USD 2.7084
EUR 2.9337
RUB 2.9233
თბილისი
ქეთი კიკოშვილი-შვეიცარიაში მცხოვრები ქართველი ექიმი
თარიღი:  669
დავიბადე და გავიზარდე თბილისში. 2002 წელს დავამთავრე თბილისის სახელმწიფო სამედიცინო უნივერსიტეტი. ეს ის დრო იყო, როცა უმცროსი ექიმის თანამდებობაზე მოწყობა 3000 $ ღირდა და ყოველთვიური ხელფასი 30 ლარს შეადგენდა. რა თქმა უნდა, ამდენი ფული მაშინ არც მე მქონდა და არც ჩემს ოჯახს. იყო ალტერნატივაც-ფარმაცევტულ ან სადაზღვევო ბიზნესში გადასვლა, რაც ნამდვილად არ იყო ჩემი ინტერესის სფერო. მინდოდა უშუალოდ ადამიანებთან ახლოს მუშაობა. იმ დროს ეს, ბევრი ჩემი კოლეგისთვის, ალბათ კარგად ნაცნობი სიტუაცია იყო.
 
დაახლოებით ერთი წლის შემდეგ აღმოვჩნდი გერმანიის ერთ-ერთ პატარა ქალაქში. ძალიან გამიჭირდა იქაურობასთან შეგუება. იმ დროს კანონი არ მაძლევდა მუშაობის უფლებას და გადავწყვიტე, რომ დამეწყო გერმანული ენის შესწავლა. ამ პატარა ქალაქში მომეცა შესაძლებლობა გამევლო ჩემი პირველი საექიმო პრაქტიკა. ეს იყო ძალიან შთამბეჭდავი შეხება გერმანულ ჯანდაცვის სისტემასთან და ზოგადად პაციენტებთან. დავრწმუნდი, რომ ეს ის საქმე იყო, რისი კეთებაც მინდოდა.
 
რამდენიმე წლის შემდეგ გადავედით საცხოვრებლად შვეიცარიაში, ქალაქ ბაზელში. სწორედ ამ ქალაქს უკავშირდება მნიშვნელოვანი წლები ჩემი შემდგომი განვითარების, როგორც პროფესიულად, ასევე პიროვნულად.
 
ამ დროს უკვე კარგად ვფლობდი გერმანულ ენას. 4 თვიანი პრაქტიკის შემდეგ დავიწყე ერთ-ერთ კლინიკაში რიგით ექიმად მუშაობა. მომიწია რთული სახელმწიფო გამოცდების ჩაბარება, ექიმის დიპლომის და ლიცენზიის ხელახლა მოპოვება. ჩემთვის სრულიად განსხვავებული იყო საგამოცდო სისტემა. გამოცდის დროს ყურადღება ექცეოდა არა მხოლოდ თეორიულ ცოდნას და სწორ დიაგნოსტიკას, არამედ უნარ-ჩვევებს პაციენტთან ურთიერთობის, კომუნიკაციის ტექნიკას, ემპათიის გამოვლენას, მოსმენის კულტურას და იმ მნიშვნელოვან დეტალებს, რომელიც ექიმსა და პაციენტს შორის სწორი ურთიერთობის ჩამოყალიბებას ეხება.
 
შემდეგ იყო ბაზელის საუნივერსიტეტო კლინიკის მიმღები განყოფილება, სადაც თითქმის ერთი წელი ვიმუშავე. ეს ყველაზე რთული ეტაპი იყო ჩემი კარიერის მანძილზე, არა მხოლოდ პროფესიული თვასაზრისით, არამედ ფიზიკურად და ემოციურად. ძალიან მიჭირდა არანორმალურად სწრაფ ტემპთან და შვეიცარულ პერფექციონიზმთან გამკლავება, მით უფრო, რომ ერთადერთი არა გერმანულენოვანი ექიმი ვიყავი მიმღების თერაპიულ განყოფილებაში. მუშაობის პარალელურად გავაკეთე სადოქტორო დისერტაცია ბაზელის უნივერსიტეტის სამედიცინო ფაკულტეტზე.
2017 წელს ისევ დავბრუნდი გერმანიაში და დავიწყე ოჯახის ექიმად მუშაობა. ჩემი სპეციალობა არის ზოგადი მედიცინა, თერაპია. ერთი წელია, რაც ჩემს კოლეგასთან ერთად ვხელმძღვანელობ ოჯახის ექიმის ამბულატორიულ კლინიკას. ოჯახის ექიმი არის პირველი სამედიცინო საკონტაქტო რგოლი ჯანდაცვის სისტემაში, რომელიც უზრუნველყოფს ღია და შეუზღუდავ წვდომას ყველა მომხმარებლისთვის ჯანმრთელობის ყველა პრობლემის შემთხვევაში, განურჩევლად ასაკისა, სქესისა და პაციენტის სხვა მახასიათებლებისა. ოჯახის ექიმს ეხება ჯანმრთელობის პრობლემები მათ ფიზიკურ, ფსიქოლოგიურ, სოციალურ, კულტურულ და ეგზისტენციალურ ჭრილში. ჩვენ გვაქვს კონკრეტული პასუხისმგებლობა ფართო საზოგადოების ჯანმრთელობაზე, მის პრევენციაზე და ქრონიკული დაავადებების მართვაზე. ოჯახის ექიმს ესაჭიროება მედიცინის ძალიან ფართოდ ცოდნა, უნარ-ჩვევები და გამოცდილება. რაც ყველაზე მნიშვნელოვანია, ჩვენ გვაქვს პაციენტის და მისი გარემოცვის ძალიან მაღალი ნდობა, რის შენარჩუნებას და გამყარებასაც მუდმივად ვცდილობთ.
 
