USD 2.7484
EUR 2.8998
RUB 2.7361
Tbilisi
რა ვითარებაა ამ დროისთვის უკრაინაში - გიორგი კობერიძე
Date:  238
21.02.2024 - საბრძოლო მოქმედებების შეჯამება უკრაინაში:
- ავდიივკის აღებით გათამამებულმა რუსულმა სამხედრო ნაწილებმა მასირებული იერიშები წამოიწყეს ზაპორიჟიას ოლქში ლობკოვე-პიატიხატკისა და რობოტინეს მონაკვეთზე, დონეცკის ოლქში ვუჰლედარზე, ლუგანსკის ოლქში კრემინას შემოგარენზე ხოლო ხარკივის ოლქში სინკივკაზე. რაც რუსებმა ამ შეტევების შემდეგ გამოიღეს მხოლოდ 2022 წლის უგუნური შეტევების შემდეგ დამდგარ რეალობა შეედრება - რობოტინესა და პიატიხატკის მონაკვეთებზე ასეულობით სამხედრო და ათეულობით ტექნიკა დაკარგეს, ვუჰლედარში წინა წლის კადრები განმეორდა სადაც ქალაქის შემოგარენი დამწვარი ტექნიკითა და დახოცილი რუსი სამხედროებით იყო სავსე, კრემინას ტყეში უკრაინელებმა რამდენიმე ადგილას ჩასაფრება მოუწყვეს რუსებს ხოლო სინკივკაში რუსული შეტევა სრულად ჩავარდა.
მიუხედავად ამხელა მსხვერპლისა ჯერჯერობით რუსული შეტევები არ შეჩერებულა. აშკარაა 2023 წლის უკრაინული კონტრშეტევის შემდეგ გათავისუფლებული ტერიტორიის ხელახლა დაკავება და დონეცკის ოლქში მაქსიმალურად დიდი ტერიტორიის ათვისება სურთ, მაგრამ დანაკარგების სიუხვიდან გამომდინარე ამას რამდენად შეძლებენ ძალიან საეჭვოა. ჯერჯერობით უკრაინული თავდაცვა შესანიშნავად უმკლავდება რუსულ დაწოლას ყველაზე ცხელ მონაკვეთებზე. ავდიივკას ევაკუაციასაც სამხედრო მკვლევარები გონივრულ ნაბიჯად აფასებენ. უკრაინა იმხელაა სტრატეგიული სიღრმე აქვს და პრაქტიკულად დაუცველი ქალაქის შენარჩუნებისათვის ძალიან დიდი ძალების დაკარგვა არ ღირდაო.
- ავდიივკას აღების შემდეგ რუსებმა მინიმუმ ოთხი სუ-34 და ორი სუ-35 დაკარგეს. დონეცკის ოლქში აქტიურობა ძალიან ძვირად დაუჯდათ რუსულ ბომბდამშენებსა და გამანადგურებლებს. როგორც ჩანს უკრაინელებმა ფრონტის ხაზთან ახლოს მისწიეს ჰაერსაწინააღმდეგო PATRIOT-ის სისტემები. საინტერესოა, რომ რუსული თვითმფრინავები მარიუპოლისა და აზოვის ზღვის სიახლოვეს იქნა ჩამოგდებული.
- რუსები ავდიივკასთან მდებარე მცირე დასახლება ლასტოჩკინეს უტევენ. აღების პირველი მცდელობა იმით დასრულდა, რომ რუსები ჩასაფრებაში მოყვნენ და დანაყოფი გაუნადგურდათ რის შემდეგაც ძირითადი ნაწილების დასახლების შემოგარენში გამაგრება მოხდა.
- უკრაინელებმა HIMARS-ით რუსული პოზიცია დაბომბეს დონეცკის ოლქში, ვოლნოვახასთან, მარიუპოლის გზაზე. მოკლულია 67 რუსი სამხედრო და პოლკოვნიკი. აშკარაა ისინი არასაბრძოლო ღონისძიებაში მონაწილეობდნენ რაც მათზე ზუსტი დარტყმებით დასრულდა. მიცვალებულები მდელოზეა მიმოფანტული.
