,
წყარო: https://bm.ge/
ჩინეთი, რომელიც პლანეტის უმსხვილესი ექსპორტიორია, საკუთარი ლოგისტიკური ჯაჭვების გაფართოებისთვის მსოფლიოს მასშტაბით ახალ საპორტო ინფრასტრუქტურაში მრავალმილიარდიან ინვესტიციებს ახორციელებს. ეს მოიცავს სტრატეგიულად მნიშვნელოვან წერტილებში ახალი პორტების მშენებლობას, არსებული ტერმინალების გაფართოებას და ახალი სატრანსპორტო ჯაჭვების შექმნას. ჩინეთი უმეტესწილად ორიენტირებულია ნედლეულის იმპორტზე, იქნება ეს ნაყარი ტვირთები, მეტალების მადნები, ნედლი ნავთობი, მანქანა დანადგარები თუ სხვა საქონელი და მზა პროდუქციის ექსპორტზე, რაც უმეტესწილად საკონტეინერო ხომალდების მეშვეობით ხორციელდება.
ჩინეთის მიერ მსოფლიოს მასშტაბით შეძენილი და აშენებული საპორტო ინფრასტრუქტურა მეტწილად თანხვედრაშია ჩინეთის სავაჭრო ნაკადების მოცულობასთან. 2023 წელს ჩინეთის ექსპორტი 3.4 ტრილიონ დოლარს, იმპორტი კი 2.55 ტრილიონ დოლარს შეადგენდა.
Council of Foreign Relations-მა (CFR) ერთად შეკრიბა ის საპორტო/სატერმინალო/ლოგისტიკური პროექტები, რომლებსაც ჩინეთი მსოფლიოს გარშემო ახორციელებს. აღნიშნული პროექტები ძირითადად ერთი სარტყელი, ერთი გზის ინიციატივის ფარგლებში ხორციელდება, რომელიც ჩინეთის პრეზიდენტმა სი ძინ პინმა 2013 წელს წარადგინა. მსოფლიოს მასშტაბით სულ 92 საპორტო/სატერმინალო ინფრასტრუქტურაა, რომელშიც ჩინური კომპანიები მონაწილეობენ, მათ შორის 13 საპორტო პროექტში ჩინური კომპანიები მაჟორიტარულ (50%+ საკონტროლო წილს) ფლობენ. ამ 13 საპორტო პროექტიდან 10 პორტი შესაძლებელია გამოყენებულ იქნეს ჩინეთის საზღვაო ძალების ოპერაციებისთვისაც.
CFR-ის თანახმად, ჩინეთის უმსხვილესი გაცხადებული საპორტო ინვესტიცია მსოფლიოს გარშემო ტანზანიაში განხორციელდება, რაც ბაგამოიოს პორტის მშენებლობას უკავშირდება. პორტის მთლიანი საინვესტიციო ღირებულება $10 მილიარდი დოლარია. პორტის მშენებლობის შესახებ განცხადება ტანზანიის პრეზიდენტმა ჯაკაია კიკვეტემ 2013 წელს სი ძინ პინთან შეხვედრაზე გააკეთა, თუმცა 10 წელზე მეტია აღნიშნულიდან გასული, ამასთან შეცვლილია ტანზანიის მთავრობაც, თუმცა პორტის რეალური განხორციელება არ დაწყებულა, ასევე უცნობია იქნება თუ არა პორტის საინვესტიციო მოცულობა $10 მილიარდი, რადგანაც მსგავსი პროექტები რეალურად განხორციელების ეტაპზე ხშირად ზომაში შემცირებას ექვემდებარებიან. მეორე ადგილზეა ავსტრალია, სადაც 2016 წელს მელბურნის პორტის 50-წლიანი ოპერირება/გაფართოების საკონცესიო უფლებები ჩინურმა კონსორციუმმა $7.3 მილიარდად შეიძინა. მესამე ადგილზეა შრი-ლანკა, სადაც ჩინეთმა $4 მილიარდამდე ინვესტიცია განახორციელა. საუბარია ჰამბანტოტას საპორტო პროექტზე, რომელშიც ჩინურ სახელმწიფო კომპანიებს 87%-იანი წილი აქვთ, ხოლო შრი-ლანკას სახელმწიფო 13%-ს ფლობს. პროექტი ჩინური სესხით აშენდა, რომლის მომსახურებაც შრი-ლანკას სახელმწიფომ ვერ შეძლო, რის შედეგადაც პროექტი 99 წლის ვადით ჩინური კომპანიის მართვაში გადავიდა. მეოთხე პოზიციაზეა სინგაპური, სადაც მსოფლიოს ერთ-ერთი ყველაზე მეტად დატვირთული პორტი მდებარეობს, აღნიშნული პორტის ახალი ნავმისადგომების მშენებლობა ოპერირებისთვის ჩინურმა კომპანიებმა 2.6 მილიარდის ინვესტიცია განახორციელეს, ხოლო მათი საკუთრება აღნიშნული ტერმინალის 49%-ს შეადგენს.
