,
რამზან კადიროვი ვიდეოს ავრცელებს, სადაც ის წვიმაში სეირნობს და ყველას ურჩევს, სპორტით დაკავდნენ.
"ყველას, ვინც ინტერნეტში სიმართლეს სიცრუისგან ვერ არჩევს, ვურჩევ, გაისეირნონ სუფთა ჰაერზე და დაალაგოს აზრები. წვიმა საოცრად აცოცხლებს", - აცხადებს კადიროვი.
მისი თქმით, ყველას ურჩევს, სპორტით დაკავდნენ.
მანამდე, "ტელეგრამ" არხებზე გავრცელდა დაუდასტურებელი ინფორმაცია, რომ კადიროვი, სავარაუდოდ, ღამით რუსეთის პრეზიდენტის ადმინისტრაციის ცენტრალურ კლინიკურ საავადმყოფოში გარდაიცვალა.
დასავლეთ ინდონეზიაში მატარებლების შეჯახების შედეგად სულ მცირე 14 ადამიანი დაიღუპა, ხოლო კიდევ 84 დაშავდა, - ინფორმაციას Sky News-ი ავრცელებს.
გამოცემის ცნობით, სამგზავრო მატარებლისა და შორ მანძილზე მოძრავი სამგზავრო მატარებლის შეჯახება ბეკასიში მოხდა, რომელიც ქვეყნის დედაქალაქისა და მსოფლიოში ყველაზე მჭიდროდ დასახლებული ქალაქის, ჯაკარტას აღმოსავლეთით მდებარეობს.
ქვეყნის სამძებრო-სამაშველო სააგენტოს ხელმძღვანელმა, მოჰამედ სიაფიიმ, პრესკონფერენციაზე განაცხადა, რომ სამაშველო ოპერაცია გრძელდება და რომ დამტვრეული ვაგონებიდან გადარჩენილების გამოყვანა დელიკატური პროცესია.
