USD 2.6978
EUR 2.9112
RUB 2.9177
Тбилиси
რამდენი მილიონი ლარი დაუჯდა საქართველოს ავღანეთის სამშვიდობო მისიაში მონაწილეობა
дата:  712

2021 წლის 28 ივნისს ავღანეთი უკანასკნელმა ქართულმა ქვედანაყოფმა დატოვა. ბოლო მისიის ფარგლებში საქართველოს მესამე ქვეითი ბრიგადის 32-ე ბატალიონი ავღანეთში ექვსი თვის განმავლობაში იმყოფებოდა. აქედან რამდენიმე დღეში, 5 ივლისს აშშ-მა ავღანეთის უმთავრესი ბაგრამის საავიაციო ბაზა დატოვა. 2021 წლის 15 აგვისტოს კი ავღანეთის ლეგიტიმური მთავრობა დაემხო და თალიბანმა ქვეყნის დედაქალაქი ქაბული დაიკავა.

საქართველოს თავდაცვის ძალები ავღანეთის ისლამურ რესპუბლიკაში მიმდინარე NATO-ს საერთაშორისო მისიას 2004 წლის აგვისტოში შეუერთდა. თავდაპირველად საერთაშორისო მისიას "საერთაშორისო უსაფრთხოების მხარდაჭერის ძალები" (ISAF) ერქვა, 2015 წლის პირველი იანვრიდან კი "მტკიცე მხარდაჭერის მისია" დაერქვა.

საქართველოს თავდაცვის სამინისტროს ბიუჯეტში საერთაშორისო სამშვიდობო მისიების ბიუჯეტი განცალკევებული სახით 2015 წლიდან არის წარმოდგენილი, შესაბამისად, შესაძლებელია იმის დათვლა თუ რა თანხა დაუჯდა ქვეყანას ავღანეთის მისიაში მონაწილეობა. ავღანეთთან ერთად, ამ ბიუჯეტში ცენტრალურ აფრიკასა და მალიში მიმდინარე მისიაც შედის, თუმცა თანხის ძირითადი ნაწილი სწორედ ავღანეთის მისიას უკავშირდება.

ფინანსური მონაცემების მიხედვით, 2015-2021 წლებში საქართველოს სამშვიდობო მისიაში მონაწილეობა 266.7 მილიონი ლარი დაუჯდა. წლების მიხედვით, ეს თანხა ასე ნაწილდება:

● 2021 - 33.0 მილიონი ლარი (ბიუჯეტის პროექტი);
● 2020 - 45.0 მილიონი ლარი;
● 2019 - 43.6 მილიონი ლარი;
● 2018 - 38.2 მილიონი ლარი;
● 2017 - 38.4 მილიონი ლარი;
● 2016 - 39.2 მილიონი ლარი;
● 2015 - 29.4 მილიონი ლარი.

თავდაცვის სამინისტროს ინფორმაციით, 2004 წლიდან დღემდე სხვადასხვა დონეზე ჩატარებული 107 როტაციის ფარგლებში (ISAF, RSM), ავღანეთში განხორციელებულ საერთაშორისო მისიებში მონაწილეობა 20 ათასზე მეტმა ქართველმა სამხედრო მოსამსახურემ მიიღო. ავღანეთში ქართველ სამხედროთა კონტიგენტი მაქსიმალური 2012 წელს იყო და ის 1600-ს შეადგენდა.

თავდაცვის სამინისტროს ინფორმაციით, ავღანეთში ტერორიზმის წინააღმდეგ ბრძოლას 32 ქართველი სამხედრო მოსამსახურე შეეწირა.

წყარო:https://bm.ge/

спорт
კახა კალაძე: ეს არ არის უბრალოდ გამარჯვება, ეს თარიღი საქართველოს უახლეს ისტორიაში ოქროს ასოებით იწერება

საქართველოს ფეხბურთელთა ეროვნული ნაკრების გამარჯვების შემდეგ, საქართველოს პრემიერ-მინისტრი ირაკლი კობახიძე, თბილისის მერი კახა კალაძე და ნაკრების წევრები პირველი რესპუბლიკის მოედანზე შეკრებილ გულშემატკივრებს შეუერთდნენ და გამარჯვება მათთან ერთად აღნიშნეს.

კახა კალაძემ მადლობა გადაუხადა ეროვნულ ნაკრებს და და კიდევ ერთხელ ხაზი გაუსვა პლეიოფის ფინალში გამარჯვების განსაკუთრებულ მნიშვნელობას.

„გილოცავთ! რთულია, ვისაუბრო იმაზე, თუ რამხელა გამარჯვება მოიპოვა ჩვენმა ქვეყანამ. ეს არის ის, რასაც ათეულობით წელი ველოდებოდით. ეს არ არის უბრალოდ გამარჯვება, ეს არის ისტორიის დაწერა. საქართველოს უახლეს ისტორიაში 2024 წლის 26 მარტი ოქროს ასოებით იწერება, იმიტომ, რომ ჩვენი ეროვნული ნაკრები ითამაშებს ევროპის ჩემპიონატზე“, - განაცხადა კახა კალაძემ.

დედაქალაქის მერმა მადლობა გადაუხადა ეროვნული ნაკრების გულშემატკივარსაც.

„მადლობა ყველას, ვინც მოედანზე იმყოფებოდა, ვინც სახლიდან უყურებდა ამ თამაშს. ყოველთვის, როცა ჭირდებოდა საქართველოს ეროვნულ ნაკრებს, იდექით მის გვერდში. იყო უამრავი წაგება, იყო რთული პერიოდი, მაგრამ ყოველთვის იდექით იქ, სადაც ჭირდებოდა ქართულ ფეხბურთს, ქართულ სპორტს და ამისთვის მინდა მადლობა გითხრათ თითოეულ თქვენგანს“, - მიმართა გულშემატკივრებს კახა კალაძემ.

более
голосование
ვინ გაიმარჯვებს რუსეთ - უკრაინის ომში?
голосование
Кстати