად გადაიზრდება დაპირისპირებაში და განწყობას მთელი დღით გაგიფუჭებთ. ეცადეთ, ახლო მეგობრების ან ნათესავების გარემოცვაში მეტი დრო გაატაროთ. სპორტდარბაზში ვარჯიში ან სუფთა ჰაერზე სეირნობა ემოციური დაძაბულობის მოხსნაში დაგეხმარებათ.

კურო (21 აპრილი - 21 მაისი)

ეცადეთ მთელი ყურადღება პირადი ცხოვრების მოგვარებაზე გადაიტანოთ და დროულად დაასრულოთ საქმე, რომელიც დიდი ხნის წინ დაგეგმეთ. შესაძლოა, ახლობელ ადამიანებს თქვენი დახმარება დასჭირდეთ. დახმარებაზე უარს ნუ ეტყვით, მაგრამ ნურც საკუთარ საქმეებს დაივიწყებთ. შესაძლებლობა გექნებათ, რომ ახლობლების გარდა, უცნობებსაც გაუწოდოთ ხელი, რომლებიც მალე თქვენი კარგი მეგობრები გახდებიან.

ტყუპები (22 მაისი - 21 ივნისი)

ცდილობთ გარშემო მყოფები საკუთარ სიმართლეში დაარწმუნოთ და საკუთარი პოზიცია ნებისმიერ ფასად დაიცვათ. ვარსკვლავები გირჩევენ, რომ გაჯიუტებას და კონფლიქტური სიტუაციების შექმნას მოერიდოთ. ეცადეთ საყვარელ ადამიანებს მეტი დრო და ყურადღება დაუთმოთ და საპასუხოდ უზარმაზარ სიყვარულს მიიღებთ.

კირჩხიბი (22 ივნისი - 22 ივლისი)

სანამ რთული პროექტის განხორციელებას შეუდგებით, დაფიქრდით, მის წარმატებით დასრულებას შეძლებთ თუ არა. გამორიცხული არ არის, რომ დრო და ენერგია ამაოდ დახარჯოთ, ამიტომ ახლის დაწყებას ჯობს ძველი საქმეები დაასრულოთ. პოზიტიური განწყობა თვითშეფასების ამაღლებაში დაგეხმარებათ.

ლომი (23 ივლისი - 23 აგვისტო)

ეცადეთ, საკუთარი პრობლემები პრაქტიკული თვალსაზრისით შეაფასოთ. ნუ შეგაშინებთ მუშაობის დროს წარმოქმნილი სირთულეები. გახსოვდეთ, რომ სამომავლოდ გადადების ნაცვლად, პრობლემები წარმოქმნისთანავე უნდა მოაგვაროთ. გირჩევთ, დიდი ხნის უნახავი უფროსი ნათესავი მოინახულოთ და საჭიროების შემთხვევაში, დახმარება შესთავაზოთ

ქალწული (24 აგვისტო - 23 სექტემბერი)

თავს დაღლილად და ძალაგამოცლილად გრძნობთ, ამიტომ ვარსკვლავები გირჩევენ, რომ ამ დღეს მხოლოდ გადაუდებელი საქმეები აკეთოთ და ყველა დანარჩენი სამომავლოდ გადადოთ. გაითვალისწინეთ, რომ გადაღლა თქვენს ჯანმრთელობაზე უარყოფითად აისახება. ურთიერთობებისთვის ხელსაყრელი დღეა - შესაძლოა, საჭირო და საინტერესო ადამიანები გაიცნოთ.

სასწორი (24 სექტემბერი - 23 ოქტომბერი)

უმჯობესია ეს დღე მარტოობაში გაატაროთ. გირჩევთ ხმაურიან წვეულებებსა და გუნდურ მუშაობას თავი აარიდოთ. სავარაუდოდ, გადაუდებელი და ძალიან უსიამოვნო საკითხების მოგვარება მოგიწევთ. ხელსაყრელი დღეა სახლის მოწესრიგებისა და უსარგებლო ნივთების გადაყრისთვის - ასე თქვენს სახლში პოზიტივისთვის მეტი ადგილი დარჩება.

მორიელი (24 ოქტომბერი - 22 ნოემბერი)

ვარსკვლავების განლაგება საქმიანი თვისებების გამოვლენასა და კარიერულ წინსვლაში დაგეხმარებათ. ეცადეთ, მეტი იაქტიუროთ და მოვლენების შუაგულში იტრიალოთ. ასე მეტი შანსი გაქვთ, რომ ხელმძღვანელობა თქვენს მონდომებას შენიშნავს და დააფასებს. პირად ურთიერთობებში მოსალოდნელია გაუგებრობა და დაძაბული სიტუაციები. ჩხუბის თავიდან ასაცილებლად გირჩევთ, საღამო სახლიდან მოშორებით გაატაროთ.

მშვილდოსანი (23 ნოემბერი - 21 დეკემბერი)

პროფესიული განვითარების და კარიერული წინსვლისთვის მეტი აქტიურობა უნდა გამოიჩინოთ. ამ დღეს წვრილმანებს ყურადღებით მიუდექით, რადგან დაწყებული საქმის წარმატებით დასრულება სწორედ ამაზეა დამოკიდებული. მოუსმინეთ ახლობელი ადამიანების რჩევას, რომელიც შექმნილ ვითარებაში საუკეთესო გამოსავალს გიკარნახებთ.

თხის რქა (22 დეკემბერი - 20 იანვარი)

გირჩევთ, საკუთარ სიტყვებს და მოქმედებებს მეტი ყურადღება მიაქციოთ - შეიძლება რაღაც საწყენი და შეურაცხმყოფელი თქვათ და ისეთი ურთიერთობა გააფუჭოთ, რომლის აღდგენაც ძალიან გაგიჭირდებათ. ამ დღეს თითქოს უმნიშვნელო წვრილმანებს ბევრი რამის შეცვლა შეუძლიათ.

 მერწყული (21 იანვარი - 18 თებერვალი)

ვარსკვლავები გირჩევენ, რომ ამ დღეს შეზღუდოთ ურთიერთობები, მათ შორის - საყვარელ ადამიანებთან, გამორიცხული არ არის, რომ თქვენმა უხასიათობამ ოჯახური ურთიერთობები დააზიანოს. ეცადეთ, სპორტულ დარბაზში ან ბუნებაში განმარტოვდეთ და სტრესის მოხსნა ვარჯიშით სცადოთ. სუფთა ჰაერი სიმშვიდის აღდგენაში დაგეხმარებათ.

თევზები (19 თებერვალი - 20 მარტი)