,
ესპანკა, ანუ ესპანური გრიპი გასული საუკუნის დასაწყისში, 1918 წელს დაიწყო და ზუსტად ერთი წლის შემდეგ 1919 წელს დამთავრდა.
და ალბათ არც ამდენ ხანს გაგრძელდებოდა პირველ მსოფლიო ომს, და ადამიანთა მასიურ გადაადგილებებს რომ არ შეეწყო ესპანკას გავრცელებაში ხელი.
დიახ, ესპანკა ზუსტად ერთ წელიწადში დამთავრდა, და დამთავრდა მას შემდეგ, რაც 20 მილიონი ადამიანის სიცოცხლე შეიწირა და მას შემდეგ , რაც ადამიანებმა იმუნიტეტი გამოიმუშავეს.
დამთავრდა ყოველგვარი ვაქცინის გარეშე, და წამლის გარეშე.
ადამიანები მხოლოდ ნიღბით და იზოლაციით იცავდნენ თავს.
დღეს, 21 -ე საუკუნეში, მეცნიერებას რომ მართლაც სასწაულები შეუძლია, და წესით თავის დაცვის უსაფრთხო საშუალებებიც უნდა იყოს, კოვიდპანდემია წელიწადნახევარია მაინც გრძელდება და კიდევ დიდხანს გაგრძელდებაო, გვპირდებიან.
და უკვე აღარა აქვს მნიშვნელობა ბუნებრივი წარმოშობის არის ვირუსი, თუ ხელოვნური, ფაქტია - ვირუსი არსებობს, პანდემიაც არსებობს და ისიც ფაქტია, რომ მსოფლიოს მამებს, და მსოფლიო ქვეყნების ხელისუფლებებს , და ყველა დანარჩენს, ვინც სარგებელს ნახულობს, არც აწყობთ მისი დამთავრება.
ზუსტად ისე, როგორც არ აწყობდათ ასი წლის წინ მისი დამთავრება ყველა იმას, ვინც ესპანკაზე ითბობდა ხელს.
მაგარ შარში ვართ..
და არა იმიტომ, რომ ამ სახადთან ადრე თუ გვიან, ყველას გვექნება მეტნაკლებად შეხება, აუცრელებსაც და აცრილებსაც.
არამედ იმიტომ, რომ იმის მაგივრად, რომ მივხვდეთ თუ სადაა გამოსავალი, გავერთიანდეთ ყველა, და ყველამ ერთად ვუშველოთ თავს, ველოდებით როდის მოგვადგება ჭირი ყველას სათითაოდ..
და ყველას ჰგონია, რომ ის, სწორედ ისაა, ის ბედისგან რჩეული, ვისაც ყველაზე ბოლოს დაერხევა.
სტატიიდან " რა ვქნათ, რა ვაკეთოთ"
გაზეთი " საადგილმამულო" #5
ამერიკის შეერთებული შტატები “მშვიდობის საბჭოს” პირველი ოფიციალური სამიტისთვის ემზადება. პრეზიდენტ ტრამპის მიერ შექმნილი ახალი საერთაშორისო ორგანიზაციის პირველ სხდომას ვაშინგტონში მდებარე, ტრამპისვე სახელობის მშვიდობის ინსტიტუტი უმასპინძლებს.
არსებული ინფორმაციით, მას წევრი ქვეყნების უდიდესი ნაწილი, 20-ზე მეტი სახელმწიფოს ლიდერი დაესწრება. მათ შორის იქნებიან საუდის არაბეთის, თურქეთის, ეგვიპტის, კატარისა და ინდონეზიის წარმომადგენლები. ასევე სომხეთისა და აზერბაიჯანის მმართველები.
როგორც ირკვევა, პირველ სამიტზე პრეზიდენტი დონალდ ტრამპი ღაზას რეკონსტრუქციისთვის ფონდის შექმნას დააანონსებს და გამოაცხადებს, თუ როგორ დაკომპლექტდება ის “საერთაშორისო სტაბილიზაციის სამხედრო ძალა”, რომელიც ღაზას სექტორის საზღვარზე განლაგდება და უზრუნველყოფს, რომ ისრაელსა და ჰამასს შორის სამხედრო მოქმედებები აღარ განახლდეს.
ჯერჯერობით, უცნობია, ზუსტად რა რაოდენობის სამშვიდობოებს გაგზავნიან სახელმწიფოები, თუმცა ცნობილია, რომ ინდონეზიის კონტრიბუცია ამ მხრივ 8,000 ჯარისკაცი იქნება. რაც შეეხება ფინანსებს, პრეზიდენტი ტრამპი მოელის, რომ ღაზას სექტორის ხელახლა აღდგენისთვის წევრი სახელმწიფოებისაგან მილიარდობით დოლარს მოიზიდავს. შეგახსენებთ, “მშვიდობის საბჭოს” წევრობის საწევროს გადასახადი ერთ ქვეყანაზე $1 მილიარდია, თუმცა განსაზღვრული არ არის, ეს თანხა უნდა ჩაირიცხოს ერთიანად, თუ სხვადასხვა პროექტების ფარგლებში, მთელი წლის განმავლობაში. შესაბამისად, სავარაუდოა, რომ შტატების ლიდერი კოლეგებს ფონდში პირველადი ფინანსური კონტრიბუციის შეტანას სწორედ $1-მილიარდიანი ვალდებულების ფარგლებში სთხოვს.
რაც შეეხება ჰამასს, რომლის განიარაღებისა და ძალაუფლების ჩამორთმევის გარეშეც “მშვიდობის საბჭო” ღაზას სექტორის რეკონსტრუქციასა და ახალი ადმინისტრაციის სრულფასოვან მმართველობას ვერ უზრუნველჰყოფს, არსებული ინფორმაციით, მის ტერორისტებს საშუალება ექნებათ, სამშვიდობო ძალებს საკუთარი ნებით ჩააბარონ იარაღი და როგორც პალესტინის მშვიდობიანმა მცხოვრებლებმა, ისე განაგრძონ ცხოვრება. მათთვის, ვისაც ასეთ რეალობაში დარჩენა არ ენდომება, “მშვიდობის საბჭო” პარტნიორი ქვეყნების მეშვეობით ღაზას სექტორიდან გასვლაში დაეხმარება. შეგახსენებთ, ამჟამად ჰამასის ხელმძღვანელობის პოზიციაა, რომ ახალ ღაზაში დარჩენა და ჯარისკაცების საპოლიციო ძალებში გაწევრიანება სურთ, რათა იმ ბრძოლამ, რაც წლების განმავლობაში სექტორის დაცვისთვის გასწიეს, უკვალოდ არ ჩაიაროს. თუმცა როგორც ტრამპის ადმინისტრაცია, ისე ისრაელი ამ ფორმით ჰამასის ღაზაში დარჩენას კატეგორიულად ეწინააღმდეგებიან. სავარაუდოა, რომ შუამავალი სახელმწიფოები, რომლებიც “მშვიდობის საბჭოშიც” არიან წარმოდგენილი, 19 თებერვალს ამ საკითხზე აქტიურად იმსჯელებენ.
