,
2023 წლის 16-17 სექტემბრის შეჯამება უკრაინაში:
- ბახმუტის სამხრეთით, ანდრიივკას გათავისუფლების შემდეგ კლიშჩიივკაც თავისუფალია. კლიშჩიივკას დაკარგვა ბახმუტის სამხრეთ-დასავლეთის ფლანგის კონტროლისათვის კრიტიკული მნიშვნელობა აქვს - ის არამხოლოდ რკინიგზის ხაზზე მდებარეობს, არამედ ბახმუტისაკენ მიმავალ გზაზე ერთ-ერთ ცენტრალურ ფარს ქმნიდა. მეტიც, დღეს უკრაინელებმა ბახმუტი-კლიშჩიივკას გზაზე რუსულ პოზიციაზე მიიტანეს საარტილერიო იერიში და იარაღის საწყობი და სამხედრო შეჯგუფება გაანადგურეს.
ამასთან, ცნობილია, რომ რუსებმა ანდრიივკას შენარჩუნების მცდელობისათვის იმაზე დიდი ძალები დაკარგეს, ვიდრე მოსალოდნელი იყო. რუსი ოფიცრები აიძულებდნენ სამხედროებს ისეთი პოზიციების კონტროლს, რომლის შენარჩუნებაც მოცემულ პირობებში თითქმის შეუძლებელი. ერთი თვე ანდრიივკა რეალურ ხორცსაკეპად იქცა. ასეთი რამ მიმდინარეობდა და მიმდინარეობს კლიშჩიივკასა და მის შემოგარენში.
- უკრაინული პორტების ბლოკადა რუსეთს ძალიან უჭირს. ყოველდღიურად რუსულ სამხედრო-საპატრულო ხომალდებზე თავდასხმები ან თავდასხმის მცდელობები გრძელდება, რაც რუსულ ხომალდებს პორტებიდან გასვლას ურთულებს. ამ ფონზე უკრაინის პორტები სატვირთო ხომალდებისათვის ფაქტია რომ ჩაკეტილი ვერ და არ არის.
- მარცვლეულის საკითხზე პოლიტიკური თვალსაზრისით ცოტა უფრო რთულადაა საქმე უკრაინის სახმელეთო საზღვრებზე. უნგრეთი, სლოვაკეთი და პოლონეთი უარს აცხადებენ უკრაინული ხორბლის მიღებასა და გატარებაზე. პოლონეთს ეშინია უკრაინული ხორბლის ქვეყანაში შედინება, რადგან ჭარბი მიწოდება ადგილობრივი ხორბლის ფასს დააგდებს. იმ ფონზე, რომ პოლონეთის ხელისუფლება ცენტრალურ და აღმოსავლეთ მხარეებში მცხოვრები აგროსფეროში მომუშავე პოლონელების მხარდაჭერაზე დგას და რამდენიმე კვირაში არჩევნებიცაა, ისინი ერიდებიან უკრაინული ხორბლის ქვეყანაში შედინებას. მსგავსი მიზეზი იქნა წამოყენებული უნგრეთისა და სლოვაკეთის მხრიდანაც. თუმცა ბრიუსელი ამ გადაწყვეტილებით უკმაყოფილოა და მოუწოდებს ამ ქვეყნებს გადახედონ თავიანთ მიდგომას.
- ლუგანსკის ოლქში, სვატოვესაკენ მიმავალ გზაზე მდებარე რაიჰოროდკას მიმართულებიდან რუსები შეტევაზე გადავიდნენ. იერიშის ჩავარდნის შემდეგ უკან, ისევ საკუთარი პოზიციებისაკენ გადაინაცვლეს, რასაც უკრაინელთა მხრიდან საპასუხო საარტილერიო დარტყმები მოჰყვა. ასეთი ჩავარდნილი შეტევებისას რუსეთს გამორჩეულად დიდი აქვს ხოლმე დანაკარგი.
- შეტაკებები გრძელდება სამხრეთში, ზაპორიჟიაში, ვერბოვესა და ნოვოპროკოპივკას მისადგომებთან. არიან ტყვეებიც. საველე პირობებში საბრძოლო მოქმედებები განსაკუთრებით რთულია. შეზღუდულია ინფორმაციაც. ISW-ს ცნობით რუსებს პოზიციების შენარჩუნება ძალიან უჭირთ. ამასთან, ირკვევა ისიც, რომ რუსები ახალ თავდაცვის ზღუდეს უშუალოდ ტოკმაკის სიახლოვეს ამაგრებენ. სავარაუდოდ, უჭირთ უკვე ჩამოშლაზე მყოფი პირველი ხაზის შენარჩუნება, რის გამოც ახორციელებენ მეორე ხაზის გამაგრებას.