- ხერსონის ოლქში, მდინარე დნეპრის აღმოსავლეთ პლაცდარმი, კრინკის მიმართულებაზე რუსმა პროპაგანდისტებმა გამოაცხადეს დასახლება ავიღეთო. რუსმა სამხედროებმა უარყვეს არ აგვიღიაო. შემდეგ დროშის დაკიდების ვიდეო გაავრცელეს, რომელიც როგორც აღმოჩნდა სრულიად სხვა ვითარებას აღწერდა: დროშა დაკიდეს, ადგილი მიატოვეს და უკან გაიქცნენ. შესაბამისად, კრინკის პლაცდარმი უკრაინელთა ხელში რჩება.
- უკრაინელებმა დონეცკის საოკუპაციო ადმინისტრაციის შენობაზე მიიტანეს საარტილერიო იერიში.
- შვედეთი 700 მილიონამდე დოლარის შეიარაღებას გამოვიდა უკრაინისათვის. მათ შორისაა საარტილერიო ამუნიცია, რომელიც ასე სჭირდება უკრაინას ახლა.
- ირანი რუსეთს 400 მძლავრ ბალისტიკურ რაკეტას გადასცემს. ჯერჯერობით უცნობია თუ რის სანაცვლოდ გააკეთებს თეირანი ამას, მაგრამ აშკარაა ის სამაგიეროდ ისეთ რამეს იღებს, რაც როგორც ისრაელს ისე მთელს რეგიონს შეუქმნის საფრთხეს. პრაქტიკულად, რუსეთის მთავარი აღმჭურველი ჩრდილოეთ კორეა და ირანია.
- ბოლო 48 საათია ნავთობტერმინალებზე აფეთქებებია როსტოვსა და ნიჟნი-ნოვგოროდში. უკრაინელები რუსების ყველაზე მნიშვნელოვან კომპონენტს ურტყამენ.
- დაუდგენელ ვითარებაში მკვდარი იპოვეს როსნეფტის უფროსის, იგორ სეჩინის 35 წლის ბიჭი, ოლიგარქის მემკვიდრე ივან სეჩინი. სიკვდილის თარიღად 5 თებერვალია დაფიქსირებული, თუმცა ინფორმაცია ამ დრომდე არ მჟღავნდებოდა. ის მოსკოვის სიახლოვეს ერთ-ერთ სოფელში იპოვეს მკვდარი. სიკვდილის სავარაუდო მიზეზად თრომბი სახელდება, მაგრამ ეს ძალიან საეჭვო ინფორმაციაა. სეჩინი ხასიათდებოდა ადამიანად, როგორც "ერთადერთი პირი, რომელსაც პუტინი ენდობა". უცნობია რა არის მისი სიკვდილის მიზეზი და ისიც საინტერესოა თავად თუ სეჩინი ენდობა ოფიციალურ ინფორმაციას.
- ოფიციალური ვერსიით თავი თვითმკვლელობით დაასრულა რუსმა პროპაგანდისტმა და რუსული სამხედრო ტელეგრამ არხის Murz-ის ხელმძღვანელმა ანდრეი მოროზოვმა. მან ავდიივკაში რუსულ კატასტროფულ დანაკარგებზე დაიწყო საუბარი, რის გამოც სხვა პროპაგანდისტები მის თავს ითხოვდნენ. ჩრდილოეთ კორეიზაციას ვადევნებთ თვალს.
- ოფიციალური ინფორმაციით ის რუსი შვეულმფრენის პილოტი, რომელმაც რამდენიმე თვის წინ უკრაინის მხარეს Mi-8 გადააფრინა ესპანეთში გარდაცვლილი იპოვეს. ამას უკრაინის სამხედრო დაზვერვაც ადასტურებს. მოკლა თუ არა ის რუსულმა დაზვერვამ თუ მისი სიცოცხლის დასაფარად მიზანმიმართული დადგმული ოპერაციაა ამას ალბათ ვერ გავიგებთ.
analytics
«Lauterbacher Anzeiger» (გერმანია): „საქართველო პუტინის ორბიტაზე გადადის: უშვებს თუ არა „შეცდომას“ ევროკავშირი?“

