,
2023 წლის 12 ივლისის შეჯამება უკრაინაში:
- დონეცკისა და ზაპორიჟიას ოლქების საზღვრის სიახლოვეს, ველიკა ნოვოსილკას სამხრეთით, სტარომაიორსკესა და უროჟაინეს სიახლოვეს უკრაინელები შეტევაზე აირიან გადასულები. მაკარივკასთან მდგომი უკრაინული მძიმე ტექნიკა რუსულ სატანკო ძალებსა და ახალ სასანგრე პოზიციებს უტევს.
მათ სიახლოვეს, რუსებიც ცდილობენ კონტრშეტევის წამოწყებას რივნოპოლის გზაზე, თუმცა უკრაინელები შეტევას უმკლავდებიან.
შეტაკებები მიმდინარეობს კიდევ უფრო აღმოსავლეთით, ნოვოდონეცკესთან. უკრაინელებსა და რუსებს შორის დასახლებისათვის ბრძოლა თვეზე მეტია ინტენსიურ ხასიათს ატარებს.
- ზაპორიჟიას ოლქში, ორიხივი-ტოკმაკის გზაზე, რობოტინესთან ბრძოლა გრძელდება. უკრაინელები ვერ ახერხებენ დასახლების პირდაპირი დარტყმით აღებას და უკვე მეოთხე დღეა შემოვლით ცდილობენ მოწინააღმდეგის ზურგში მოქცევას. თუმცა ჯერჯერობით უკრაინული შეტევა ამ მიმართულებით ყველაზე ნელი და დანაკარგებით შედარებით გამორჩეულია.
- ზაპორიჟიალს ოლქში, დასავლეთით, ვასილივკას გზაზე, გათავისუფლებული პიატიხატკიდან ჟერებიანკის მიმართულებით უკრაინელები კვლავ გააქტიურდნენ. რუსები ჩივიან, რომ უკრაინელებმა დაკავებული ტერიტორიის ორგანიზებული ათვისება მოახდინეს და აუჩქარებლად, მეთოდურად მიიწევენ წინ.
- ბახმუტი და მისი შემოგარენი ყველაზე აქტიურ საბრძოლო მოქმედების ზონად რჩება. ქალაქის სამხრეთით უკრაინელები კვლავ კლიშჩიივკასა და კურდიუმივკას უტევენ, ქალაქის ჩრდილოეთით არამხოლოდ სლავიანსკი-ბახმუტის გზის მიმართულებით, არამედ სოლედარის ჩრდილოეთითაც აქტიურობენ უკრაინელები. ეს მას შემდეგ, რაც რუსული კონტრშეტევა დაკარგული პოზიციების ხელახლა აღებისათვის ჩავარდა. და ამასთან, ბახმუტის უკიდურეს დასავლეთ გარეუბანში, უკრაინული დანაყოფები და სნაიპერები წარმატებით ანადგურებენ რუსულ პოზიციებს. საინტერესოა, რომ რუსებმა ქალაქის ამ უკიდურესად დასავლეთით მდებარე ნაწილში პოზიციები მყარად ვერც ერთხელ ვერ შექმნეს.
- ზელენსკი და ბაიდენი შეხვდნენ ერთმანეთს ვილნიუსის სამიტზე. როგორც ჩანს უკრაინის პრეზიდენტმა მიიღო შესაბამისი დაპირებები, რომ უკრაინის ყველა დანაკარგი შეივსება და საბრძოლო საჭიროებებიდან გამომდინარე მოქნილად მოხდება იარაღის მიწოდება. ბაიდენი საკმაოდ კმაყოფილია სამიტით. მეტიც, CNN-ი წერს, რომ "ბაიდენმა მიიღო ყველაფერი რაც უნდოდა". ეს კი შვედეთის გაწევრიანებაზე მწვანე შუქის ანთება, უკრაინის შეიარაღებაზე ერთსულოვნების შენარჩუნება და NATO-ს ფუნქციის გადააზრებაა. სხვათა შორის, ომამდე ბოლო ათწლეულის განმავლობაში რუსული პროპაგანდა და სკეპტიკოსები იმას აცხადებდნენ, რომ NATO-ს ფუნქცია და მიზანი ჰქონდა დაკარგული. ახლა კი, ამ სამიტზე, მისი მნიშვნელობის ხელახლა გადააზრება მოხდა - ნატო ჩრდილოეთ ატლანტიკაში დასავლური უსაფრთხოების ერთადერთი დასაყრდენია და რომ სამხედრო-პოლიტიკური საფრთხეები დიდი, ავტოკრატიული რეჟიმებისაგან ნებისმიერ დროს შეიძლება დადგეს.
მიყევით ბმულს - გიორგი კობერიძე
აშშ-ის პრეზიდენტი დონალდ ტრამპი ირანთან დაკავშირებით აშშ-ის მოსახლეობას მიმართავს, - ინფორმაციას თეთრი სახლის პრესსპიკერი, კეროლაინ ლევიტი ავრცელებს.
„ხვალ საღამოს 9 საათზე (თბილისის დროით ხუთშაბათი, 5:00 საათი), პრეზიდენტი ტრამპი ერს მიმართავს, რათა მათ მნიშვნელოვანი სიახლე გააცნოს“, - წერს ლევიტი X-ზე.
მანამდე, აშშ-ის პრეზიდენტმა, დონალდ ტრამპმა თეთრ სახლში ჟურნალისტებს განუცხადა, რომ ირანის წინააღმდეგ ომი, ძალიან მალე დასრულდება.
„ძალიან მალე დავტოვებთ. ვიტყოდი, რომ შესაძლოა ორ კვირაში. ორ კვირაში, შესაძლოა სამ კვირაში. რეჟიმის შეცვლა მოგვიწია. რეჟიმის შეცვლა არ იყო ერთ-ერთი იმ მიზნებს შორის, რაც მე მქონდა. მე მქონდა ერთი მიზანი: მათ არ ჰქონოდათ ბირთვული იარაღი და ეს მიზანი მიღწეულია. მათ არ ექნებათ ბირთვული იარაღი. მაგრამ ვასრულებთ სამუშაოს და ვფიქრობ, შესაძლოა ორ კვირაში, შესაძლოა კიდევ რამდენიმე დღეში, შევასრულოთ ეს სამუშაო. მაგრამ გვინდა, რომ გავანადგუროთ ყველაფერი, რაც მათ აქვთ“, - განაცხადა ტრამპმა.