- ვაშინგტონპოსტში დაწერილ სტატიაში რუსეთის კლანურ სისტემაზე საუბრისას აღნიშნული იყო ერთი დეტალი: პუტინმა იცის, რომ შოიგუ ძალიან სუსტი თავდაცვის მინისტრია, მაგრამ სწორედ ამავე მიზეზით ტოვებს ის მას თანამდებობაზე. მარტივად რომ ვთქვათ როცა დრო მოვა განტევების ვაციც შეუძლია ჰყავდეს. ამასთან, მას არ მოსწონს წარმატებასთან ასოცირებული კადრები, მით უფრო პრიგოჟინის ამბოხების შემდეგ. მას უნდა, რომ გამარჯვება მას მიეწეროს, ხოლო მარცხი - სხვას.
მიყევით ბმულს - გიორგი კობერიძე
ამერიკის შეერთებული შტატები “მშვიდობის საბჭოს” პირველი ოფიციალური სამიტისთვის ემზადება. პრეზიდენტ ტრამპის მიერ შექმნილი ახალი საერთაშორისო ორგანიზაციის პირველ სხდომას ვაშინგტონში მდებარე, ტრამპისვე სახელობის მშვიდობის ინსტიტუტი უმასპინძლებს.
არსებული ინფორმაციით, მას წევრი ქვეყნების უდიდესი ნაწილი, 20-ზე მეტი სახელმწიფოს ლიდერი დაესწრება. მათ შორის იქნებიან საუდის არაბეთის, თურქეთის, ეგვიპტის, კატარისა და ინდონეზიის წარმომადგენლები. ასევე სომხეთისა და აზერბაიჯანის მმართველები.
როგორც ირკვევა, პირველ სამიტზე პრეზიდენტი დონალდ ტრამპი ღაზას რეკონსტრუქციისთვის ფონდის შექმნას დააანონსებს და გამოაცხადებს, თუ როგორ დაკომპლექტდება ის “საერთაშორისო სტაბილიზაციის სამხედრო ძალა”, რომელიც ღაზას სექტორის საზღვარზე განლაგდება და უზრუნველყოფს, რომ ისრაელსა და ჰამასს შორის სამხედრო მოქმედებები აღარ განახლდეს.
ჯერჯერობით, უცნობია, ზუსტად რა რაოდენობის სამშვიდობოებს გაგზავნიან სახელმწიფოები, თუმცა ცნობილია, რომ ინდონეზიის კონტრიბუცია ამ მხრივ 8,000 ჯარისკაცი იქნება. რაც შეეხება ფინანსებს, პრეზიდენტი ტრამპი მოელის, რომ ღაზას სექტორის ხელახლა აღდგენისთვის წევრი სახელმწიფოებისაგან მილიარდობით დოლარს მოიზიდავს. შეგახსენებთ, “მშვიდობის საბჭოს” წევრობის საწევროს გადასახადი ერთ ქვეყანაზე $1 მილიარდია, თუმცა განსაზღვრული არ არის, ეს თანხა უნდა ჩაირიცხოს ერთიანად, თუ სხვადასხვა პროექტების ფარგლებში, მთელი წლის განმავლობაში. შესაბამისად, სავარაუდოა, რომ შტატების ლიდერი კოლეგებს ფონდში პირველადი ფინანსური კონტრიბუციის შეტანას სწორედ $1-მილიარდიანი ვალდებულების ფარგლებში სთხოვს.
რაც შეეხება ჰამასს, რომლის განიარაღებისა და ძალაუფლების ჩამორთმევის გარეშეც “მშვიდობის საბჭო” ღაზას სექტორის რეკონსტრუქციასა და ახალი ადმინისტრაციის სრულფასოვან მმართველობას ვერ უზრუნველჰყოფს, არსებული ინფორმაციით, მის ტერორისტებს საშუალება ექნებათ, სამშვიდობო ძალებს საკუთარი ნებით ჩააბარონ იარაღი და როგორც პალესტინის მშვიდობიანმა მცხოვრებლებმა, ისე განაგრძონ ცხოვრება. მათთვის, ვისაც ასეთ რეალობაში დარჩენა არ ენდომება, “მშვიდობის საბჭო” პარტნიორი ქვეყნების მეშვეობით ღაზას სექტორიდან გასვლაში დაეხმარება. შეგახსენებთ, ამჟამად ჰამასის ხელმძღვანელობის პოზიციაა, რომ ახალ ღაზაში დარჩენა და ჯარისკაცების საპოლიციო ძალებში გაწევრიანება სურთ, რათა იმ ბრძოლამ, რაც წლების განმავლობაში სექტორის დაცვისთვის გასწიეს, უკვალოდ არ ჩაიაროს. თუმცა როგორც ტრამპის ადმინისტრაცია, ისე ისრაელი ამ ფორმით ჰამასის ღაზაში დარჩენას კატეგორიულად ეწინააღმდეგებიან. სავარაუდოა, რომ შუამავალი სახელმწიფოები, რომლებიც “მშვიდობის საბჭოშიც” არიან წარმოდგენილი, 19 თებერვალს ამ საკითხზე აქტიურად იმსჯელებენ.
