,
2023 წლის 15-16 აგვისტოს შეჯამება უკრაინაში:
- საბრძოლო მოქმედების ყველაზე აქტიური და საბოლოო ფაზა მიმდინარეობს რობოტინეში, ზაპორიჟიას ოლქის საკვანძო წერტილზე. უკრაინელები დასახლების მინიმუმ ნახევარს აკონტროლებენ. იმ ფონზე, რომ სექტორში ყველაზე მაღალი წერტილია რობოტინე და თავდაცვის ზღუდეებიც მასზე და მასთან გადის, მისი დაკავება კრიტიკულად მნიშვნელოვანია. ამასთან, უკრაინელებმა შეტევაში სხვადასხვა ნაწილები ჩართეს, რაც იერიშის გაძლიერებასთან ერთად იმასაც მოასწავებს, რომ ისინი როტაციასაც ახორციელებენ - აშკარაა ორი თვის პერმანენტული დაწოლის ფონზე მოიერიშეების ნაწილს დასვენება სჭირდება. აღსანიშნავია ისიც, რომ რუსები რობოტინეს შენარჩუნებისათვის ძალიან დიდ რესურსებს ხარჯავენ. ხუმრობენ, რობოტინემ გადამწყვეტი ბრძოლის ფორმა მიიღო.
- ზაპორიჟიას ოლქში, მიხაილივკაში უცნაური ამბავი მოხდა. ერთმანეთს ჩრდილოკავკასიელები დაუპირისპირდნენ და ერთმანეთი დახოცეს. დაპირისპირების მიზეზი უცნობია. ზოგადად, მას შემდეგ რაც არმიაში რუსეთის უძლეველობის რწმენა შეირყა და ოფიცერთა რაოდენობაც შემცირდა, სიტუაცია საკმაოდ ქაოსური გახდა, განსაკუთრებით კი იქ, სადაც ეთნიკურად შერეული ნაწილები იმყოფებიან.
- ხარკივის ოლქში, კუპიანსკის ჩრდილოეთში ტყის მასივი დახოცილი რუსი სამხედროებით არის სავსე, მაგრამ იერიშის გაგრძელებას მაინც ცდილობენ. პრაქტიკულად, ინიციატივის დაკარგვა გენერალიტეტს შეიძლება თანამდებობის დაკარგვად დაუჯდეს და ამიტომაც არ წყვეტენ დაწოლას, პლუს უკრაინელთა ყურადღებას ჩრდილოეთით იქცევენ. მიუხედავად ასეთი მაღალი მსხვერპლისა წინსვლას ისინი მაინც ვერ ახერხებენ.
- ხერსონის ოლქში, დნიპროს აღმოსავლეთ სანაპიროზე, კოზაჩი ლაჰერთან კიდევ უფრო გაფართოვდა უკრაინელთა პლაცდარმი. რუსებმა დღეს ტერიტორიების ოკუპაცია ხელახლა სცადეს მაგრამ არ გამოუვიდათ. ამ ფონზე კოზაჩი ლაჰერში პანიკაა. გარბიან კოლაბორაციონისტები. თან ხმამაღლა წერენ და აპროტესტებენ რუსები ყურადღებას არ გვაქცევენ და მარტო ხომ არ შეგვატოვებთ უკრაინელებსო.
- რუსებმა ფრთოსანი რაკეტებით დაბომბეს დნიპროს, ლუცკისა და ლვივის ინდუსტრიული ცენტრები. ზუსტი ზიანის შესახებ ინფორმაცია არ ვრცელდება. საინტერესო სხვა ფაქტია - რუსები იმდენად ინტენსიურად ისვრიან ფრთოსან რაკეტებს, რომ აშკარაა სამხედრო წარმოება მაქსიმალურ დონეზე აიყვანეს და ინდუსტრია თუ ეკონომიკის ნაწილი აქეთ მიმართეს. პრაქტიკულად ომის მდგომარეობის ეკონომიკად და ინდუსტრიად ყალიბდება რუსეთი. ასეთ მდგომარეობაში ყოფნა ადვილი ამბავი ნამდვილად არ არის და რუსეთის მსგავს ეკონომიკაში კორუფციასაც ზრდის, მაგრამ აშკარაა რომ მოსკოვი თავისი ინდუსტრიით მაქსიმალურ ვაბანკზეა წასული.
არც უკრაინული ინდუსტრია ჩამორჩება თავისი აქტიურობით რუსეთს. უკრაინელთა ქარხნები ან მიწისქვეშაა გადასული ან უსაფრთხოდ დასავლურ სახელმწიფოებში. შესაბამისად, გამოფიტვა, ხარისხი და მოტივაცია ბევრ რაიმეს გადაწყვეტს ამ ომში.
- დონეცკის ოლქში, სამხრეთში, ველიკა ნოვოსილკას მონაკვეთზე, უროჟაინეს გათავისუფლების დასრულებისთანავე უკრაინული არმია შეტევაზეა გადასული კრემენჩიკის მიმართულებით. მეორე ნაწილი კი სტარომლინივკას უტევს. საინტერესო აქ სხვა რამაა - უკრაინელები მხოლოდ მარიუპოლისაკენ მიმავალ გზას კი არა მის აღმოსავლეთ და დასავლეთით მიმდებარე ფლანგებსაც ათავისუფლებენ და პრაქტიკულად წმენდენ მთელს მონაკვეთებს. რუსები წერენ რომ კრემენჩიკთან თავდაცვის კარგი ზღუდეები აქვთ მოწყობილი.
- აშშ-საგან უკრაინამ ჭურვების ძალიან დიდი პარტია მიიღო. ეს კი საარტილერიო დუელში გადამწყვეტია. პრაქტიკულად უკრაინელები ჯაბნიან რუსულ არტილერიას სამხრეთით და ეს რუს გენერლებს ძალიან აშინებთ.
მიყევით ბმულს - გიორგი კობერიძე
აშშ-ის პრეზიდენტი დონალდ ტრამპი ირანთან დაკავშირებით აშშ-ის მოსახლეობას მიმართავს, - ინფორმაციას თეთრი სახლის პრესსპიკერი, კეროლაინ ლევიტი ავრცელებს.
„ხვალ საღამოს 9 საათზე (თბილისის დროით ხუთშაბათი, 5:00 საათი), პრეზიდენტი ტრამპი ერს მიმართავს, რათა მათ მნიშვნელოვანი სიახლე გააცნოს“, - წერს ლევიტი X-ზე.
მანამდე, აშშ-ის პრეზიდენტმა, დონალდ ტრამპმა თეთრ სახლში ჟურნალისტებს განუცხადა, რომ ირანის წინააღმდეგ ომი, ძალიან მალე დასრულდება.
„ძალიან მალე დავტოვებთ. ვიტყოდი, რომ შესაძლოა ორ კვირაში. ორ კვირაში, შესაძლოა სამ კვირაში. რეჟიმის შეცვლა მოგვიწია. რეჟიმის შეცვლა არ იყო ერთ-ერთი იმ მიზნებს შორის, რაც მე მქონდა. მე მქონდა ერთი მიზანი: მათ არ ჰქონოდათ ბირთვული იარაღი და ეს მიზანი მიღწეულია. მათ არ ექნებათ ბირთვული იარაღი. მაგრამ ვასრულებთ სამუშაოს და ვფიქრობ, შესაძლოა ორ კვირაში, შესაძლოა კიდევ რამდენიმე დღეში, შევასრულოთ ეს სამუშაო. მაგრამ გვინდა, რომ გავანადგუროთ ყველაფერი, რაც მათ აქვთ“, - განაცხადა ტრამპმა.