გერმანული გაზეთი „ლაუთერბახერ ანცეიგერი“ (Lauterbacher Anzeiger - იბეჭდება ჰესენის მხარეში) აქვეყნებს სტატიას სათაურით „საქართველო პუტინის ორბიტაზე გადადის: უშვებს თუ არა „შეცდომას“ ევროკავშირი?“ (ავტორი - ფლორიან ნაუმანი).

გთავაზობთ პუბლიკაციას შემოკლებით:

საქართველოში ჩატარებული არჩევნებიდან სამ კვირაზე მეტი გავიდა, მაგრამ ევროკავშირს ჯერ კიდევ არ აქვს გამოხატული მკაფიო პოზიცია და ამ ეტაპზე მხოლოდ განმარტებებს ითხოვს. ბრიუსელს ამისათვის საკმაო მიზეზები აქვ: არცევნებში რატომღაც მოულოდნელად გაიმარჯვა სულ უფრო ავტორიტარმა და პრორუსულად განწყობილმა პარტიამ „ქართულმა ოცნებამ“, რაც ბევრ კითხვას იწვევს. ოქტომბრის ბოლოდან ოპოზიცია არჩევნების დროს მომხდარი დარღვევების ფაქტებს აგროვებს, მაგრამ მნიშვნელოვანი კანონდარღვევების რაოდენობა, როგორც ჩანს, საკმარისი არ არის.

დებატები ევროპარლამენტში: საით მიდის საქართველო?

ამ კვირაში ევროპის პარლამენტში მიმდინარე დებატების დროს ორი მომენტი აშკარად გამოიკვეთა: პარლამენტართა ერთმა ნაწილმა ევროკავშირი ორმაგი პოლიტიკის გატარებაში  და არჩევნების შედეგების მხოლოდ პოლიტიკური ნიშნით შეფასებაში დაადანაშაულა, ხოლო მეორე ნაწილმა საქართველოს მთავრობის მიმართ უფრო ხისტი ზემოქმედება მოითხოვა. გადაწყვეტილება (ალბათ, სიმბოლური მნიშვნელობის მქონე) ჯერ მიღებული არ არის.

საბოლოო ჯამში, როგორც ჩანს, ამჟამად საკითხის აქტუალობა იმაშია, გადავა თუ არა  საქართველო რუსეთის ორბიტაზე და გახდება თუ არა მისი თანამგზავრი - მიუხედავად იმისა, რომ მოსახლეობას ევროპული ორიენტაცია აქვს. ასევე მნიშვნელოვანია დადგინდეს - იყო თუ არა არჩევნები დემოკრატიული და სამართლიანი.

გერმანიის „მწვანეთა“ პარტიის წარმომადგენელი სერგეი ლაგოდინსკი და ესტონელი სოციალ-დემოკრატი მარინა კალიურანდი ჯერ კიდევ არ არიან დარწმუნებულები იმაში, რომ საქართველოში არჩევნები გაყალბდა. ყოველ შემთხვევაში, ისინი დამადასტურებელ ფაქტებს ვერ ხედავენ. ორივე პოლიტიკოსი ევროპარლამენტის დელეგაციის - „ევრონესტის“ წევრები არიან, რომელთა მოვალებაშია ურთიერთობა და აზრთა გაცვლა-გამოცვლა ჰქონდეთ ისეთ ქვეყნებთან, როგორებიცაა საქართველო, მოლდოვა, უკრაინა და სომხეთი. სერგეი ლაგოდინსკი, თავის მხრივ, „ევრონესტის“ თავმჯდომარეა.

თბილისი მოსკოვსა და ბრიუსელს შორის

„საქართველო და მოლდოვა ჭადრაკის ფიგურები არ არიან, რომ ჩვენ ისინი დაფაზე გადავაადგილოთ. ისინი სახელმწიფოებს წარმოადგენენ და მათ თავიანთი მომავალი აქვთ“, - ამბობს სერგეი ლაგოდინსკი, რომელსაც მხედველობაში აქვს ორივე ქვეყანაში ჩატარებული არჩევნები. თუმცა იგი ყურადღება ასევე ამახვილებს სავარაუდო გაყალბებაზეც და აღნიშნავს, რომ არსებობს არგუმენტები განმეორებითი არჩევნების ჩასატარებლად.

 „პირადად ჩემთვის საკითხი ასე გამოიხატება: რა უნდა ვუქნათ იმ პარტიას, რომელიც ანტიკონსტიტუციურ პოლიტიკას ატარებს? საქართველოს ძირითად კანონში ჩაწერილია, რომ ქვეყნის მიზანს ევროკავშირთან ინტეგრაცია წარმოადგენს“, - აცხადებს სერგეი ლაგოდინსკი. მმართველი პარტია „ქართული ოცნება“ სიტყვით ოფიციალურად ადასტურებს, რომ მისი მიზანი 2030 წლისათვის ევროკავშირში გაწევრიანებაა, მაგრამ საქმით მთავრობამ უკვე დიდი ხნის გადაუხვია ევროკავშირისაკენ მიმავალი გზიდან, როცა პრორუსული კანონები მიიღო, ბრიუსელის გაფრთხილებისა და საპროტესტო აქციების მიუხედავად. „ვფიქრობ, მართლაც გონივრული იქნებოდა არჩევნების განმეორებით ჩატარება - უბრალოდ, საზოგადოება რომ სიმართლეში დარწმუნდეს“, - ამბობს სერგეი ლაგოდინსკი, - ნებისმიერ შემთხვევაში, თუ დამტკიცდება, რომ მანიპულაციები მართლაც მოხდა, ახალი არჩევნების ჩატარება აუცილებელია, თანაც საერთაშორისო კონტროლით“.

