USD 2.6978
EUR 2.9112
RUB 2.9177
თბილისი
“ქართული ოცნება” – 25%, ენმ და გაერთიანებული ოპოზიცია – 15.5% – IPSOS-ის კვლევის შედეგები
თარიღი:  362

საერთაშორისო კომპანია IPSOS S.A.-მ ტელეკომპანია “მთავარი არხის” დაკვეთით საქართველოში 2020 წლის საპარლამენტო არჩევნებთან დაკავშირებით კვლევა ჩაატარა. კვლევაში დასმული ძირითადი შეკითხვები შეეხებოდა მოსახლეობის ამჟამინდელ განწყობებს პოლიტიკური პარტიების, სოციალური და ეკონომიკური საკითხების მიმართ.

“მთავარი არხის” თანახმად, კითხვაზე, მომავალ კვირას რომ იმართებოდეს საპარლამენტო არჩევნები, ვის მისცემდნენ ხმას, რესპოდენტების პასუხები შემდეგნაირად ნაწილდება:

  • “ქართული ოცნება” – 25 %
  • “ნაციონალური მოძრაობა” და გაერთიანებული ოპოზიცია “ძალა ერთობაშია” – 15.5 %
  • “ევროპული საქართველო” – 5 %
  • “სტრატეგია აღმაშენებელი” – 3 %
  • “ლეიბორისტული პარტია” – 3 %
  • “პატრიოტთა ალიანსი” – 3 %
  • “გირჩი” – 2.5 %
  • “ერთიანი საქართველო – დემოკრატიული მოძრაობა” – 2.5 %
  • “ლელო საქართველოსთვის” – 2 %
  • “მოქალაქეები” – 1.5 %
  • “თავისუფალი საქართველო” – 1 %
  • სხვა პარტიები – 3 %
  • არ ვიცი – 19 %
  • უარი პასუხზე – 14 %

ასევე, იგივე კითხვის დასმისას ალოკაციით მიღებული შედეგებით, “ქართულ ოცნებას” – 38%, ენმ და გაერთიანებულ ოპოზიციას – 26%, “ევროპულ საქართველოს” – 9%, “სტრატეგია აღმაშენებელს” – 5%, “ლეიბორისტულ პარტიას” – 4%, “პატრიოტთა ალიანსს” – 4%, “გირჩს”, “ერთიანი საქართველო – დემოკრატიულ მოძრაობას” და “ლელოს” გამოკითხულთა 3-3%, “მოქალაქეებს” – 2″, “თავისუფალ საქართველოს” – 1%, ხოლო სხვა პარტიებს 2% მისცემდა ხმას. [ალოკაციის მეთოდით კვლევის ჩატარებისას რესპოდენტები არ ასახელებენ ფავორიტ კანდიდატს, თუმცა ანალიტიკოსი დაკვირვების შედეგად ხვდება შესაძლო ვარიანტს და კვლევაში უთითებს”]

კითხვაზე, შეიცვლება თუ არა ხელისუფლება 2020 წლის არჩევნების შედეგად, გამოკითხულთა 12%-ის აზრით ხელისუფლება აუცილებლად შეიცვლება, მაღალი ალბათობით შეიცვლება 29%-ის აზრით, სავარაუდოდ იგივე დარჩება 28%-ის აზრით და აუცილებლად იგივე დარჩება 17%-ის აზრით.

კვლევისას დასმულ შეკითხვაზე “გინდათ თუ არა, რომ 2020 წლის არჩევნების შედეგად ხელისუფლება შეიცვლოს”, 57%-მა დადებითი პასუხი გასცა, 26%-მა კი უარყოფითი.

კითხვაზე, რომელი პარტიები უნდა იყოს არჩევნების შემდეგ პარლამენტში აუცილებლად, გამოკითხულთა პასუხები შემდეგნაირად ნაწილდება:

  • ენმ და გაერთიანებული ოპოზიცია – 28%
  • “ქართული ოცნება” – 23.5%
  • “ევროპული საქართველო 23%
  • “ლეიბორისტული პარტია” – 17.5%
  • “სტრატეგია აღმაშენებელი” – 17%
  • “მოქალაქეები” – 15%
  • “პატრიოტთა ალიანსი” – 15%
  • “ლელო” – 14.5%
  • “გირჩი” – 7.5%
  • “თავისუფალი საქართველო” – 7%
  • “ერთიანი საქართველო” – 6.5%

აღნიშნულ კითხვაზე რესპოდენტებს ერთდროულად რამდენიმე პარტიის დასახელება შეეძლოთ.

