USD 2.6978
EUR 2.9112
RUB 2.9177
თბილისი
რა ვითარებაა უკრაინაში ამ დროისთვის - 22 ივნისის შეჯამება
თარიღი : 06.22.2022  234
- დღევანდელი დღე ერთ-ერთი ყველაზე ინტენსიური იყო სევეროდონეცკისათვის ბრძოლაში. რუსებმა და სეპარატისტებმა სინქრონში დაიწყეს ქალაქის სამხრეთ ნაწილზე, ინდუსტრიულ რაიონზე, სამხრეთ-დასავლეთ და სამხრეთ-აღმოსავლეთით მდებარე სოფლებსა და მდინარის გასწვრივ გამაგრებულ უკრაინელებზე შეტევა. ამასთან უწყვეტად იბომბება ლისიჩანსკი. ქალაქისდან მშვიდობიანი მოსახლეობის ევაკუაცია სრულდება თუმცა გასასვლელ გზებს უწყვეტად უშენენ ჭურვებს რუსები.
დღის პირველი ნახევარი ძალიან მძიმე იყო. თუმცა რუსები რამდენიმე მიმართულებით სევეროდონეცკის ინდუსტრიული რაიონის სიღრმეში აღმოჩნდნენ, რამაც მათი და სეპარატისტების მნიშვნელოვანი ნაწილის განადგურება და ტყვედ ჩაცვენა გამოიწვია.
ამასთან სევეროდონეცკის ქარხნის ტერიტორია საომრად ისეთივე რთული შეიძლება არ იყოს, როგორც ეს აზოვსტალი იყო, მაგრამ აქ რუსებს ორი სირთულე აქვთ - სიმაღლეები უკრაინელთა ხელშია (ლისიჩანსკში), შენობები ლაბირინთებივითაა, ხოლო მომიჯნავე გარემო ფოთლოვანია და გადაადგილება უკრაინელებს არ უჭირთ. თუმცა თუკი ალყის ან სრული განადგურების საფრთხე დადგება უკრაინელები სავარაუდოდ განახორციელებენ ქალაქიდან ევაკუაციას და სამხრეთით, მდინარისაკენ დაიხევენ უკან. თუმცა რადგან თითოეული პოზიციის დაბრუნება ძალიან დიდ ფასად ხდება, ამიტომ უკრაინელები ნებისმიერ ევაკუაციას ერიდებიან.
დღეს BBC წერდა რომ სეპარატისტებში მსხვერპლი 55%-ია იმ სამხედრო ნაწილებში, რომლებიც ომამდე მობილიზებული ჰყავდათ მათ. ყველაზე დიდი დარტყმა სწორედ ლუგანსკელმა სეპარატისტებმა მიიღეს, რომელთა უმრავლესობა პოპასნაიას, სევეროდონეცკისა და ლისიჩანსკისათვის ბრძოლაში ნადგურდება.
(საბრძოლო მოქმედებებისა და ტყვეების ვიდეოების ნაწილი კომენტარებში იქნება - შეტაკებების ყველა ვიდეო და ფოტო ვერ დაიდება - მძიმე კადრების გამო).
- რუსები ლისიჩანსკზე იერიშისათვის სამხრეთიდან ემზადებიან. მათ დიდი რაოდენობით სამხედრო ძალებს მოუყარეს თავი და დამატებითი ტექნიკა შეიყვანეს, მათ შორის T80 ტიპის ტანკები. ცალკეული კადრები, რომლებიც მათი მხრიდან გავრცელდა ერთ უცნაურ დეტალს შეიცავს - თითქმის აღარ ჩანს ფრონტზე T72-ები, არადა ომამდე ერთ-ერთი დომინანტი იყო რუსულ მექანიზებულ ბრიგადებში. ეს ლოგიკურად შეიძლება მიუთითებდეს ფაქტზე, რომ მათი დიდი ნაწილი უბრალოდ აღარ არსებობს და ყველა ამ ტიპის მოქმედი ტანკი უკვე ჩართულია უშუალოდ მოქმედებაში.
- ზოლოტე-ლისიჩანსკის გზაზე დღეს დიდი შეტევა დაიწყეს რუსებმა. თუმცა მოსალოდნელის საპირისპიროდ უკრაინელები არ ჩქარობენ ზოლოტეს ევაკუაციას. სეპარატისტებს იმედი ჰქონდათ, რომ ზოლოტეში წინააღმდეგობა აღარ შეხვდებოდათ ამიტომ ბატალიონის ორი ტაქტიკური ჯგუფით შეუტიეს უკრაინელთა პოზიციებს თუმცა დიდი დანაკარგებით დაიხიეს უკან.
ამასთან, რუსების სინქრონული, ორმხრივი შეტევა დაიწყო ზოლოტე-ლისიჩანსკის გზის იმ ნაწილზე, რომელიც ზოლოტედან გამოსასვლელი ერთადერთი გზა იქნება. ესაა ქალაქი ჰირსკე. მაგრამ აქ უკრაინელებს აშკარად დიდი ძალები ჰყავთ თავმოყრილი, რადგან საკმაოდ ადვილად მოხდა რუსების შეტევის მოგერიება და მათი უკუგდება. ამ ფონზე აშკარაა უკრაინელები არ აპირებენ ზოლოტეს მცველების საფრთხეში ჩაგდებას და ბოლომდე იცავენ გამოსასვლელ დერეფანს.
ამასთან, უკრაინული ავიაცია კვლავ აქტიურად ჩაერთო ბრძოლაში. მათ რუსულ პოზიციებზე რამდენჯერმე მიიტანეს იერიში. ფრონტზე გამოჩნდა ბრიტანული ჯავშანტრანსპორტიორი "ჰასკებიც".
