2023 წლის 7-9 ნოემბერი უკრაინაში:

- ბოლო 48 საათია განსაკუთრებით აქტიური საბრძოლო მოქმედებები მიმდინარეობს მდინარე დნეპრის აღმოსავლეთ ნაპირზე, ხერსონის ოლქში, დასახლება კრინკის სიახლოვეს. უკრაინელებმა შეძლეს და გზის მონაკვეთსაც მიაღწიეს. აქამდე, უკრაინელთა მცდელობა შეექმნათ კონტროლის ზონა დნეპრის აუზის აღმოსავლეთით მხოლოდ ქალაქი ხერსონის მომიჯნავედ, დაჩებში მოხერხდა, ისიც მდინარე კონკას დასავლეთით. ახლა კი უკრაინელები ცდილობენ სუსტი წერტილის აღმოჩენის შემთხვევაში დაიკავონ ეს მონაკვეთი. ჯერჯერობით ვითარება დამაიმედებელია, რადგან ორდღიანი აქტიური საბრძოლო მოქმედებების პირობებში რუსებმა უკრაინული პოზიციების აღება ვერ შეძლეს. ზოგადად, მდინარე დნერპისა და კონკას ჭაობიანი ზონა არავის კონტროლქვეშ არაა.

- ხერსონის ოლქში, შავი ზღვის სანაპირო ქალაქ სკადოვსკთან საოკუპაციო საჯარისო ნაწილი დაიბომბა. სავარაუდოდ, განეიტრალებულ იქნა რუსი ოფიცრობა. ბოლო დღეებია ასეთი ზუსტი იერიშები სამხრეთში საკმაოდ აქტიურად მიმდინარეობს.

- დონეცკის ოლქში ავდიივკაზე რუსული შეტევა გრძელდება, მაგრამ მიუხედავად ინტენსიური დაწოლისა უკრაინელები ინარჩუნებენ პოზიციებს. ზოგიერთ მონაკვეთზე უკრაინელებმა დაკავებული რუსული პოზიციებიც კი გაათავისუფლეს. ბოლო სამი დღეა რუსები ქალაქს სამხრეთის ფლანგიდან უფრო აქტიურად უტევენ, ვიდრე ჩრდილოეთიდან.

- ხერსონის ოლქში კუპიანსკის რაიონში რუსული შეტევის ყველა მცდელობა ჩაიშალა. არიან ტყვეებიც.

მიყევით ბმულს - გიორგი კობერიძე