,
საქართველოდან თხილის ექსპორტი და საექსპორტო ფასი 2025 წლის იანვარ-აგვისტოში გაიზარდა.
უფრო კონკრეტულად, სტატისტიკის სამსახურის მონაცემებით წელს საქართველომ ექსპორტზე 7 883 ტონა თხილი გაიტანა და 59 მლნ აშშ დოლარის შემოსავალი მიიღო. თანხაში ზრდა 46%-ია, მოცულობაში - 30%. ფასი 12%-ით არის გაზრდილი.
გასულ წელს 9 თვეში საექსპორტო ფასი 6.67 დოლარი იყო, წელს კი ღირებულება 7.48 დოლარამდეა გაზრდილი.
გასაღების ბაზრების ჩამონათვალი კი ასეთია:
შეგახსენებთ, საქართველომ ყველაზე მეტი, 183,3 მლნ აშშ დოლარის 19,933 ტონა თხილი ექსპორტზე 2014 წელს გაყიდა. ყველაზე ცოტა, 66.9 მლნ აშშ დოლარის 13,355 ტონა კი 2019 წელს, რაც ფაროსანას მიერ ბაღების განადგურებას უკავშირდებოდა.
წყარო: https://bm.ge/
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