მარინა კალიურანდსაც ასეთივე თავალსაზრისი აქვს: „უნდა დაველოდოთ განმარტებებს [და სასამართლოს გადაწყვეტილებებს], სპეკულირება არ უნდა მოხდეს... მაგრამ თუ დამტკიცდება, რომ არჩევნები იმაზე უარესად ჩატარდა, როგორც ამას ეუთოს დამკვირვებლები აღწერენ, მაშინ ჩვენ მკაფიო რეაგირება უნდა მოვახდინოთ“. აღსანიშნავია, რომ ეუთოს მისიამ დაგმო ცალკეული დარღვევები, მიუთითა მთავრობისა და ოპოზიციის არათანაბარ პირობებზე, მაგრამ არჩევნებში მასშტაბური ფალსიფიცირება არ დაუფიქსირებია.

„ეუთოს მისიამ 2020 წლის არჩევნებიც დაახასიათა როგორც კონკურენტული და კარგად ორგანიზებული“, - ამბობს მარინა კალიურანდი, რომელიც ადრე ესტონეთის საგარეო საქმეთა მინისტრი იყო, მანამდე კი ესტონეთის ელჩი რუსეთში, - „თუმცა ასეთი დახასიათება დემოკრატიული ქვეყნისათვის საკმარისი არ არის. ჩვენ ყველას გვსურს, რომ არჩევნები გამჭვირვალე და პატიოსნად ჩატარდეს“. მისი თქმით, საქართველოსთვის კანდიდატის სტატუსის გაუქმება ლოგიკური იქნება, თუ ქვეყანა თამაშის წესებს არ დაიცავს.

განხეთქილება ევროპარლამენტის მემარჯვენეთა ბანაკში

სერგეი ლაგოდინსკის თქმით, საქართველოს ახალგაზრდა იურისთა ასოციაცია თვლის, რომ არჩევნებში მრავალი დარღვევა მოხდა. „თუ გავითვალისწინებთ იმას, რომ ასოციაციის წევრები ობიექტურად აფქსირებდნენ დარღვევებს მიხეილ სააკაშვილის მმართველობის დროსაც, მაშინ მათი პოზიცია პოლიტიკურად მიუკერძოებლად  უნდა ჩაითვალოს. ეს სერიოზული არგუმენტია“, - ამბობს მწვანეთა პარტიის წარმომადგენელი.

დღემდე ევროკავშირს თავისი მტკიცე პოზიცია დაფიქსირებული არ აქვს. „ალბათ, ეს იმას უკავშირდება, რომ ჯერ-ჯერობით მოსმენები კომისიებში ისევ მიმდინარეობს... საბოლოო ჯამში გადაწყვეტილების მიღება ევროკავშირის წევრი ქვეყნების ნებაზეა დამოკიდებული. ამჟამად რაიმე კონფრონტაცია არ შეიმჩნევა“, - აცხადებს სერგეი ლაგოდინსკი.

ევროპარლამენტში 13 ნოემბერს დებატების დროს აზრდტა სხვადასხვაობა დაფიქსირდა აღმოსავლეთევროპელ მემარჯვენეთა შორის. უნგრელი პოლიტიკოსის ანდრაშ ლასლოს აზრით, საქართველოს მთავრობა ევროკავშირის კურსის ერთგულია და რომ არჩევნების შედეგები ევროკავშირმა უნდა აღიაროს. პოლონელმა მალგოჟატა ჰოსევსკამ ყოფილი მმართველი პარტიიდან „კანონი და სამართლიანობა“, პირიქით, განაცხადა, რომ „საქართველოს ხელისუფლებაში არის პიროვნება, რომელსაც [რუსეთთან] გაურკვეველი კავშირები აქვს“ (იგულისხმება ბიძინა ივანიშვილი). პოლონელმა დეპუტატმა ევროკავშირს მოუწოდა, რომ „საქართველოს მმართველი რეჟიმის ირგვლივ სანიტარული კორდონი უნდა შეიქმნას“.

წყარო: https://www.lauterbacher-anzeiger.de/politik/georgien-rueckt-in-putins-umlaufbahn-begehen-die-eu-einen-error-zr-93415845.html

 

See all
Survey
ვინ გაიმარჯვებს რუსეთ - უკრაინის ომში?
Vote
By the way