რაც შეეხება დღევანდელი ხელისუფლების მიმართ კმაყოფილიებას, გამოკითხულთა 8%-მა უპასუხა რომ კმაყოფილია, მეტნაკლებად კმაყოფილია 34%, მეტნაკლებად უკმაყოფილოა 23%, ხოლო უკმაყოფილოა 35%.

კვლევის ავტორებმა რესპოდენტებს ქართულ პოლიტიკაში ბიძინა ივანიშვილის როლის შეფასებაც სთხოვეს, რაზეც პასუხები შემდეგნაირად გადანაწილდა: ძალიან დადებითად შეაფასა 10%-მა, მეტნაკლებად დადებითად 30%-მა, მეტნაკლებად უარყოფითად 20%-მა, ძალიან უარყოფითად კი 32%-მა.

კვლევის ფარგლებში იდენტური შეკითხვა დაისვა მიხეილ სააკაშვილთან მიმართებაშიც, რაზე 18%-მა უპასუხა, რომ სააკაშვილის როლს ქართულ პოლიტიკაში ძალიან დადებითად აფასებს, მეტნაკლებად დადებითად შეაფასა 32%-მა, მეტნაკლებად უარყოფითად – 16%-მა, ძალიან უარყოფითად კი 25%-მა.

კვლევის მიხედვით, საქართველოს ხელისუფლების საქმიანობა 2004-2012 წლებში დადებითად შეაფასა რესპოდენტების 31%-მა, მეტნაკლებად დადებითად – 38%-მა, მეტნაკლებად უარყოფითად – 11%-მა, უარყოფითად კი 13%-მა.

ხელისუფლების როლი 2012-2020 წლებში დადებითად შეაფასა 9%-მა, მეტნაკლებად დადებითად – 41%-მა, მეტნაკლებად უარყოფითად – 19%-მა, უარყოფითად კი 27%-მა.

ამასთან, კვლევის ავტორებმა რესპოდენტებს სთხოვეს შეედარებინათ ბოლო ორი ხელისუფლების საქმიანობა, რაზეც 37%-მა უპასუხა, რომ 2004-2012 წლებში ხელისუფლება უკეთესი იყო, 17%-ის აზრით კი ხელისუფლება უკეთესია 2012-2020 წლებში. გამოკითხულთა 34%-ის შეფასებით ორივე ხელისუფლება ერთნაირია, 7% კი ფიქრობს, რომ არც ერთი არ ვარგა.

კითხვაზე, როგორი მიმართულებით ვითარდება საქართველო, 34%-მა უპასუხა, რომ ქვეყანა არასწორი კუთხით ვითარდება, 26% კი მიიჩნევს, რომ ქვეყანა სწორი მიმართულებით ვითარდება.

კითხვაზე, რომელია ყველაზე მნიშვნელოვანი საკითხი, რომელიც ხელისუფლებამ უნდა მოაგვაროს პასუხები შემდეგნაირად ნაწილდება:

  • დასაქმება – 64%
  • ეკონომიკა – 50%
  • სიღარიბე – 47.5%
  • ფასების ზრდა – 38%
  • ჯანდაცვა – 33.5%
  • პენსიები – 29.5%
  • ლარის გაუფასურება – 25%
  • კრიმინალი – 25%
  • კორუფცია – 13%
  • უსაფრთხოება – 10.5%
  • დემოკრატია – 7%
  • სიტყვის თავისუფლება – 6%
  • საგარეო პოლიტიკა – 4.5%

აღნიშნულ კითხვაზე რესპოდენტებს რამდენიმე პრობლემის ერთად დასახელება შეეძლოთ.

კვლევის ფარგლებში რესპოდენტებმა ასევე უპასუხეს კითხვას: როგორი იყო ჯანდაცვის მიმართულებით მიღებული ზომები კორონას პანდემიის პირობებში. გამოკითხულთა 18%-ის აზრით ამ მიმართულებით მიღებული ზომები ძალიან კარგი იყო, 25%-ის თქმით, მეტნაკლებად კარგი, საშუალო და მეტნაკლებად ცუდი იყო 16-16%-ის აზრით, 17%-ის შეფასებით კი მიღებული ზომები ძალიან ცუდი იყო.