| ქვეყანა | მთლიანი ჩინური ინვესტიცია | პორტების/ტერმინალების რაოდენობა | არის თუ არა ქვეყანა სარტყელი და გზის პარტნიორი |
| ტანზანია | $10.2 მილიარდი | 2 | დიახ |
| ავსტრალია | $8.1 მილიარდი | 3 | არა |
| შრი-ლანკა | $3.9 მილიარდი | 4 | დიახ |
| სინგაპური | $2.6 მილიარდი | 1 | დიახ |
| ანგოლა | $2.1 მილიარდი | 3 | დიახ |
| სპილოს ძვლის სანაპირო | $1.7 მილიარდი | 2 | დიახ |
| ნიგერია | $1.7 მილიარდი | 2 | დიახ |
| კამბოჯა | $1.5 მილიარდი | 3 | დიახ |
| მიანმარი | $1.3 მილიარდი | 1 | დიახ |
| საუდის არაბეთი | $1.2 მილიარდი | 3 | დიახ |
| სამხრეთ კორეა | $1.2 მილიარდი | 1 | დიახ |
| ტაილანდი | $1 მილიარდი | 2 | დიახ |
| მადაგასკარი | $1 მილიარდი | 1 | დიახ |
| ისრაელი | $1 მილიარდი | 1 | არა |
| რუსეთი | $1 მილიარდი | 1 | Unclear |
| კენია | $944.7 მილიონი |
3 | დიახ |
| ტიმორ-ლესტე | $942.6 მილიონი | 1 | დიახ |
| თურქეთი | $940 მილიონი | 1 | დიახ |
| ბრაზილია | $924 მილიონი | 1 | არა |
| ყატარი | $880 მილიონი | 1 | დიახ |
| გვინეა | $853 მილიონი | 1 | დიახ |
| ეგვიპტე | $721 მილიონი | 3 | დიახ |
| ჯიბუტი | $606.7 მილიონი |
2 | დიახ |
| კამერუნი | $568 მილიონი | 1 | დიახ |
| მალაიზია | $544 მილიონი | 2 | დიახ |
| იემენი | $508 მილიონი | 1 | დიახ |
| განა | $476 მილიონი | 1 | დიახ |
| ესპანეთი | $454 მილიონი |
2 | არა |
| მავრიტანია | $453.8 მილიონი |
3 | დიახ |
| საფრანგეთი | $446 მილიონი | 1 | არა |
| პაკისტანი | $440 მილიონი | 3 | დიახ |
| საბერძნეთი | $411 მილიონი |
1 | დიახ |
| ერიტრეა | $400 მილიონი | 1 | დიახ |
| ნამიბია | $385 მილიონი | 1 | დიახ |
| ეკვატორული გვინეა | $352 მილიონი | 1 | დიახ |
| პაპუა ახალი გვინეა | $285 მილიონი | 1 | დიახ |
| მექსიკა | $272.5 მილიონი | 2 | არა |
| არაბთა გაერთიანებული საამიროები | $227.5 მილიონი | 2 | დიახ |
| პერუს | $225 მილიონი | 1 | დიახ |
| Წასვლა | $207 მილიონი | 1 | დიახ |
| პანამა | $195 მილიონი |
2 | დიახ |
| ვიეტნამი | $163.3 მილიონი | 1 | დიახ |
| შეერთებული შტატები | $161.9 მილიონი | 2 | არა |
| უკრაინა | $151.3 მილიონი | 3 | დიახ |
| მოზამბიკი | $151 მილიონი | 2 | დიახ |
| ბრუნეი | $142.9 მილიონი | 1 | დიახ |
| ნიდერლანდები | $139 მილიონი | 1 | არა |
| ლატვია | $112 მილიონი | 1 | დიახ |
| ეკვადორი | $106.7 მილიონი | 1 | დიახ |
| სუდანი | $97.5 მილიონი | 1 | დიახ |
| გერმანია | $76 მილიონი | 1 | არა |
| იტალია | $59.1 მილიონი | 1 | დიახ |
| კონგოს დემოკრატიული რესპუბლიკა | $56.5 მილიონი | 1 | დიახ |
| ჩილე | $44 მილიონი | 1 | დიახ |
| ბელგია | $39.1 მილიონი |
1 | არა |
| ბაჰამის კუნძულები | $39 მილიონი | 1 | არა |
| ფილიპინები | $10 მილიონი | 1 | დიახ |
აღნიშნულ სიას მომავალში საქართველოც დაემატება საწყის ეტაპზე $600 მილიონი დოლარის ინვესტიციით ანაკლიის ღრმაწყლოვანი პორტის პროექტში, სადაც ჩინურ კონსორციუმ (CCCC & China Harbour Investment PTE) 49%-იანი წილი ექნება.