- ბოლო სამი დღეა ძალიან მძიმედ იბომბება ხარკივი / ხარკოვი და მისი შემოგარენი. რუსები ჭურვებს პირდაპირ საცხოვრებელ კორპუსებს უშენენ ქალაქის სამხრეთით მდებარე დასახლება ჩუჰივში. სწორედ ამის გამო მსხვერპლი მხოლოდ მშვიდობიანი მოსახლეობაა.
სწორედ ამ ფონზე უკრაინული ნაწილები გადავიდნენ შეტევაზე და ხარკივი-რუსეთის საზღვრის მაგისტრალურ გზაზე ნაწილ-ნაწილ ანადგურებენ რუსულ სამხედროებს. როგორც თავიდანვე ვვარაუდობდით რუსებს ხელი არ აქვთ აღებული უშალოდ ხარკივზე იერიშისათვის (ისევე როგორც უკრაინელთა ნაწილების იძულებითი დივერსიფიცირებისაა და ხარკივის შემოგარენზე დაკავებისათვის), რის გამოც მათ კვლავ დიდი რაოდენობით მძიმე ტექნიკა შემოიყვანეს რამდენიმე კვირის წინ. თუმცა, როგორც მაშინვე იყო მოსალოდნელი ეს სუიციდური მისია აღმოჩნდებოდა მათთვის. უკრაინელებმა რუსული ტექნიკის აბსოლუტური უმრავლესობა უბრალოდ გაანადგურეს რუსული ნაწილები კი დაიხოცნენ ან უკან დაიხიეს.
ამ ფონზე "აზოვმა" ვიდეო კადრები გაავრცელა თუ რეალურად რა ხდება ამ მიმართულებით (ვიდეოს ნაწილი კომენტარებში).
თუმცა ამ ყველაფერში კვლავ ერთი რამაა ნიშანდობლივი - რუსები საკუთარ ათასობით სამხედროს სწირავენ იმ მისიისათვის, რომლის წარმატების განხორციელების შანსი უბრალოდ არ არსებობს. ეს კი საკმაოდ მძიმე რეალობაზე მიუთითებს - რუსეთს საკუთარი სამხედროები არაფრად უღირს და ომის გაგრძელებას მანამ აპირებენ, სანამ სრული კატასტროფის წინაშე არ დადგებიან.
- უკრაინელებმა დღეს რამდენიმე საარტილერიო იერიში მიიტანეს ხერსონის რაიონზე - მძიმედ დაიბომბა რუსული სამხედრო პოზიციები ნოვა კახოვკასა და ქალაქი ხერსონის შემოგარენში. პრაქტიკულად დღის განმავლობაში რამდენჯერმე ჩაცვივდა ჭურვები რუსული პოზიციების მიმართულებით.
- ბელორუსის საზღვართან უკრაინელებმა პრაქტიკულად სრულად გამართეს თავდაცვის ზღუდეები. ამის ფონზე ლუკაშენკამ სამხედრო წვრთნები დაიწყო. ეს არაფერს ნიშნავს, მაგრამ რუსული ნაწილები ჯერ კიდევ იმყოფებიან ბელორუსში უკრაინის საზღვართან ახლოს. ტერიტორიული დაცვის დამატებითი რაზმები პოზიციებს ამაგრებენ და ნებისმიერი შეტევის შემთხვევაში - რისი შანსიც ძალიან დაბალია - რუსებს სათანადო პასუხი კიდევ ერთხელ გაეცემათ.
- იგორ გირკინმა - სეპარატისტების ყოფილმა ლიდერმა და რუსმა სამხედრო ანალიტიკოსმა - განაცხადა და მოსახლეობას მოუწოდა დატოვონ დონბასის ტერიტორია, რადგან საბოლოო კონტრშეტევა უკრაინელთა მხრიდან უბრალოდ დროის ამბავია.
- კალინინგრადის ოლქის ბლოკადა გრძელდება. ლიეტუვამ ყველა სარკინიგზო თუ საგზაო მაგისტრალი გადაკეტა და რუსული ტვირთებისათვის გზა ჩაკეტა. რუსეთს, რომელსაც კალინინგრადი დიდ სამხედრო ფორპოსტად აქვს ქცეული ახლა ბლოკადაშია. ნატოს ოფიციალურმა პირებმა რუსული მუქარის ფონზე განაცხადეს, რომ ნებისმიერი ქმედება ლიეტუვას წინააღმდეგ გამოიწვევს ნატოს მეხუთე მუხლის ამუშავებას, რაც გასაგებია რუსეთისათვის რასაც ნიშნავს. ამიტომ რუსებს ბალტიის ზღვის ფლოტით მოუწევთ კალინინგრადის მომარაგება.
ეს ყველაფერი კი იმის ფონზე ხდება, რომ რუსეთი რამდენიმე კვირის წინ ლიეტუვას ოფიციალურად დაემუქრა გაეუქმებინა ლიეტუვას, როგორც სახელმწიფოსა და სუვერენიტეტის აღიარება. ეს ყველაფერი კი ღიმილისმომგვრელი იმიტომაა, რომ კალინინგრადი ისტორიული ლიეტუვასა და პოლონელთა განსახლების ნაწილი იყო (გერმანული ტევტონების ორდენის მოსვლამდე), შემდგომ კი გერმანელების. ასე რომ საზღვრების გადახედვაზე ხელის ფათურის საკითხი რუსეთისათვის დამოკლეს მახვილივით კიდია თავზე.
 