კითხვაზე, როგორი იყო ეკონომიკის მიმართულებით მიღბული ზომები კორონას პანდემიის პირობებში, 6%-მა უპასუხა, რომ ეს ზომები “ძალიან კარგი” იყო. 15%-მა “მეტნაკლებად კარგი”, 12.5%-მა “საშუალო”, 20%-მა “მეტნაკლებად ცუდი”, 41%-მა კი “ძალიან ცუდი” უპასუხა.

ასევე გამოკითხულთა 2%-ის თქმით ბოლო ერთი წლის განმავლობაში მათი ეკონომიკური მდგომარეობა გაუმჯობესდა, 9%-ის თქმით, მეტნაკლებად გაუმჯობესდა, იგივე დარჩა 43%-ის შეფასებით, მეტნაკლებად გაუარესდა 25.5%-სთვის და გაუარესდა 21%-სთვის.

შეკითხვაზე, თუ რომელი პოლიტიკური ძალა შეძლებს თქვენთვის მნიშვნელოვანი პრობლემების ყველაზე ეფექტიანად მოგვარებას, პასუხები შემდეგნაირად ნაწილდება:

  • “ქართული ოცნება” – 19%
  • ენმ და გაერთიანებული ოპოზიცია – 18%
  • “ევროპული საქართველო” – 5%
  • “ლელო” – 2.5%
  • “ლეიბორისტული პარტია” – 2%
  • “პატრიოტთა ალიანსი” – 2%
  • “სტრატეგია აღმაშენებელი” – 1.5%
  • “გირჩი” – 1.5%
  • “ერთიანი საქართველო” – 1%
  • “მოქალაქეები” – 1%

“მთავარი არხის” საიტზე განთავსებული ინფორმაციის თანახმად, კვლევა 2020 წლის 10-დან 18 ოქტომბრის ჩათვლით ჩატარდა. კვლევის ფარგლებში IPSOS-მა 1500 რესპოდენტი გამოკითხა, რომელთაც გამოკითხვის ჩატარების ადგილას არჩევნებში მონაწილეობის უფლება აქვთ. კვლევა სტრატიფიცირებული შემთვევითი შერჩევისა და პირისპირ ინტერვიუს პრინციპით ჩატარდა. ცდომილების ფარგლები +- 2,5%-ია.

სპორტი
კახა კალაძე: ეს არ არის უბრალოდ გამარჯვება, ეს თარიღი საქართველოს უახლეს ისტორიაში ოქროს ასოებით იწერება

საქართველოს ფეხბურთელთა ეროვნული ნაკრების გამარჯვების შემდეგ, საქართველოს პრემიერ-მინისტრი ირაკლი კობახიძე, თბილისის მერი კახა კალაძე და ნაკრების წევრები პირველი რესპუბლიკის მოედანზე შეკრებილ გულშემატკივრებს შეუერთდნენ და გამარჯვება მათთან ერთად აღნიშნეს.

კახა კალაძემ მადლობა გადაუხადა ეროვნულ ნაკრებს და და კიდევ ერთხელ ხაზი გაუსვა პლეიოფის ფინალში გამარჯვების განსაკუთრებულ მნიშვნელობას.

„გილოცავთ! რთულია, ვისაუბრო იმაზე, თუ რამხელა გამარჯვება მოიპოვა ჩვენმა ქვეყანამ. ეს არის ის, რასაც ათეულობით წელი ველოდებოდით. ეს არ არის უბრალოდ გამარჯვება, ეს არის ისტორიის დაწერა. საქართველოს უახლეს ისტორიაში 2024 წლის 26 მარტი ოქროს ასოებით იწერება, იმიტომ, რომ ჩვენი ეროვნული ნაკრები ითამაშებს ევროპის ჩემპიონატზე“, - განაცხადა კახა კალაძემ.

დედაქალაქის მერმა მადლობა გადაუხადა ეროვნული ნაკრების გულშემატკივარსაც.

„მადლობა ყველას, ვინც მოედანზე იმყოფებოდა, ვინც სახლიდან უყურებდა ამ თამაშს. ყოველთვის, როცა ჭირდებოდა საქართველოს ეროვნულ ნაკრებს, იდექით მის გვერდში. იყო უამრავი წაგება, იყო რთული პერიოდი, მაგრამ ყოველთვის იდექით იქ, სადაც ჭირდებოდა ქართულ ფეხბურთს, ქართულ სპორტს და ამისთვის მინდა მადლობა გითხრათ თითოეულ თქვენგანს“, - მიმართა გულშემატკივრებს კახა კალაძემ.

სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.