,
2023 წლის 11-12 აგვისტოს შეჯამება უკრაინაში:
- უკრაინელებმა შეძლეს და მდინარე დნეპრის აღმოსავლეთით, კოზაჩი ლაჰერთან კუნძულებზე დაკავებული პოზიციები შეინარჩუნეს. საბრძოლო მოქმედებები გრძელდება დასახლების შესასვლელთა და ჭაობიან მიდამოში. ასევე უკრაინელებს მყარად უკავიათ პლაცდარმი ანტონოვის ხიდთან, დაჩების სიახლოვეს და მის სამხრეთით, სანაპირო ზოლის გაყოლებაზე. უშუალოდ ოლეშკისაკენ მიმავალ გზაზე შეტაკებები გრძელდება. რუსების გათვლა ოლეშკის ყველაფრის ფასად შენარჩუნებაა. მაგრამ ამასობაში უკრაინელთა მცირე დანაყოფები რამდენიმე სხვა ადგილიდან ცდილობენ ხმელეთის სიღრმეში გადაადგილებას.
ამავე მიმართულებით, არის ვერსია, რომ უკრაინული სპეცდანიშნულების რაზმები კიდევ უფრო ღრმად მოქმედებენ რუსების ზურგში. ამ ვერსიით მათ ნოვა კახოვკას აღმოსავლეთით როზდოლნესთან განახორციელეს სამხედრო ოპერაცია და ჩასაფრება. უცნობია ყველა სხვა დეტალი. როგორც ჩანს ამ მიმართულებით რუსულ ნაწილებს ძალიან სერიოზული პრობლემები აქვთ.
ოლეშკის აღმოსავლეთით, ცენტრალური გზის მონაკვეთზე რადენსკისთან რუსული სამხედრო ბაზა დაიბომბა. განადგურებულია ტექნიკა და ცოცხალი ძალა. სავარაუდოდ, გამოყენებული იყო არამხოლოდ საარტილერიო დარტყმები არამედ Storm Shadow-ც.
- დღეს ყირიმის ხიდზე არა ერთი, არამედ ორი სარაკეტო თავდასხმა განხორციელდა. ძალიან აქტიური იყო რუსული ჰაერსაწინააღმდეგო სისტემები. რა დაზიანდა და რამდენ ადგილას არაა ცნობილი. მაგრამ არის საინტერესო მოსაზრება, რომ გარდა უშალოდ ხიდზე დამიზნებისა, უკრაინელები რუსული ჰაერსაწინააღმდეგო პოზიციების გამოვლენაც ცდილობენ.
- წუხელ მთელი ღამე აფეთქებები ისმოდა ყირიმის სხვადასხვა დასახლების მიმართულებით. მთელი ღამე რუსული ჰაერსაწინააღმდეგო სისტემა მუშაობდა სევასტოპოლის თავზე. მიზნებს უკრაინული დრონები უტევდნენ.
- წუხელვე დაიბომბა რუსეთის კურსკის ოლქი. სამიზნე ლოჯისტიკური მომარაგების ხაზები და საწვავი იყო.
- უკრაინელები აგრძელებენ უროჟაინეს შტურმს, სამხრეთით, დონეცკის ოლქში, ველიკა ნოვოსილკას მიმართულებაზე. რუსული რეზერვები შეედინებიან დასახლებაში პოზიციების გადასარჩენად, მაგრამ პრაქტიკულად უკრაინელები ჯაბნიან მათ. ამასთან უკვე ერთი კვირაა ძლიერი საარტილერიო დუელი მიმდინარეობს დასახლების ირგვლივ.
- ზაპორიჟიას ოლქში, ბერდიანსკში დაიბომბა რუსული შვეულმფრენების აეროდრომი. რუსები აეროდრომს სამხედრო და მომარაგების მიზნებისათვის იყენებენ. პრაქტიკულად, ამ აეროდრომის დაბომბა ყოველკვირეულ სახეს იძენს.
- კალინინგრადში რუსული მრავალფუნქციური თვითმფრინავი სუ-30 ჩამოვარდა. ეკიპაჟის ორივე წევრი დაიღუპა. პილოტები თვითმფრინავზე ძვირფასი დანაკარგია რუსეთისათვის.
