,
რუსეთის მთავრობაში, რომელსაც ახალი პრემიერ-მინისტრი მიხეილ მიშუსტინი ხელმძღვანელობს, საგარეო საქმეთა მინისტრმა სერგეი ლავროვმა თანამდებობა შეინარჩუნა. რუსული მედიის ინფორმაციით, ქვეყნის პრეზიდენტმა ვლადიმერ პუტინმა ხელი მოაწერა ბრძანებას ახალი მთავრობის სტრუქტურის შესახებ, სადაც ზოგიერთმა მინისტრმა თანამდებობა ვერ შეინარჩუნა.
თანამდებობაზე დარჩნენ ძალოვანი უწყებების პირველი პირები - თავდაცვის მინისტრი სერგეი შოიგუ და შინაგან საქმეთა მინისტრი ვლადიმერ კალაკოლცევი.
გარდა ამისა, კრემლის ლიდერმა გააუქმა ჩრდილოეთ კავკასიის საკითხთა სამინისტრო, რომელიც ეკონომიკის სამინისტროს დაუქვემდებარა.
რუსეთის მინისტრთა კაბინეტის ახალი შემადგენლობა უკვე შეიკრიბა.
