2023 წლის 4 აპრილის შეჯამება უკრაინაში:
- წუხელ უკრაინელებმა ყირიმის შესასვლელ ყელთან, არმიანსკის რუსული სამხედრო ნაწილი დაბომბეს. როგორც ცნობილია რუსები უმთავრეს ფორტიფიკაციებს სწორედ ამ საგზაო მიმართულებით აგებენ, შესაბამისად ასეთი იერიშები შედეგიანობის თვალსაზრისით მაღალია.
- რუსებმა დრონების გამოყენებით ოდესაზე მიიტანეს იერიშები. უკრაინულმა ჰაერსაწინააღმდეგო სისტემამ უმეტესწილად გამართულად იმუშავა.
- უკრაინელმა ოფიციალურმა პირებმა დაიწყეს მოწოდებების გავრცელება დატოვონ ოკუპირებული ტერიტორიები რუსმა სამხედროებმა, სანამ ამის საშუალება ჯერ კიდევ აქვთ, ხოლო სამოქალაქოებმა ან დატოვონ საკუთარი საცხოვრებლები ან ბუნკერები მოამზადონ თავშესაფრისათვის. ხერსონზე კონტრშეტევის დაწყების წინ ორი კვირით ადრე მსგავსი განცხადებები კეთდებოდა.
- მარიუპოლში ნაბრძოლი უკრაინელი ოფიცრები ინტენსიურად წვრთნიან უკრაინელ ახალწვეულებს. ახლა ამ კონტრშეტევის წინ ახალი პროფესიონალი სამხედროების დეფიციტის აღმოფხვრა ყველაზე მეტადაა პრიორიტეტული.
- უკრაინაში დასავლეთის დახმარებების ფონზე დიდი რაოდენობითაა შესული გამნაღმველი ტექნიკა, რაც კონტრშეტევისას კრიტიკულად მნიშვნელოვან როლს შეასრულებს.
- The New York Times წერს, რომ სექტემბერში უკრაინისათვის გამოყოფილი ფულადი რესურსები ამოიწურება და ახალი ფინანსური მეგაპროექტის დამტკიცებაზე მიდგება ჯერი. მაგრამ სწორედ ამ ფონზე მაქსიმალურად დიდი ყურადღება დაეთმობა თუ რამდენად ეფექტურად შეძლებს უკრაინა დასავლური იარაღის კონტრშეტევაში მასობრივად გამოყენებასა და კარგი შედეგის დადებას.
- აშშ-მ უკრაინისათვის დახმარების უმნიშვნელოვანესი 2.6 მილიარდი ამერიკული დოლარის დახმარება გამოყო. მასში ყველა მოთხოვნილი და საჭირო სახის ჭურვები და რაკეტები შედის. პრაქტიკულად შორს მსროლელი და ზუსტი დამიზნების საარტილერიო ჭურვები და რაკეტები დიდწილად იქნება შევსებული. მაგრამ ამ პაკეტში ერთი რამ იყო ყველაზე საინტერესო - 60-ზე მეტი ნავთობმზიდი მიეწოდება უკრაინას. რატომაა ეს მნიშვნელოვანი? აშკარაა რომ სიღრმეში სწრაფი კონტრშეტევის შემთხვევაში ნავთობის მომარაგება სწრაფად უნდა განხორციელდეს, საბრძოლო მოქმედებების პირობებშივე. ამისათვის კი ასეთი დასავლური ტექნიკა კრიტიკულია.
- ბახმუტში სიტუაცია უცვლელია - შეტაკებები ქალაქის ცენტრალურ ნაწილში გრძელდება.
პ.ს. ფინეთი ნატოს ახალი წევრია.