- უკრაინა Taurus ტიპის ფრთოსანი რაკეტების გადაცემის შესახებ გერმანიასთან მოლაპარაკებების საბოლოო ეტაპზეა გადასული. ის ბრიტანული Storm Shadow-ს გაუმჯობესებული ვარიანტია და 500 კილომეტრს ფარავს.
- პრეზიდენტმა ზელენსკიმ ყველა სამხედრო კომისარი დაითხოვა სამსახურიდან. უკრაინაში კორუფცია ყველაზე დიდი პრობლემაა. პრაქტიკულად უკრაინას მეორე ფრონტი აქვს გახსნილი კორუფციასთან და რომ ვთქვათ რომ იგებს ამ ბრძოლასო ბოლომდე მართალიც არ იქნება. რეალურად, კორუფცია თუკი დამარცხდება უკრაინაში, ქვეყანას ომის მოგების ბევრად დიდი შანსი ექნება.
- 1 ამერიკული დოლარი 100 რუბლია. რუსეთში ინფლაცია გრძელდება. პრაქტიკულად რუსეთში იმპორტული საქონელი ეტაპობრივად გაძვირდება, რომელიც სანქციების პირობებში ისედაც კოლოსალურად გაძვირებული იყო. ამასთან, როგორც ჩანს რუსეთს კიდევ ერთი დიდი პრობლემა აქვს - შავი ბაზარი. თუკი აქამდე რუსეთში დოლარით ვაჭრობა გარკვეულად შეზღუდა სახელმწიფომ, რათა კურსი დაეჭირა და ამასთან შიდა წარმოება წაახალისა, ახლა ნელ-ნელა იკვეთება შავი ბაზრის კონტურებიც. ეს კი ნებისმიერ სახელმწიფოს შიგნიდან ანგრევს.
- მარიუპოლში დაპირისპირებაა რუს სამხედროებსა და კადიროველებს შორის. იყო სროლაც. არიან დაღუპულები.
მიყევით ბმულს - გიორგი კობერიძე
თბილისის მერია გადასასვლელ ხიდთან, ცოტნე დადიანისა და სადგურის მოედნის დამაკავშირებელი ესტაკადის მშენებლობას გეგმავს. ახალი ინფრასტრუქტურული პროექტი 2026 წლის ბიუჯეტში უკვე გათვალისწინებულია და მასზე მომდევნო წელს 10 მილიონი ლარი დაიხარჯება, 2027 წელს კი დამატებით 87.5 მილიონი ლარი. მთლიანობაში 280-მეტრიანი ესტაკადის პროექტირება-მშენებლობის წინასწარი სავარაუდო ღირებულება 100 მილიონ ლარს შეადგენს. პროექტზე საგზაო მარშრუტის კვლევაზე 2025 წელს უკვე 2.5 მილიონი ლარი დაიხარჯა.
2026 წლის ბიუჯეტის განმარტებით ბარათში მითითებულია, რომ სარკინიგზო მაგისტრალი ქალაქის ცენტრალურ მონაკვეთს ყოფს იმგვარად, რომ მოედნის პარალელურად არსებულ ქუჩებს შორის დაკავშირებადობა მინიმალურია და აუცილებელია საზოგადოებრივი ტრანსპორტისთვის ახალი ინფრასტრუქტურის შექმნით ქალაქის უბნების დაკავშირებადობა გაუმჯობესდეს.
