გლდანის რაიონის გამგეობამ მეშვიდე მიკრორაიონის N10 კორპუსთან სკვერის რეაბილიტაცია დაიწყო. სამუშაოები 1000 კვადრატულ მეტრამდე ფართობზე ჩატარდება.
ტერიტორიაზე მოეწყობა მოსასვენებელი პავილიონი, ბავშვთა გასართობი და ფიტნეს ზონები, დამონტაჟდება გარე განათებისა და სარწყავი სისტემები, ჩატარდება გამწვანების სამუშაოები - დაიგება ბალახი და დაირგვება ხე-მცენარეები. განთავსდება სკვერისთვის საჭირო ინფრასტრუქტურა. აღნიშნული სამუშაოებისთვის გამგეობის ბიუჯეტიდან 286 659 ლარი დაიხარჯება.
ამასთან, მიმდებარედ არსებულ სპორტულ მოედანს სრული რეაბილიტაცია ჩაუტარდება.
სკვერის პროექტის შესახებ სრული ინფორმაცია მოსახლეობას გლდანის რაიონის გამგებელმა ბესიკ კალაძემ მიაწოდა.
