2023 წლის 13 აპრილის შეჯამება უკრაინაში:
- დღეს ზაპორიჟიას რაიონში განსაკუთრებით აქტიური იყო უკრაინული არტილერია. დაიბომბა მელიტოპოლის აეროპორტი, აფეთქებები იყო ბერდიანსკში, საარტილერიო ცეცხლის ქვეშ იყო პოლოჰის მიმართულება და იწვოდა ფრონტისპირას მდებარე სამხედრო ობიექტები. ასეთი მასირებული და დროში მაქსიმალურად სინქრონიზებული აფეთქებული დიდ სამხედრო-ფსიქოლოგიურ დარტყმას აყენებს მოწინააღმდეგეს.
- უკრაინული კონტრშეტევა იყო ბახმუტის ცენტრის მიმართულებით. დაახლოებით 100 მეტრით წაიწიეს ცენტრისაკენ და რუსული შეტევა შეაფერხეს მცირედ. ასეთი ლოკალური კონტრშეტევები დროს და პოზიციებს მოაგებინებს უკრაინელებს.
ამასთან, რუსები ჩივიან რომ უკრაინელები ბახმუტის დიდი ნაწილს ნაღმავენ და ნებისმიერი კარგი შენობა, რომელიც გამოდგება თავშესაფრად ან ბაზირებისათვის, დაკავების შემდეგ მალევე ფეთქდებაო. ეს ამბავი დიდი ხანია მიმდინარეობს, მაგრამ ახლა რაც უფრო ღრმად შევიდნენ რუსები ქალაქში მით უფრო გამრავლდა მსგავსი შემთხვევა.
- აფეთქება იყო ყირიმშიც, კრინიჩკის მიმართულებით, რომლის ირგვლივაც რამდენიმე აეროდრომი მდებარეობს. პრაქტიკულად, ყველა უკრაინული შორ მანძილზე მსროლელი რაკეტა ყირიმზე იცდება. ახლა კი "ჰრიმ 2" უნიკალურ გამოცდას გადის.
- კვლავ აქტიურია აფეთქებები ბელგოროდის მიმართულებით, რუსეთში. ეს სრულიად მოსალოდნელია, რადგან სამხედრო მომარაგება და კავშირგაბმულობა კურსკის, ბრიანსკის, ბელგოროდის, როსტოვისა და ვორონეჟის ოლქებიდან ხდება.
- აშშ-ში ფედერალურმა პოლიციამ დააკავა 21 წლის ჯეკ ტეიშეირა, რომელიც აშშ-ს საჰაერო ძალებში მუშაობდა და ეჭვმიტანილია საიდუმლო დოკუმენტების გაჟონვაში. სავარაუდოდ იგი Discord-ის ერთ-ერთი სასაუბრო ჯგუფში ტვირთავდა საიდუმლო დოკუმენტებს. ახლა მთავარი საკითხავი ისაა - 21 წლის ბიჭს მართლა მიუწვდებოდა თუ არა ხელი საიდუმლო დოკუმენტებზე, რომელშიც გადმოცემული იყო არსებული რეალობა უკრაინაში თუ ეს ყველაფერი კარგად დაგეგმილი ოპერაცია გახლდათ რა დროსაც მას ეგონა რომ ნამდვილი ინფორმაციის შემცველ დოკუმენტებს ტვირთავდა თუმცა სინამდვილეში ცრუ ინფორმაცია იყო ეს ყველაფერი (დიდი ნაწილი მაინც) და ამ პროცესში დამნაშავეც (ანუ თავად დაკავებული აგენტიც) იქნა გამოვლენილი? საეჭვოა ამაზე პასუხი ჩვენ ოდესმე გავიგოთ, მაგრამ თუკი პირველ შემთხვევასთან გვაქვს საქმე და უმაღლესი საიდუმლოების შემცველი დოკუმენტები შესაძლოა Discord-ზე ატვირთოს დამწყებმა საჰაერო ძალების სამხედრომ მაშინ ბევრად უფრო რთულად ყოფილა საქმე, ვიდრე მხოლოდ უკრაინის შეიარაღების მძიმე მდგომარეობაა (რომლებზეც დოკუმენტები საუბრობდნენ).
.jpg)