ჩემი დიდი სურვილია, საქართველოში საოჯახო მედიცინა ისეთივე განვითარებული და მნიშვნელოვანი რგოლი იყოს, როგორც ეს ევროპაშია. ამაში წვლილის შეტანა ჩემს მომავალ გეგმებსაც უკავშირდება. 43 წლის ასაკში ვფიქრობ, რომ პიროვნული და პროფესიული განვითარების გზაზე ჩემი მთავარი მოტივატორი, პირველ რიგში, ჩემი შვილია და შემდეგ თავისუფლებისკენ, დამოუკიდებლობისკენ სწრაფვა. მგონია, რომ პროფესია ადამიანის მრავალფეროვანი ყოფის ერთერთი შემადგენელი ნაწილია, რომელიც ტრამპლინია სხვა აღმოჩენებისა და გამოწვევებისთვის. ჩემს მომავალ კოლეგებს ვურჩევდი, რომ აკეთონ კეთილსინდისიერად ის საქმე, რაც მათ სიამოვნებას ანიჭებთ. ისწავლონ უცხო ენა და გაეცნონ მედიცინას სხვა და სხვა ქვეყანაში. ეს დიდ გამოცდილებას შემატებს მათ.
სპორტი
კახა კალაძე: ეს არ არის უბრალოდ გამარჯვება, ეს თარიღი საქართველოს უახლეს ისტორიაში ოქროს ასოებით იწერება

საქართველოს ფეხბურთელთა ეროვნული ნაკრების გამარჯვების შემდეგ, საქართველოს პრემიერ-მინისტრი ირაკლი კობახიძე, თბილისის მერი კახა კალაძე და ნაკრების წევრები პირველი რესპუბლიკის მოედანზე შეკრებილ გულშემატკივრებს შეუერთდნენ და გამარჯვება მათთან ერთად აღნიშნეს.

კახა კალაძემ მადლობა გადაუხადა ეროვნულ ნაკრებს და და კიდევ ერთხელ ხაზი გაუსვა პლეიოფის ფინალში გამარჯვების განსაკუთრებულ მნიშვნელობას.

„გილოცავთ! რთულია, ვისაუბრო იმაზე, თუ რამხელა გამარჯვება მოიპოვა ჩვენმა ქვეყანამ. ეს არის ის, რასაც ათეულობით წელი ველოდებოდით. ეს არ არის უბრალოდ გამარჯვება, ეს არის ისტორიის დაწერა. საქართველოს უახლეს ისტორიაში 2024 წლის 26 მარტი ოქროს ასოებით იწერება, იმიტომ, რომ ჩვენი ეროვნული ნაკრები ითამაშებს ევროპის ჩემპიონატზე“, - განაცხადა კახა კალაძემ.

დედაქალაქის მერმა მადლობა გადაუხადა ეროვნული ნაკრების გულშემატკივარსაც.

„მადლობა ყველას, ვინც მოედანზე იმყოფებოდა, ვინც სახლიდან უყურებდა ამ თამაშს. ყოველთვის, როცა ჭირდებოდა საქართველოს ეროვნულ ნაკრებს, იდექით მის გვერდში. იყო უამრავი წაგება, იყო რთული პერიოდი, მაგრამ ყოველთვის იდექით იქ, სადაც ჭირდებოდა ქართულ ფეხბურთს, ქართულ სპორტს და ამისთვის მინდა მადლობა გითხრათ თითოეულ თქვენგანს“, - მიმართა გულშემატკივრებს კახა კალაძემ.

სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.