სხვადასხვა სამუშაოების ჩატარების გამო 18 სექტებერს ელექტრომომარაგება დროებით შეიზღუდება
დიდუბის და ჩუღურეთის რაიონები
ქსელში გადართვების გამო 01:00 საათიდან 04:00 საათამდე შეზღუდვა შეეხება: თამარ მეფის გამზირის, წერეთლის გამზირის (ნაწილობრივ), ნორიოს აღმართის, ცაბაძის (ნაწილობრივ), ფიფიების, ვორონინის, თევდორე მღვდლის, გორის, ბათუმის, ფოთის, ბაგრატიონის, ევდოშვილის, აბასთუმნის, ჩუბინაშვილის, ფოცხვერაშვილის, გოგოლის, გროზნოს, მამრაძის, დონდუას, ქინქლაძის, ჩიტაიას, ცხრა ძმა ხერხეულიძის, თვალჭრელიძის, ცოტნე დადიანის, ართვინის, კაპანაძის, ფარავნის, მამარდაშვილის, თეთნულდის, კიკვიძის, პალიასტომის, მარუაშვილის და ზაზიშვილის ქუჩების მოსახლეობას.
გადაუდებელი სამუშაოების გამო 10:00 საათიდან 18:00 საათამდე შეზღუდვა შეეხება: გარდაბნის სანერგე მეურნეობის (ნაწილობრივ), ლოტკინის სანერგე მეურნეობის (ნაწილობრივ), რეხის დასახლების, ხაჩატურიანის, რეხის, ენუქიძის, გაბისკირიას, ყუბანეიშვილის, ჟორდანიას, თამარ და აკაკი პაპავების, ჯინჭარაძე, ლოლაძის, მახათას, ცაიშის, დადიანი-ანჩაბაძის, აგიაშვილის, ივერთუბნის, ბარაკონის, კარტოზიას, ხორნაულის, ყანჩელის, დოლიძის, გაბუნიას, ბეთაშვილის, ალავერდის, ახალი რეხის, ვალერიან კანდელაკის, მახათას, თამარ მამულაშვილის, მარინე უთმელიძის, გურამ გაბისკირიას, რაულ ეშბას, ალოიზ მიზანდარის და ანასტასია თუმანიშვილი-წერეთლის ქუჩების მოსახლეობას.
კრწანისის რაიონი
გადაუდებელი სამუშაოების გამო 10:00 საათიდან 18:00 საათამდე შეზღუდვა შეეხება: რუსთავის გზატკეცილის (ნაწილობრივ), სოფელი ფონიჭალას, ფონიჭალის დასახლების, ქვემო ფონიჭალის დასახლების, ვაგზლის, გულიკო გოდოლაძის, ევსტათი მცხეთელის, შოთა ნიშნიანიძის და სადგურის ქუჩების მოსახლეობას.
ვაკის რაიონი
ქსელში გადართვების გამო 01:00 საათიდან 04:00 საათამდე შეზღუდვა შეეხება: ილია ჭავჭავაძის გამზირის (ნაწილობრივ), მოსაშვილის, ბერძენიშვილის, დარიალის, კავსაძის და ფალიაშვილის ქუჩების მოსახლეობას.
გადაუდებელი სამუშაოების გამო 10:00 საათიდან 19:00 საათამდე შეზღუდვა შეეხება: ილია ჭავჭავაძის გამზირის (ნაწილობრივ), დიდიმ მირცხულავას, ირაკლი აბაშიძის, ფალიაშვილის, არაყიშვილის და ბაზალეთის ქუჩების მოსახლეობას.