გიორგი კობერიძე
სპორტი
კახა კალაძე: ეს არ არის უბრალოდ გამარჯვება, ეს თარიღი საქართველოს უახლეს ისტორიაში ოქროს ასოებით იწერება

საქართველოს ფეხბურთელთა ეროვნული ნაკრების გამარჯვების შემდეგ, საქართველოს პრემიერ-მინისტრი ირაკლი კობახიძე, თბილისის მერი კახა კალაძე და ნაკრების წევრები პირველი რესპუბლიკის მოედანზე შეკრებილ გულშემატკივრებს შეუერთდნენ და გამარჯვება მათთან ერთად აღნიშნეს.

კახა კალაძემ მადლობა გადაუხადა ეროვნულ ნაკრებს და და კიდევ ერთხელ ხაზი გაუსვა პლეიოფის ფინალში გამარჯვების განსაკუთრებულ მნიშვნელობას.

„გილოცავთ! რთულია, ვისაუბრო იმაზე, თუ რამხელა გამარჯვება მოიპოვა ჩვენმა ქვეყანამ. ეს არის ის, რასაც ათეულობით წელი ველოდებოდით. ეს არ არის უბრალოდ გამარჯვება, ეს არის ისტორიის დაწერა. საქართველოს უახლეს ისტორიაში 2024 წლის 26 მარტი ოქროს ასოებით იწერება, იმიტომ, რომ ჩვენი ეროვნული ნაკრები ითამაშებს ევროპის ჩემპიონატზე“, - განაცხადა კახა კალაძემ.

დედაქალაქის მერმა მადლობა გადაუხადა ეროვნული ნაკრების გულშემატკივარსაც.

„მადლობა ყველას, ვინც მოედანზე იმყოფებოდა, ვინც სახლიდან უყურებდა ამ თამაშს. ყოველთვის, როცა ჭირდებოდა საქართველოს ეროვნულ ნაკრებს, იდექით მის გვერდში. იყო უამრავი წაგება, იყო რთული პერიოდი, მაგრამ ყოველთვის იდექით იქ, სადაც ჭირდებოდა ქართულ ფეხბურთს, ქართულ სპორტს და ამისთვის მინდა მადლობა გითხრათ თითოეულ თქვენგანს“, - მიმართა გულშემატკივრებს კახა კალაძემ.

სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.