"ქალაქ თბილისის ცენტრში არსებული რკინიგზის კორიდორი და თანმდევი ინფრასტრუქტურა ქმნის 4-კილომეტრიან მონაკვეთს აღმოსავლეთ-დასავლეთ სატრანსპორტო კავშირის გარეშე, გარდა შეზღუდული რაოდენობის საფეხმავლო კავშირებისა. ეს ისტორიული დაბრკოლება ხელს უშლის თბილისის სატრანსპორტო გეგმის პრიორიტეტებისკენ მისწრაფებას. სადგურის მოედანი მდებარეობს აღნიშნულ ამ 4-კილომეტრიან მონაკვეთში. ის წარმოადგენს დედაქალაქის უმნიშვნელოვანეს სატრანსპორტო „ჰაბს“, სადაც თავს იყრის 61 ავტობუსის მარშრუტი, მეტროს 2 ხაზი, ისევე როგორც საქართველოს რკინიგზის სერვისები. ტერიტორია ემსახურება საათში 330 ავტობუსის სერვისს, საიდანაც მომავალში 150 გამოიყენებს ხიდს. თბილისის სატრანსპორტო გეგმის თანახმად, სადგურის მოედანი ასევე იქნება თბილისის საგარეუბნო რკინიგზის სერვისების თავმოყრის წერტილი, რაც კიდევ უფრო მნიშვნელოვანს გახდის მისი, როგორც სატრანსპორტო ჰაბის ფუნქციას. ამჟამინდელი მდგომარეობით, აღმოსავლეთ-დასავლეთ კავშირის არარსებობა აფერხებს მაღალი ხარისხის ჰაბის განვითარებას, ხშირად 22 ავტობუსის მარშრუტის შეწყვეტა ხდება ვადაზე ადრე ან ახორციელებენ 1.5 კილომეტრიანი შემოვლითი მგზავრობას, რომელიც მნიშვნელოვნად ზრდის გადაადგილების დროს, ჰაერის დაბინძურებასა და ვიბრაციას, ისევე როგორც ამცირებს მარშრუტების ხარჯეფექტიანობას. თბილისის სატრანსპორტო გეგმით გათვალისწინებულ აღმოსავლეთ-დასავლეთის შეკავშირებულობის ალტერნატივების ანალიზის კვლევამ, რომელიც მსოფლიო ბანკის დახმარებით ჩატარდა, მულტიკრიტერიუმიანი ანალიზის საშუალებით, გამოავლინა თბილისის ცენტრში არსებული რკინიგზის ხაზის ორ მხარეს (აღმოსავლეთ და დასავლეთ) შორის ახალი კავშირის შექმნის საუკეთესო ალტერნატივა - საზოგადოებრივი ტრანსპორტის პრიორიტეტის მქონე საავტომობილო ხიდი, დადიანის ქუჩასა და სადგურის მოედანს შორის. ქ. თბილისის მუნიციპალიტეტის მერია ფლობს თბილისის სატრანსპორტო გეგმით გათვალისწინებულ აღმოსავლეთ-დასავლეთის შეკავშირებულობის ალტერნატივების ანალიზის კვლევის საფუძველზე შექმნილ ანგარიშს, კონცეფციას. პროექტის მიზანი არის, ამ კონცეფციით განსაზღვრული, საავტომობილო ხიდის მშენებლობა.
აღნიშნული ობიექტი წარმოადგენს საავტომობილო ხიდს ქალაქ თბილისში, რომელიც დააკავშირებს სადგურის მოედანს დადიანის ქუჩასთან და იქნება 280 მეტრი სიგრძის, 8.5 მეტრი სიგანის სწორ მონაკვეთში, ხოლო 15 მეტრი სიგანის მოხვევის მონაკვეთში (ე.წ. სპირალი, რომელიც ეშვება სადგურის მოედანზე). ხიდი იქნება ორზოლიანი და დასავლეთით, სადგურის მოედანზე დაშვებისას, რამპას ექნება მარჯვნივ ჩამხვევი ზოლი. რკინიგზის დერეფნის კვეთისას აუცილებელია 7 მეტრიანი სხვაობა რკინიგზის ლიანდაგსა და ხიდის სტრუქტურას შორის. საავტომობილო ხიდი ითვალისწინებს 18 მეტრიანი ავტობუსების მართვის ტრაექტორიებს, მისი მაქსიმალური გრძივი ქანობი - 10.7%, ხოლო მინიმალური რადიუსი - 12 მეტრი. საავტომობილო ხიდის გამტარობა შერეული ნაკადების პირობაში იქნება 800 ავტომობილი ერთ საათში ერთი მიმართულებით", - ნათქვამია 2026 წლის ბიუჯეტის განმარტებით ბარათში.
წყარო: https://bm.ge
