USD 2.7000
EUR 3.1450
RUB 3.3636
Tbilisi
ქუთაისში „გვირილობის“ დღესასწაულს აღნიშნავენ
Date:  647

დღეს ქუთაისში „ქუთაისქალაქობა 2025“ აღინიშნება.  „ქუთაის ქალაქობის" მთავარი ღონისძიებები თეთრი ხიდის მიმდებარე ტერიტორიაზე, მეფეთ უბანში იმართება.

დღესასწაული ბაგრატის ტაძარში, ქუთათელ-გაენათელი მიტროპოლიტის იოანეს მიერ ქალაქის დალოცვით დაიწყო.
 
ბაგრატის ტაძარში იმყოფებოდნენ ქუთაისის მერის მოვალეობის შემსრულებელი დავით ერემეიშვილი, იმერეთში სახელმწიფო რწმუნებული ლევან ზალკალიანი, პარლამენტარი ზაზა ლომინაძე, ადგილობრივი ხელისუფლებისა და სამღვდელოების წარმომადგენლები, ჩოხოსნები.
 
ტრადიციისამებრ, დღესასწაულის მონაწილეებმა პატივი მიაგეს სამი ოთარის- ოთარ სულაბერიძის, ოთარ ქორქიას და ოთარ მამფორიას ხსოვნას.
 
ქუთაისის ნ.ბერძენიშვილის სახელობის სახელმწიფო ისტორიულ მუზეუმში, ქალაქის მერის მოვალეობის შემსრულებელმა ქუთაისის დამეგობრებული და პარტნიორი ქალაქების დელეგაციები მიიღო. აქვე წარმოდგენილი იყო გამოფენა „ ქუთაისი თვითმმართველი ქალაქი 150“.
 წელს "ქუთაისქალაქობის" მთავარი ღონისძიებები თეთრი ხიდის მიმდებარედ, მეფეთუბანში იმართება.

ქუთაისში დღეს გვირილობის დღესასწაულს აღნიშნავენ.

მოწყობილია მეწარმეების ხელნაკეთი ნივთების, ყვავილების გამოფენა-გაყიდვა. სახალხო დღესასწაულის ფარგლებში, იგეგმება მდინარე რიონზე ჯომარდობის მოყვარულთა საჩვენებელი დაშვება და საპატიო ქუთაისელების დაჯილდოების ცერემონია.

„ქუთაის ქალაქობა 2025“ გალა-კონცერტით დასრულდება.

tbilisi
ლოტკინისა და ზღვისუბნის დასახლებებში რეკრეაციული სივრცეები მოეწყობა

ნაძალადევის რაიონს რეკრეაციული სივრცეები შეემატება, - განაცხადა დედაქალაქის მერმა კახა კალაძემ მთავრობის სხდომაზე და აღნიშნა, რომ შესაბამისი სამუშაოები ლოტკინის დასახლებაში, ხუდადოვის ქ. N102-თან განხორციელდება.

მისი თქმით, ინფრასტრუქტურული და გამწვანების სამუშაოები ნახევარ ჰექტარ ფართობ ტერიტორიაზე შესრულდება.

„მოეწყობა სპორტული მოედანი, დამონტაჟდება საბავშვო-გასართობი ატრაქციონები, მოსასვენებელი სივრცეები, ტრენაჟორები და ვიდეომონიტორინგის კამერები. ჩატარდება გამწვანების სამუშაოები და დაირგვება სხვადასხვა სახეობის ხე-მცენარე. ტენდერი უახლოეს დღეებში გამოცხადდება, რომლის დასრულებისთანავე გამარჯვებული კომპანია სამუშაოებს დაიწყებს. პროექტის განსახორციელებლად ადგილობრივი ბიუჯეტიდან 1 800 000 ლარი გამოიყოფა“, - განაცხადა კახა კალაძემ.

თბილისის მერის ინფორმაციით, კიდევ ერთი სკვერი ზღვისუბნის დასახლებაში, მე-3 მიკრორაიონში, მე-5 კვარტლის N25 კორპუსის მიმდებარედ მოეწყობა.

„აღნიშნული ტერიტორიაც სრულად მოწესრიგდება. ჩატარდება გამწვანების სამუშაოები, მოეწყობა სარწყავი სისტემა, განათების ქსელი, დამონტაჟდება საბავშვო ატრაქციონები და მოსასვენებელი სივრცეები. რა თქმა უნდა, განთავსდება სკვერისთვის საჭირო ყველა სხვა ინფრაქტრუქტურა. არაფერი უხდება ჩვენს დედაქალაქს ისე, როგორც მწვანე სივრცეები. შესაბამისად, მომდევნო წლების განმავლობაში ბევრ საინტერესო პროექტს შევთავაზებთ დედაქალაქის მოსახლეობას“, - აღნიშნა დედაქალაქის მერმა.

მისი თქმით, პროექტის განსახორციელებლად ადგილობრივი ბიუჯეტიდან, დაახლოებით, 1 200 000 ლარი დაიხარჯება.

See all
Survey
ვინ გაიმარჯვებს რუსეთ - უკრაინის ომში?
Vote
By the way